2 Korente-na 6:5 - Bible azumeina

⁵ A nga tomiya, a nga tchugumi dangeina, a nga siwel kamiya. Ami nga kur sun nda kaud’a, ami nga burumi sen ndi, ami nga fami tena d’uo mi.

2 Korente-na 6:5 ပူးပေါင်းရင်းမြစ်များ

1 Amuleina 22:27

Ang dazi ala: Amulâ mi he vuna ala: Agi gagi sama wana dangeina, agi hum tena ngol luo mi na, agi hum mbina ngol luo mi, gak an hulongî avo ki halasa tua.

2 Sunda Hamuleinid’a 16:10

Asa hurum zal yam ma djok vun máma, mi gum dangeina, kayam hurum mi zal yam zla d’a ma djok vuna mi dumzid’a. Kur biza ndata, Asa mi nde djop vun suma dingâ aduk suma mi.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Jeremi 33:1

Kid’a Jeremi mi nga kur dangeina tua d’a, Ma didina mi dum yam á mbàd’a ala:

Jeremi 38:6

Ata yi máma sum ndazina a ve Jeremi, a gum kur golong nga adjeud’a hi Malkiya amulâ goroma d’a nga kur gulumuna hi suma ngom yinid’a, a sirim kä ki ziyona. Mbina mi nga kur golong ndata d’i, wani dorbopma nga kuru. Jeremi mi rot kä aduk dorbopma.

Ezekiyel 3:17

Ang gor sana, an tining ma ndjola yam Israel-lâ. Ang mba hum zla d’a ndavunanda, ang mba gazi humazi yam zla d’a tcholï atanda mi.

Matiye 14:10

Mi sun azigarâ kur dangeina á ngad’ï yam Jean.

Matiye 14:3

Kayam adjeu Herot mi ve Jean mi djinim mi gum dangeina kayam Herodiyas atchad’a hi wiyema Filip-pa.

Matiye 9:15

Jesus mi dazi ala: Suma sala tela mi yazina a ndak á d’el tazi bei te tena kid’a sala tela mi nga ki sed’ezi tua d’a zu? Nga na d’i! Wani burâ nga mi mba, a mba hle sala tela woi adigaziya. Kur bur máma, a mba d’el tazi bei te tena tua.

Sunda hi suma a sunuzinid’a 13:3

Ata yi máma, a d’el tazi bei te tena, a tchen Alona, a tin abozi kaziya, a arazi a iya.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:23

A man suma nglona, a tinizi kur Tok ka lara ge pet. A d’el tazi bei te tena, a tchen Alona kaziya, a hazi abo Sala ma azi hum gagazid’ina.

Sunda hi suma a sunuzinid’a 17:5

Wani Juif-fâ a nde le yungôra. A tok suma ding suma azi fazi ir palumba hawa ya’â, a tok ablau suma, a tchol ki yalâ gandjau kur azì ma ngolâ. A ngui azina hi Jason-na, azi nga hal Paul azi ki Silas á mba ki sed’ezi abu avok suma.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Sunda hi suma a sunuzinid’a 23:10

Ata yima tuguyo mazid’a nga d’i i avogovo’â, ma ngolâ hi azigarîna mi le mandarâ, kayam dam azi mba pau ini Paul leyo. Kayam ndata, mi he vuna mi azigarâ á surop kä á vumî kad’enga adigaziya, a mba ki sed’em hur gegerâ.

Sunda hi suma a sunuzinid’a 23:35

mi dum ala: Suma a kal kangâ, le a mba wa ni, an mba ni hum ad’u zla manga. Mi hazi vuna kam ala a ngomom kur azina hamulâ Herot-na.

Sunda hi suma a sunuzinid’a 24:27

Wani kid’a bizad’a mbà ndak dad’a, Porsiyus Festus mi vrak balum Felix. Wani kayam Felix mi min á le Juif-fâ tazi djivid’a, mi ar Paul kur dangeina.

Sunda hi suma a sunuzinid’a 26:10

An le hina kur Jerusalem. Kid’a nglo suma ngat buzuna a han vunid’a, an tchuk suma hAlonina dangeina ngola. Ata yima azi min tchazina, an ndjak vunan ki sed’ezi mi.

Sunda hi suma a sunuzinid’a 26:29

Paul mi dum ala: An nga tchen Alona le ar go d’oze sä dei pî, nga ni kayam ang hol li, wani kayam agi pet suma a humun inina, agi mbud’ugi d’igi an na, wani kur kindjing ma wana d’i.

Sunda hi suma a sunuzinid’a 28:30

Paul mi kak bizad’a mbà kur gong nga mam nga wurak kata. Nga mi ve suma a nga mba gevema pet atamu.

Sunda hi suma a sunuzinid’a 5:18

Azi yo suma a sunuzina, a tchuguzi dangeina.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 4:11

Gak ini, ami nga fami ndaka abo meid’a ki vun ma sod’a. Ami nga fami baru ma tchuk ki, a nga tomiya. Aziyami nga d’i, ami nga tchami tata.

1 Korente-na 7:5

Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.

Efes-sâ 3:1

Kayam ndata, an Paul ma dangei ma yam Jesus Christ yam agi andjaf suma dingîna, an nga ni tchen Alona kagiya.

Gat ta a hat á mbàd’id’a 25:3

A tom kal blafâ dok fid’i d’i; le a tom ngola hina ni, wiyegina mba mi mbut hohoud’a iragiya.

Filip-ma 1:13

gak azigar suma avo hAmul ma ngolîna pet ki suma dingâ pet a wala a van dangeina ni yam sunda hi Christ-sa.

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.

2 Timote 1:8

Kayam ndata, ang le zulona á le glangâsâ yam Saleina d’i, yam an ma dangei mama d’uo mi. Wani ang fe ndaka zlapa ki sed’en yam Zla d’a Djivid’a yam ad’eng nga Alona mi hangzid’a.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Hebre-na 13:23

An gagi humagi ala a ge wa wiyeina Timote akulo. Le mi mba ka tchetchemu ni, ami mba zlabami ki sed’em á iza hatagi á d’ugiya.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.