2 Korente-na 6:17 - Bible azumeina

¹⁷ Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

2 Korente-na 6:17 ပူးပေါင်းရင်းမြစ်များ

Esdras 10:11

Ki tchetchemba, agi dagi tcho magid’a woi mi Ma didina Alona habuyogi ngolona, agi walagi woi ki suma kur ambas sa wandina kandjaf arop suma dingâ mi.

Esdras 6:21

Israel suma a mbeï avo kur magombina a te Pa’â, zlapa ki suma pet suma a wal tazi woi ki ndjendjed’a hi suma bei wAlonid’a suma a zlap ki sed’ezi á hal Ma didina Alona hi Israel-lîna.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Jeremi 15:17

An kak nga aduk toka hi suma las suma á san ki sed’ezi d’i. Kayam ad’eng manga, an kak kei van tu, kayam ang oyôn kayî mangâ.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Ndumba 16:21

Agi walagi tagi woi kablau sum ndazina, kayam an nga ni ngalazi woi ka tchetchem!

Ndumba 16:26

Mi de mablaud’a ala: Agi walagi tagi woi dei kazina hi suma tcho ndazinina, agi tinigi abogi ata va mazi d’i, tala agi bogi woi zlapa tu ki sed’ezi yam tcho mazid’a d’a d’i.

Ndumba 16:45

Agi walagi tagi sä woi dei kablau ndata, an nga ni ngalazi woi ka tchetchem. Moise azi ki Aron a grif kä andaga.

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

Romê-na 15:7

Ar nge nge pî adigagi mi ve wiyema atam d’igi Christ mi vagi atam yam subura hAlonid’a na.

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Gat ta a hat á mbàd’id’a 14:6

Azurei suma abozi mi graka suma a gihl hatnina pet, agi mud’uziya.

Vama ndum mbeina 18:4

An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.