2 Korente-na 8:12 - Bible azumeina

¹² Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

2 Korente-na 8:12 ပူးပေါင်းရင်းမြစ်များ

2 Sunda Hamuleinid’a 6:8

Wani Ma didina mi de mabun David ala: Ang nga hurung á minin gonga gagazi.

Buzuk ka Abud’a 25:2

Ang de mi Israel-lâ ala a mban he d’a hawad’a. Agi vagi he d’a hawad’a abo nge nge pî ma hat ki min mambina.

Buzuk ka Abud’a 35:24

Suma pet suma a he kawei ma hapma ki kawei ma hleuna he d’a hawad’a mi Ma didinina a mba ki sed’eziya. Suma pet suma a he agu kasiyana yam sunda hi zlub’ud’ina a mbamzi mi.

Buzuk ka Abud’a 35:29

Israel-lâ ki zla tazi pet, andjofâ karop suma huruzi djivid’a á le sun nda Ma didina mi he vuna kat mi Moise-sina, a mba ki he d’a hawa d’a azi hat kur min mazid’id’a mi Ma didina.

Buzuk ka Abud’a 35:5

Agi pad’agi vun ahle magina mi Ma didina. Suma pet suma a nga ki hur ma djivinina a mba ki he d’a hawa d’a teteng nga azi pad’at mi Ma didina ndata, nala, lora, kawei ma hapma, kawei ma hleuna,

Zla d’a d’ogolâ 19:22

Vama suma a minim ata sanina ni djivi d’a led’a. Hotei ang kak sama houd’a kal la ang mbut sama ka zlad’id’a.

Matiye 25:17

Mam ma ve talanda mbàna, mi le hina mi, mi fe kat kua mbà mi.

Matiye 25:22

Ma ve talanda mbàna mi mba, mi dum ala: Salana, ang han talanda mbà. Gola! An fe d’a dinga kat kua mbà wana.

Wana ni Zla d’a Djivi d’a Luc mi b’irita 16:10

Sama d’engzeng yam ahle suma akid’einina, ni sama d’engzeng yam ahle suma nglona mi. Sama bei d’engzeng yam ahle suma akid’einina, ni sama bei d’engzeng yam ahle suma nglona mi.

2 Korente-na 8:11

Wani ki tchetchemba, ar agi ndagagi vun sun nda agi tinit ad’ut á led’a kur min magid’id’a, ar agi lagi ndak yam vama nga abogina.

2 Korente-na 8:13

An de hina ná hlaneka woi yam suma dingâ, ná ar aneka kagiya d’i, wani kayam agi ndjagagi abo tagi tu.

2 Korente-na 8:19

Wani kayam ndata go d’i, wani Tok ka tetenga ti manam á tit zlapa ki sed’emiya. Hina mi mba mi ndjunumi á b’rau he d’a hawa d’a suma ndata yam subura hi Salad’id’a, á tak kei abu ala ami minimi á ndjun b’oziyoi suma a nga kur kid’akina mi.

2 Korente-na 9:7

Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.