2 Korente-na 7:10 - Bible azumeina

¹⁰ Kayam zal hur ma tcholï ata Alonina nga mi mbut sana hurum á fe suta. Sut ndata, zal hurâ mi nga kua d’i, wani zal hurâ hi duniyad’ina mi ingî kur matna.

2 Korente-na 7:10 ပူးပေါင်းရင်းမြစ်များ

Ad’u Tinda 30:1

Ata yima Rachel ti wala ndat ti vut nga gor mi Jakob puo na, ti nde le yungôra ata wiyeta, ti de mi Jakob ala: Ang han grona! Le hina d’uo ni, an mba ni mid’a!

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

2 Samuel 13:4

Jonadap mi djobom ala: Ni kayam me ba, ang mala namulâ goromina ko ba, ki burâ kaf ang nde yorogo tang tchuka hina susub’ok ke? Ang dan nduo zu? Amnon mi hulong dum ala: Hurun ve Tamar wiyena Apsalom wiyemba.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

1 Amuleina 21:4

Ahap mi hulong avo hatamu, tam tchuk lus, hurum zal mi, kayam Nabot mi dum ala: An ndak á hang asine ma guguzlu ma abuyomi ngolo a hamizi djonina d’i. Ahap mi kal klavi mi bur kä yam azang mama, mi mbuttcha iram gumun gongâ, mi min te tena d’i.

Sawal la giled’a 38:18

Kayam an ar go á puka, an nga ni yor tan teteu.

Zla d’a d’ogolâ 15:13

Sama mi nga ki furîd’ina iram mbi ni woi tchatreî, wani le sana mi nga kur ndaka ni, tam mbi tchu’î susub’ok mi.

Zla d’a d’ogolâ 15:15

Sama hohoud’a mi ni kaka kur ndaka burâ ki burâ, wani sama tam djivid’ina mi ni kur furîd’a burâ ki burâ.

Zla d’a d’ogolâ 17:22

Kak kä ki hur ma hapmid’a ni kuma ma djivina, wani kak kä ki hur ma wuranid’a ti id’ingî id’a.

Zla d’a d’ogolâ 18:14

Ve tad’a hi sanid’a ti ndak á ndjunum kur tugud’ei mamba, wani le ve tad’a ti nga d’uo ni, ni nge ba, mba mi tcholom akulo ge?

Ma tchi wala 7:3

B’lak hurâ mi kal sanda. Kayam le irang tchuk susub’ok pî, hurung ndak á le furîd’a.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Ezekiyel 7:16

Mazi suma a mba arâ a mba ring akulo yam ahuniyôna d’igi gugu d’a kur horid’a na á sut taziya. Azi pet nge nge pî mba mi zam tam yam tcho mamba.

Jonas 3:10

Alona mi we sun mazi d’a azi lata, a mbut huruzi yam tcho mazid’a, mi ar ndak ka mam ngat kurum á lazizid’a woyo, mi lat nga d’i.

Jonas 3:8

Ar suma ki d’uwarâ a tchuk baru d’a dodora ataziya, a tchi avok Alona ki delezi akulo, nge nge pî mi ar tcho mamba ki so vun mama woyo.

Jonas 4:9

Alona mi de mi Jonas ala: Hur mang ma zal ma yam terer ndatina nata yat tchu? Jonas mi hulong dum ala: Nata yad’u! An zal hurun gak matna!

Matiye 26:75

Pierre mi djib’er yam zla d’a Jesus dumzi ala: Avok bei ahle’â mi hela, ang mba tin vunang kan yang hindi ala ang wan nga d’uo d’a. Mi ndabua, mi tchi ngola.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

Wana ni Zla d’a Djivi d’a Luc mi b’irita 18:13

Wani ma ve lombod’a mi tchol bugol sä woi hina dei, mi min hle iram akulo d’uo ko, wani nga mi tchi abom kurum ala: Alona, ang wan hohowonu, an ni sama tchona.

Sunda hi suma a sunuzinid’a 11:18

Ata yima azi hum hina na, a seng silil, a gile Alona, a dala: Gagazi, Alona mi he wa lovota mandjaf suma dingâ á mbut huruzi á fe arid’a mi.

Sunda hi suma a sunuzinid’a 3:19

Kayam ndata, agi mbud’ugi hurugi yam tcho magid’a, agi hud’ugi gen Alona mi, kayam mi hazagi tcho magid’a woyo.

2 Korente-na 12:21

An nga ni le mandarâ ala fata an hulongza adigagid’a, Alo mana mba mi hulongôn yan kä kua avorogiya, an mba ni tchi yam ablau suma a le tchod’a adjeu a ar nga tcho mazid’a ki ndjendjed’a ki mizeuna ki gaulangâ woi d’uo na mi.

2 Korente-na 7:9

Wani ki tchetchemba, an nga ni le furîd’a, ni kayambala an zalagi hurugiya d’a d’i, wani kayam zal hur magi máma mi zud’ugi ná mbud’ugi hurugiya. Ami wami ala zal hur magina ni minda hAlonid’a, kayam vama ami lagizina ná b’lagagi d’i.

Hebre-na 12:17

Agi wagi ala bugola, mam halat ki simina ala abum mi b’e vunam kamu pî, abum mi min ndi, kayam Esau mi fe nga lovota á mbut hurum mbi.

1 Samuel 30:6

David mi nga kur yor tad’a ngola, kayam sum mama a nga dala: Ei durizi kahinad’a, ei tchiziya! Kayam suma pet a nga kur hur ma hata, nge nge pî nga mi hat hurum yam grom suma andjofâ ki grom suma aropma. Wani David nga mi fad’enga ni yam Ma didina Alo mama.