2 Korente-na 6:6 - Bible azumeina

⁶ Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

2 Korente-na 6:6 ပူးပေါင်းရင်းမြစ်များ

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

1 Korente-na 12:8

Muzu’â hAlonina nga mi he sana tu á de zlad’a ki ned’a. Ni Muzuk ma tu máma ba, nga mi he mi sama dingâ á de zlad’a ki wad’ud’a mi.

1 Korente-na 13:4

Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.

1 Korente-na 2:16

D’igi mbaktumba hAlonid’a ti de na ala: Ni nge ba, mi we djib’era hi Ma didinid’a ge? Ni nge ba, mi ndak á had’am ge? Wani eya, ei nga ki djib’era hi Christ-sa kuriya.

1 Korente-na 2:4

Wani hat manda ki wal man nda tchid’a nga ni yam ned’a hi sa d’i, wani á tak ad’enga hi Muzu’â hAlonid’a woi mbak.

2 Korente-na 1:23

An ka ni zlad’a d’i, Alona ni ma glangâs mana mi. An ar bei hulong iza hatagi Korente kayam an min zalagi hurugi d’i.

2 Korente-na 11:11

Ni kayam me ge? Ni kayamba an nga ni le kagi d’uo d’a zu? Alona mi wala an nga ni le kagiya.

2 Korente-na 11:4

Le sana mi mba hatagi mi tchagi wala Jesus ma ding ma ami tchagizi nga walam mbuo na, d’oze le agi vagi muzuk ma ding ma agi vum nga adjeu d’uo na, d’oze le agi hagi gagazid’a yam zla d’a djivi d’a ding nga ami tchagizi nga walat tuo d’a ni, agi nga vagizi atogo zak.

2 Korente-na 11:6

Wani le an de zla d’a aneka pî, wed’a ti kid’agan nga d’i. Kayam ndata, kid’a ami nga adigagid’a, ami tagagi ad’u ahlena pet ata lovot ta lara ge pet mi.

2 Korente-na 12:15

An nga ki furîd’a á b’lak ahle mana woi pet, á he tan ndei kagi á ndjunugi mi. Le an nga ni le kagi ngola kal hina ni, agi mba lagi kan akid’eid’a kal zu?

2 Korente-na 13:10

Le an sä adigagi d’uo pî, an nga ni b’irigi mbaktum mba wanda, kayam fata an mbazid’a, an mba ni lagi kad’eng nga Salad’a mi handjid’a d’i. Kayam ad’eng nga Salad’a mi handjid’a ná wulugi akulo kur he gagazid’a, ná b’lagagi d’i.

2 Korente-na 2:10

Le agi vad’agi hurugi yam sa ni, an vat hurun ndei kam mi. Le an vat hurun ndei yam sa ni, an vat hurun ndei kam ni yam agi avok Christ,

2 Korente-na 2:4

Kayam an b’irigi mbaktum ndata ni kur ndaka ki hur ma hata ki simina iran ná zalagi hurugi d’i, wani kayam agi wagi ala an nga ni le kagi heî.

2 Korente-na 3:3

Wani suma a wagi woi tetet ala agi ni mbaktum mba Christ mi b’irit ta ami djogot teid’a. Mi b’irit nga ni ki engkrana d’i, wani ni ki Muzu’â hAlo ma arina. Mi b’irit nga ni kur tablo ma ahina d’a bebed’e d’a tcheta d’i, wani ni kur suma.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

2 Korente-na 7:2

Ar agi tinigi hurugi kamiya. Ami lami nga vama tcho mi sa d’i, ami b’lagami nga sa d’i, ami hlami nga va hi sa kad’eng nguo mi.

Galat-na 3:2

an nga ni djobogi va tu. Na ni agi fagi Muzu’â hAlonina ni yam sunda hi gat ta agi lata, d’oze ni yam Zla d’a Djivi d’a agi humut ta agi hagi gagazid’a kata zu?

Galat-na 3:5

Ata yima Alona mi hagi Muzuk mamina, mi lahle suma ndandalâ adigagi ni yam sunda hi gat ta agi lata, d’oze ni yam Zla d’a Djivid’a agi humut ta agi hagi gagazid’a kata zu?

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Efes-sâ 3:4

Kur ndumba agi mba wagi wäd’u manda yam zla d’a mudurid’a hi Jesus Christ-sa.

Efes-sâ 4:2

ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

Kolos-sâ 3:12

Kayam ndata, agi suma Alona mi managi suma yed’et suma hurum vagi heîna, agi tchugugi we hohoud’a ki od’a ki djivi d’a led’a ki ge yam mba kad’a ki lulumad’a ki ve tad’a atagiya.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Timote 4:12

Ar sa golong is kur azong manga d’i, wani ang mbut ni vama simata mi suma a he gagazid’ina kur zla mang nga ded’a, kur tit manga, kur o manga, kur he gagazi manga, kur d’ingêr mang nga led’a mi.

1 Timote 5:2

arop suma momorogeina d’igi asuyong na, arop suma gureina d’igi b’oziyong suma aropma na kur d’ingêra pet mi.

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Wana ni mbaktum mba Paul mi b’irit mi Tit-ta 2:7

Kur ahlena pet ang mbut ni vama taka kur sun nda djivid’a. Ang hat ni hat ta d’ingêra irang sik.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Jean 3:18

Grona, ar ei leigi od’a ki zla d’a ded’a d’oze ki vunei go d’i, wani ki sun nda led’a ki gagazid’a.

Suma ka sariyad’a 16:15

Ti dum ala: Ni nana ba, ang dala ang hurung vanu ba, hurung nga tu ki sed’en nduo ge? Gola! Ki tchetchemba, ang lobon ndei yang hindi, ang nga bei tagan ad’eng mang nga tcho tcho ndata ba!