2 Korente-na 7:11 - Bible azumeina

¹¹ Gola! Zal hur ma tcholï ata Alo ma mi had’agina nga mi zud’ugi avogovok á väd’u zla magid’a. Hina, agi nga ki hur ma hata, agi nga ki mandarâ, agi nga ki hur ma tinda á wanu, tagi nga d’i lagi zlezleû, agi nga ki hur ma hata á ka sariyad’a yam tchod’a mi. Kur ahle ndazina pet, agi nga tagagi woi ala zla nga kagi d’i.

2 Korente-na 7:11 ပူးပေါင်းရင်းမြစ်များ

Nehemi 13:25

An ngoboziya, an nguluziya, an to suma dingâ, an ndjud’uzi tumus sa kazid’a woyo, an gunuzi ki simiyê Alona ala: Ar agi hagi grogi suma aropma mi grozina d’i, ar agi vigizi grozi suma aropma mi grogina d’oze mi agi tagid’a d’uo mi.

Wana ni mbaktumba hi Job-pa 42:6

Ni kayam ndata ba, an ve tan ki zlad’a, an mbut hurunu; ni kak kä aduk andaga d’a gugud’upa, aduk butna mi.

Sawal la giled’a 119:139

Hur man ma hata, mi kal wa kanu, kayam man suma djangûna a mar wa woi yam zla manga.

Sawal la giled’a 130:6

An tin hurun yam Salad’a kal azigar ma ndjol ma mi djup yima fod’ina, gagazi, kal azigar ma ndjol ma mi djup yima fod’ina.

Sawal la giled’a 145:19

Mi nga ndak vun minda hi suma a nga lum mandarama, nga mi hum tchi mazina, nga mi sud’uzi mi.

Sawal la giled’a 2:11

Agi lagi sunda mi Ma didina ki mandarâ, agi lagi furîd’a, agi zlagagi avorom mi.

Sawal la giled’a 35:13

Wani ata yima azi nga tugud’eid’ina, an tchuk dodora atanu, an mbut tan hohoud’a, an d’el tan bei te tena, an tchen Alona kazi ki yan tchoka kä.

Sawal la giled’a 38:9

Ad’engên nga d’i, tan ndi galeî woi gagaleî, an nga ni tchi ngola abo zam ta manda.

Sawal la giled’a 42:1

Ni sawal la Kore groma a hlat a hat mi ma ngolâ hi suma hle sawalina.

Sawal la giled’a 69:9

Ni kayam ang ba, an mbut sama dingâ ir b’oziyona, an mbut angeina ir b’oziyon suma asuyona mi.

Zla d’a d’ogolâ 14:16

Sama ned’a nga mi le mandara tchod’a, mi wal tam mbei ki sed’ed’u, wani sama lilid’a nga mi nga atogo zak á led’a, nga mi le mandar ri.

Zla d’a d’ogolâ 28:14

Sama nga mi le mandara Alona teteuna, mi le furîd’a, wani sama mi b’al hurum kikina, mba mi nde kur ndaka.

Sawal la kal teglesa 8:6

Ang tinin kurung d’igi tampongâ na, ang tinin bigang d’igi tampongâ na mi, kayam od’a tad’enga d’igi matna na, yungôrâ mad’enga d’igi yima azuleina na mi. Vat mam mba dudunuka takud’a d’igi sin akud’a hi Ma didinid’a na.

Isai 26:8

Gagazi, Ma didina, ami tinimi hurumi ni kayam angû. Lovot mang nga ang tagata ni d’a d’ingêra. Ami nga yangû, ami nga tchenengû. Wana ni djib’er ra kurumi d’a ami minita.

Isai 66:2

Ma didina mi de kua ala: Ahle suma agi wazi pet wana, ni an ba ni lazi kabonu. An nga ni dagiya, azi pet ni mana. Sama tan lan djivid’a kama ni ma hohou ma nga mi hum zla manda ki mandarâ nga mi zlak avorotna.

Daniel 6:14

Kid’a amulâ mi hum zla ndatid’a, hurum b’lak ngola, mi djib’er kurum á prut Daniel leyo. Nga mi hal lovota ki so tad’a á prut Daniel lei gak afata niga.

Marik 3:5

Mi pret tam mi golozi ki zlazi pet, hurum zal ngola, kayam me mi fe hur ma wurana yam hur mazi ma b’ala. Mi de mi sa máma ala: Ang mat abong ngeyo. Mi mad’am mbeyo; abom mbut blangâm ma adjeuna.

Jean 2:17

Mam suma hata, humazi gazi yam zla d’a a b’irit kur mbaktumba hAlonid’a ala: Alo mana, tan nga d’i lan zlezleû yam gong manga d’a.

