2 Korente-na 6:7 - Bible azumeina

⁷ ki wal mami d’a tchi d’a gagazid’a kad’enga hAlonid’a. Ami nga kahle suma dur ayî suma d’ingêrâ á sut tami á dur ayîna mi.

2 Korente-na 6:7 ပူးပေါင်းရင်းမြစ်များ

Sawal la giled’a 119:43

Ang pat zla d’a gagazid’a woi avunan ndi, kayam an nga ni djup sariya mang nga kad’a ki hur ma tinda.

Buzuk ka Abud’a 14:22

Israel-lâ a tchuk kä kur alum ma ngolâ kasezi sod’a tchitching. Mbina mi tchol lei ata abozi ma ndjufâ kabozi ma gulana d’igi gulumuna na mi.

Zla d’a d’ogolâ 3:16

Kak ka karid’a tatâ d’a ti nga hur abot ma ndjufâ, ndjondjoîd’a ki subura a nga hur abot ma gulana mi.

Isai 11:5

D’ingêra mba d’i mbut ni d’ik ma mam djinim furuma, d’engzenga mba d’i mbut ni d’ik ma mam mba mi djinim ir tchuguluma mi.

Isai 59:17

Mi tchuk d’ingêra atam d’igi sana mi tchuk kongrongâ atam na, mi kulup djum mba suta kam mi. Mi tchuk baru ma sä atchugula atamu, mi tchuk yungôra atam d’igi sana mi tchuk baru d’a ngola atam na mi.

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Sunda hi suma a sunuzinid’a 11:21

Ad’enga hi Salad’id’a ti nga ki sed’eziya, suma ablaud’a a he gagazid’a, a mbut huruzi yam Salad’a.

1 Korente-na 1:24

Wani ir suma Alona mi yazi aduk Juif-fâ kandjaf suma dingîna, Christ máma nad’enga ki ned’a hAlonid’a.

2 Korente-na 13:4

Wani le a b’alam akulo ata aguna d’igi sama amangeîna na pî, mam nga karid’a yam ad’enga hAlonid’a. Hina mi, ami namangeîd’a zlapa tu ki mamu, wani ami mba kagami karid’a zlapa ki mam yam ad’enga hAlonid’a á ndjunugiya.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

2 Korente-na 7:14

Le an nga ni subur tan kagi avoromu ni, zulona nga mi lan ndi. Ahlena pet suma ami nga dagizina ni gagazid’a. Hina, subur ta mami d’a kagi avok Tit-ta ni gagazi mi.

Efes-sâ 1:13

Wani kid’a agi humugi zla d’a gagazid’a nala Zla d’a Djivi d’a sud’ugid’a, agi hagi gagazid’a yam Christ. Kayam ndata, Alona mi kagi geuna ki Muzuk mam ma bei tchod’a ba ma mi hle vunam kama.

Efes-sâ 3:20

Ni mam ma nga kad’enga á lahlena pet suma kal suma ei nga tcheneizina d’oze suma ei nga djib’erei kazina, yam ad’eng mam mba nga d’i le sunda kurid’a.

Efes-sâ 4:21

Gagazi, an wala agi humum zlamu, suma a had’agi zla d’a gagazi d’a yam Jesus-d’a mi.

Kolos-sâ 1:5

Kayam ndata, agi tinigi hurugi yam vama Alona nga mi ngomom sä akulo kagina. Ni vama agi humum zlam avok dei ata yima a tchagi wal zla d’a gagazid’ina, nala, Zla d’a Djivid’a.

1 Tasaloni’â 5:8

Wani ei ni suma hafatina á kagei irei sik. Ar agi tchugugi he gagazi magid’a ki o magid’a atagi d’igi sana mi tchuk kongrongâ atam na, ar agi kulubugi hur ma tin mala ni sut magid’a na kagi d’igi sana mi kulup djumba kam na mi.

2 Timote 2:15

Ang he tang mAlona d’igi sama ndak avorom ma le sunda bei zulona ba ma väd’u zla d’a gagazid’a ata yat d’ingêrâ na.

2 Timote 4:7

An dur wa ayî ma djivina, an dap wa vun ring mana, an ngom wa he gagazi manda mi.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.