2 Korente-na 6:15 - Bible azumeina

¹⁵ Na ni Christ mi ndak á le darigïd’a ki Seitan zu? D’oze, sama he gagazid’a ki sama bei he gagazid’a a zlap darigïd’a tu zu?

2 Korente-na 6:15 ပူးပေါင်းရင်းမြစ်များ

1 Amuleina 18:21

Wani Elie mi hut avok ablau suma petna, mi dazi ala: Ni mindja tua ba, agi mba aragi bei tcha tatad’a ge? Le agi wagi ala Ma didina nAlo ma gagazina ni, agi lum sunda! D’oze, le Bäl lî alo ma gagazina ni, agi lum sunda! Wani ablau suma sa mi hulongôm nga zlad’a de tu d’i.

Esdras 4:3

Wani Zorobabel, Josue ki suma ding suma nglo sumazina a hulong dazi ala: Ndologi nga ki ami tala ei mini gonga mAlo mamina ki sed’egi tu d’a d’i; ni ami tamid’a hol ba, ami minit mi Ma didina Alona hi Israel-lîna d’igi Sirus amul ma Perse-na mi hami vuna na.

Marik 16:16

Sama mi he gagazid’a a mba lum batembina, mba mi fe suta, wani sama mi he nga gagazid’a d’uo na, sariyad’a mba d’i vumu.

Sunda hi suma a sunuzinid’a 5:14

Suma a he gagazi mi Salad’ina a nga zul kam kua kam kua ablaud’a, andjofâ karopma mi.

Sunda hi suma a sunuzinid’a 8:20

Wani Pierre mi dum ala: Ang ba woi ki bege manga, kayam ang djib’er ala á fe he d’a hawad’a hAlonid’a ni ki beged’a!

1 Korente-na 6:6

Na ni djivid’a sana mi kal yam wiyema avok suma bei he gagazid’ina zu?

1 Timote 5:8

Wani le sana nga mi ngom simiyêm mbuo, kal pet le nga mi he tena mi suma avo hatama d’uo mi ni, mi noî ni he gagazid’a woyo, tcho mamba kal ma bei he gagazid’ina.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.

Suma ka sariyad’a 19:22

Ata yima a nga le furîd’ina, gol wani, suma kur azì ma ngolîna, ni suma asa’atna, a ngui azina, a nga tum vun agre’â zazak, a nga de mi sama mamar mazina ala: Ang ndami sama kal avo hatang adjïna woi abua, kayam ami burumi ki sed’emu.

Suma ka sariyad’a 20:13

Ki tchetchemba, agi hami suma asa’at suma a nga Gibeya-na, kayam ami tchazi woi á pat tchod’a woi aduk Israel-lâ. Wani suma hi Benjamin-na a min nga a hum b’oziyozi suma Israel-lâ d’i.

1 Samuel 2:12

Eli groma ni suma zlazi nga d’uo na, a we nga Ma didina d’i.