2 Korente-na 8:10 - Bible azumeina

¹⁰ Kayam ndata, an nga ni dagi djib’er ra kurunda. Djivid’a agi lagi sun nda agi tinit ad’ut adjeu á led’a kur biza d’a gadjumbid’a, d’igi agi minigi á led’a na, agi ndagat vunat mi.

2 Korente-na 8:10 ပူးပေါင်းရင်းမြစ်များ

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Jean 11:50

Agi djib’eregi nga d’ala djivid’a kagi sana tu mi mit yam suma tala ar andjavei pet mi ba woi d’uo d’a d’i.

Jean 16:7

An nga ni dagi zla d’a gagazid’a. Ni djivid’a kagi d’ala an iya d’a. Le an i d’uo ni, Ma ndjunda mba mi mba kagi d’i. Le an iya ni, an mba ni sunugizïya.

Jean 18:14

Kayif ni ma mi de d’alâ mi Juif-fâ ala: Djivid’a sana tu mi mit yam suma ped’u na.

1 Korente-na 10:23

Suma dingâ adigagi a nga dala: Ahlena pet a han lovota kazi á led’a. Gagazi, wani ahle suma dingâ a nga djivid’a á led’a d’i. Ahlena pet a han lovota kazi á led’a, wani ahlena pet a nga djivid’a á wul sana akulo kur he gagazid’a d’uo mi.

1 Korente-na 16:2

Kur bur ma dimas ma lara ge pet, ar nge nge pî mi tin bege d’a mi fat nga d’a yam fe mambid’a irat vat á ngomba. Ar agi djubugi ni mba manda mbeî d’i.

1 Korente-na 6:12

Suma dingâ adigagi a mba dala: Ahlena pet a han lovota kazi á led’a. Gagazi, wani ahle suma dingâ a nga djivid’a á led’a d’i. Ahlena pet a han lovota kazi á led’a, wani an min mbut magoma hi va tu d’i.

1 Korente-na 7:25

Yam zlad’a hi yuguneinid’a, Salad’a mi han nga vuna kazi d’i, wani an nga ni dagi ni djib’er ra kurunda, kayam Salad’a mi wan hohowonu, mi mbud’un ma d’engzengâ.

1 Korente-na 7:40

Wani an djib’er ala le d’i kak hawa bei ve ndjufâ ni, djivid’a kala. An djib’er ala ni Muzu’â hAlonina ba, mi zud’un á ded’a.

2 Korente-na 12:1

Djivid’a an subur tan mi, wani subur tad’a djivi mata nga d’i. Wani ki tchetchemba, an nga ni de ni yam vama Salad’a mi nde tam iran mi tagandji woina.

2 Korente-na 8:6

Tit mi tin ad’ud’a á zud’ugi á he he d’a hawad’a ngola. Kayam ndata, ami tchenem ala mi i avogovok kuru, mi ndjunugi á ndak vun sun nda djivi ndata mi.

2 Korente-na 8:8

An de hina, an hagi ni vuna d’i, wani an de ni yam zlezleûd’a hi suma dingîd’a. An min kuk o magid’a, na ni ni o d’a gagazid’a ko zu?

2 Korente-na 9:2

kayam an we min magid’a. Kayam ndata, an suburugi wa avok suma Maseduwan-na. An dazi ala: B’oziyoi suma Akai-na a min tazi á ndjun suma ni gadjum dei. Zlezleû magid’a zut suma dingâ ablaud’a akulo adigazi á led’a.

Filip-ma 4:17

Wani an halî he d’a hawad’a d’i, wani an min ala djivi magid’a ti i avogovogo.

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.