Sunda hi suma a sunuzinid’a 17:16

Kid’a Paul nga mi djubuzi Aten tua d’a, hurum zal ngola heî, kayam mam we azì ma ngol máma mi nga oîd’a ki fileina.

Romê-na 11:20

Gagazi, Alona mi kazi woi ni kayam azi he nga gagazid’a d’i, wani ang nga kua ni yam he gagazi manga. Kayam ndata, ang gol tang djiviya, ang subur tang ngi, wani ang ka’î ki mandarâ.

Romê-na 14:18

Sama le sunda yam Christ hina na, ni ma Alona tam lum djivid’a kama, suma a yorom mi.

Romê-na 3:5

Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.)

1 Korente-na 12:25

Kayam ndata, wala nga aduk hliu tad’a d’i, wani ir hliu tad’a teteng pet ti nga d’i djib’er yam tad’u.

1 Korente-na 5:13

Wani ni zla magid’a á ka sariyad’a yam suma Toka d’igi mbaktumba hAlonid’a ti de na ala: Ar agi digigi sama tchona woi adigagiya.

1 Korente-na 5:2

Agi nga suburugi ni tagi zango zu? Wani agi nga had’agi hurugi á digigi sama le sunda hina d’a woi adigagi d’uo zu?

2 Korente-na 13:7

Wani ami nga tchenemi Alona kagi ala ar agi lagi tchod’a d’i. Nga ni kayambala ami ndagamiya d’a d’i, wani le ami ndagami nga d’uo pî, ar agi lagi nahle suma djivina.

2 Korente-na 2:6

Sariya d’a suma ablaud’a a kat yam sa mámid’a, ti ndaga.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

2 Korente-na 7:7

Ami lami furîd’a ni yam mba mamba hol li, wani yam zla d’a mi dami ala agi tagi b’lengêm hurumu d’a mi. Mi dami kua ala agi tagi nga had’agi hurugi ngola á golonu, agi nga yorogi tagi kan ngola, tagi nga d’i lagi zlezleû á ndjunun mi. Kayam ndata, an nga ni le furîd’a ngola mi.

2 Korente-na 7:9

Wani ki tchetchemba, an nga ni le furîd’a, ni kayambala an zalagi hurugiya d’a d’i, wani kayam zal hur magi máma mi zud’ugi ná mbud’ugi hurugiya. Ami wami ala zal hur magina ni minda hAlonid’a, kayam vama ami lagizina ná b’lagagi d’i.

2 Korente-na 9:2

kayam an we min magid’a. Kayam ndata, an suburugi wa avok suma Maseduwan-na. An dazi ala: B’oziyoi suma Akai-na a min tazi á ndjun suma ni gadjum dei. Zlezleû magid’a zut suma dingâ ablaud’a akulo adigazi á led’a.

Efes-sâ 4:26

Le hurugi zala ni, agi lagi tchod’a d’i. Ar afata nigigi kayî magi ma djulula d’i.

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

Filip-ma 2:12

Kayam ndata, buniyôn suma od’a, d’igi agi nga humun teteu na, nga ni iran hol li, wani ki tchetchemba an nga adigagi d’uo pî, ar agi lagi sunda yam sut magid’a ki mandarâ ki zlaka mi.

1 Tasaloni’â 4:6

ar sa mi tchila yam gata á le ir wiyem ma kur Christ-sâ kur ahle ndazina d’i. Ami dagi woi mbak, ami gagi humagi mi, suma a le tcho d’a hina d’ina, Salad’a mba mi kazi sariyad’a kaziya.

1 Timote 5:20

Suma nglo suma gol Toka suma a nga le tchod’ina, ang ngobozi ir suma pet, kayam suma hiuna a mbut mandarâ.

2 Timote 2:15

Ang he tang mAlona d’igi sama ndak avorom ma le sunda bei zulona ba ma väd’u zla d’a gagazid’a ata yat d’ingêrâ na.

Wana ni mbaktum mba Paul mi b’irit mi Tit-ta 3:8

Zla ndata ni zla d’a irata. An min ala ang dazi zla ndata kad’enga, kayam suma he gagazid’a yam Alonina a min tazi á le sun nda djivid’a. Zla ndata ni zla d’a djivid’a yam suma á led’a.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.

1 Pierre 2:2

Ar agi had’agi hurugi yam apo ma djivina d’igi gugurei suma vut awilina na, nala, yam zlad’a hAlonid’a, kayam agi wulugi akulo kur sut magid’a.

Jude 1:23

Agi prud’uzi woi aduk akud’a á sud’uziya, agi wagi hohowa suma dingâ zlapa ki mandarâ. Wani le ni baru mazi d’a tubaka ki d’od’ok mazi d’a tchod’id’a pî, ar agi noyôd’u.

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.