2 Korente-na 6:8 - Bible azumeina

⁸ A nga suburumiya, a nga mbud’umi zulona mi; a nga dami zlami tchod’a, a nga dami zlami djivid’a mi. Azi nga golomi ni d’igi suma ka zlad’a na, wani ami dami ni zla d’a gagazid’a hol.

2 Korente-na 6:8 ပူးပေါင်းရင်းမြစ်များ

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 22:16

A sun mazi suma hata azi ki suma hi Herot-na atamu. A djobom ala: Ma hat suma, ami wami ala angî ma gagazina, ang nga hat suma yam lovota hAlonid’a kur gagazid’a. Ang nga le mandara sa d’i, kayam ang nga ka ir sa d’i.

Matiye 27:63

a dum ala: Sama ngolâ, humami gami yam zla d’a sama ka zla máma, kid’a mam nga ki iram tua d’a, mi dala: Bugol bur ma hindina, an mba ni tchol akulo aduk suma matna.

Marik 12:14

Kid’a azi mbeï atamba, a dum ala: Ma hat suma, ami wami ala angî ma gagazi ma bei le mandara sa ba na, kayam ang nga ka ir sa d’uo mi, wani ang hat suma yam lovota hAlonid’a kur gagazid’a. Djivid’a ei hei tara mamulâ Sesar roze ei hum mbuo zu?

Jean 7:12

Ablau suma a kud’us tazi ngola yam zla mamba. Suma dingâ a dala: Ni sama djivina. Suma dingâ ala: Hawa! Ni ma vit suma woina.

Sunda hi suma a sunuzinid’a 10:22

Azi dum ala: Kornei ma azigarâ abom kis ma Romê-na mi sunumï ni mamu, ni sama d’ingêr ma nga mi le mandara Alonina, ni ma Juif-fâ pet a nga le glangâs ma djivina kama. Alona mi sun malaika mama, mi hum vuna á yangî avo hatam á hum zla d’a avunanga.

Sunda hi suma a sunuzinid’a 16:39

Azi mba á labaziya. Kid’a a buzuguzi woi abud’a, a tchenezi ala a arazi azì mazi ma ngolâ.

Sunda hi suma a sunuzinid’a 22:12

Sana simiyêm ala Ananiyas mi nga. Ni sama le mandara Alona kur gata hi Moise-sina, ni sama Juif suma Damas-sâ pet a nga le glangâs ma djivina kama mi.

Sunda hi suma a sunuzinid’a 24:5

Ami fami sa máma ni sama hal zlad’a, ni mam ba, mi tchol ki huneîd’a aduk Juif-fâ yam andagad’a pet. Mam mi ma ngol ma avok adesâ hi Ma Nazarat-nina.

Sunda hi suma a sunuzinid’a 28:22

Wani ami min humumi zla d’a avunang nga ang djib’eret kurunga. Kayam ami wami suma a nga kak djangûna kandjaf hat ta ang nga had’ata ata yina pet.

Sunda hi suma a sunuzinid’a 4:21

Azi ngobozi kua, a araziya, kayam a fe nga lovota á lazi va d’i, kayam suma pet a nga gile Alona yam vama lena,

Sunda hi suma a sunuzinid’a 5:13

Wani suma a nga le mandara á kal adigaziya, wani suma a nga yorozi ndjundjum.

Sunda hi suma a sunuzinid’a 6:3

Kayam ndata, agi b’oziyomina, agi managi suma kid’iziya ni suma suma a nga le glangâs ma djivina kazina, ni suma oîd’a ki Muzuk ma bei tchod’a ki ned’ina, ami hazi sun ndata aboziya.

Romê-na 3:8

Ni kayam me ba, ami nga dami ala ar ei lei tchod’a, kayam djivid’a ti mba d’uo ge? Gagazi, suma dingâ a nga las zla mamid’a, a nga dala ami dami hina. Alona mba mi kazi sariyad’a kazi nata yad’u.

2 Korente-na 1:18

D’igi Alona ni Ma d’engzengâ na, zla d’a ami dagizid’a nga ni  ki Hawa d’i.

2 Korente-na 11:21

An nga ni dagiya: An nga ki zulona kayam ad’engêmi ndak á le hina d’i. Wani le sama ding nga subur tam yam va ni, an nga ni de d’igi sama lilid’a na, an ndak á subur tan mi.

2 Korente-na 12:16

Wani an tinigi nga aneka kagi d’i. Wani agi nga dagi ala an lagi ni lemba á yogi ahligiyegi ki mbut ira.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

1 Tasaloni’â 2:3

Wal la ami nga tchat mi sumid’a ni yam zla d’a kad’a d’oze yam lovot ta ndjendjed’a d’i, ami nga halami á mbut ir sa d’uo mi.

1 Timote 3:7

Mbeî ni sama suma bei he gagazid’ina a le glangâs ma djivina kama. Le ni hina d’uo ni, zulona mba mi lumu, Diable mba mi vum ki dauna mi.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.

Hebre-na 13:13

Kayam ndata, ei i gevem bugol azina, ei vei tei kur lasa d’igi mam na mi.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.

3 Jean 1:12

Suma ablaud’a a nga le glangâs ma djivina yam Demetriyus, gagazid’a tata nga d’i le glangâsâ kam mi. Ami nga lami glangâsâ kamu; ang wala glangâs mamina ni gagazi mi.

Vama ndum mbeina 3:9

Wana ni vama an mba ni le ki suma toka hi Seitan suma ka zla suma a nga yi tazi ala azi ni Juif-fâ na ba, azi nga ni Juif-fâ d’uo na. An mba ni lazi kad’enga, azi mba grif kä avorong á hungû. Azi mba wala an le wa kangû.