2 Korente-na 6:4 - Bible azumeina

⁴ Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

2 Korente-na 6:4 ပူးပေါင်းရင်းမြစ်များ

Isai 61:6

Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

Joel 1:9

A mbeï nga ki he d’a hawa d’a afuta ki he d’a hawa d’a süm guguzlud’a kur gong nga kud’ora hi Ma didinid’a d’i. Ni kayam ndata ba, suma ngat buzu suma a nga le sunda mi Ma didinina a nga tchiya.

Joel 2:17

Ar suma ngat buzu suma a le sunda mi Ma didinina a tchi kur gong mam mba kud’ora aduk vun agre’â ki yima ngal ahle suma ngat buzuna, ar a dala: Ma didina, ang ngom sum mangâ, ar suma ang tazi djonina a mbut zulona tala andjaf suma dingâ a te kaziya d’a d’i. Ni kayam me ba, a mba de kazi aduk andjaf suma dingâ ala: Alo mazina mi nga ni lara ge ge?

Wana ni Zla d’a Djivi d’a Luc mi b’irita 21:19

Yam ve ta magid’a agi mba sud’ugi tagiya.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Sunda hi suma a sunuzinid’a 20:34

Agi tagi wagiya, an le sunda kabon á fe vama kid’agana ki ma hi suma zlapa ki sed’ena.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

Romê-na 14:18

Sama le sunda yam Christ hina na, ni ma Alona tam lum djivid’a kama, suma a yorom mi.

Romê-na 16:10

Agi gagi Apeles ma a kugum yam Christ-sâ depa. Agi gagi suma avo hi Aristobul-lâ depa.

Romê-na 3:5

Wani le ni tcho meid’a ba, nga d’i tak d’ingêra hAlonid’a woi abua ni, ei mba dei nana? Ei mba dei ala Alona ni ma bei d’ingêrâ ba, mi mba ka ayî mama keya zu? (An nga ni de ni d’igi suma a nga de na.)

Romê-na 5:8

Wani Alona mi tagei o mam mba keid’a woi ala kid’a ei ni suma le tchod’a tua d’a, Christ mi mit keya.

1 Korente-na 3:5

Apolos ni nge ge? An Paul ni nge ge? Ami nazungeîna hAlona suma agi hagi gagazid’a yam wal mazi d’a tchid’ina. Nge nge pî adigami nga mi ndak vun sun nda Salad’a mi humzi á led’id’a.

1 Korente-na 4:1

Kayam ndata, agi golomi ni d’igi azungeîna hi Christ suma Alona mi hazi zla d’a muduri d’a gagazi mamba abozina na.

1 Korente-na 9:11

Le ami zarami andjafâ ahlena hi Muzu’îna kurugiya, le ami nga dud’umi ahle suma yam andagad’a ka hina abogiya ni, ni vama ngol ma kalâ zu?

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

2 Korente-na 11:27

An le sunda ngola ki ndaka. An ba bei bur sena yan ablaud’a, meid’a tchanu, vunan so mi. Yan ablaud’a an fe nga vama te d’i. Ab’lenga lanu, an fe nga baru d’a tchuka atan ndi.

2 Korente-na 11:9

kayam b’oziyoi suma a tcholï Maseduwan-na a ndjunun kur kid’ak manda. Kayam ndata, an d’el tan yam ahlena pet, kayam ni tin aneka kagi d’i, an mba ni le hina teteu mi.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

2 Korente-na 12:12

Gagazi, ahle suma ndandal suma an lazina ki ve ta d’a adigagid’a ná tagagi woi ala an ni ma a sunun ma gagazina hi Salad’ina. An lahle suma simata kahle suma atchapma kahle suma ndandalâ mi.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

2 Korente-na 4:8

Ami nga fami ndaka abo ahlena teteng, wani a kal nga kami d’i; ami nga kur djib’era teteng, wani tami tchuk nga lus suo mi.

2 Korente-na 7:11

Gola! Zal hur ma tcholï ata Alo ma mi had’agina nga mi zud’ugi avogovok á väd’u zla magid’a. Hina, agi nga ki hur ma hata, agi nga ki mandarâ, agi nga ki hur ma tinda á wanu, tagi nga d’i lagi zlezleû, agi nga ki hur ma hata á ka sariyad’a yam tchod’a mi. Kur ahle ndazina pet, agi nga tagagi woi ala zla nga kagi d’i.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

1 Tasaloni’â 3:7

Kayam ndata, b’oziyomina, kur ndak mamid’a ki djop vun mamina pet, ami hurumi b’leng yam he gagazi magid’a.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

1 Timote 2:15

Wani le d’i nga kaka kur he gagazid’a ki od’a ki yed’eta ki ned’a ni, mba d’i fe suta yam gro suma vuta.

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

2 Timote 1:8

Kayam ndata, ang le zulona á le glangâsâ yam Saleina d’i, yam an ma dangei mama d’uo mi. Wani ang fe ndaka zlapa ki sed’en yam Zla d’a Djivid’a yam ad’eng nga Alona mi hangzid’a.

2 Timote 2:24

Ar azongâ hi Salad’ina mi yal li, wani mbeî mi ka’î sama le yam suma petna. Ni sama ndak á hat suma ki ve tad’ina,

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.