2 Korente-na 6:10 - Bible azumeina

¹⁰ A nga golomi ni d’igi suma a nga yor tazi na, wani ami nga ayâmi teteu. A golomi ni d’igi suma houd’a na, wani ami ni suma a nga mbud’umi suma ablaud’a suma ndjondjoînina. A golomi ni d’igi suma a nga ki va d’uo na na, wani ami nga kahlena pet.

2 Korente-na 6:10 ပူးပေါင်းရင်းမြစ်များ

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Zla d’a d’ogolâ 13:7

Suma dingâ a nga yi tazi ala azi ni suma ndjondjoîna, wani azi nga ki va d’i. Suma dingâ a nga yi tazi ala azi ni suma houd’a, wani azi ni suma ndjondjoîna!

Zla d’a d’ogolâ 16:16

Hotei ang fe ned’a kal la ang fe lorid’a, hotei ang fe wad’ud’a kal la ang fe beged’id’a.

Matiye 5:12

Agi lagi hur ma hapma, agi kagagi ki furîd’a ngola, kayam wurak magid’a ngola sä d’i djubugi akulo. Kayam a djop vun suma djok vun Alona suma a mba avorogina ni hina mi.

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Sunda hi suma a sunuzinid’a 16:25

Wani tcha andjege dangâla, Paul azi ki Silas a nga tchen Alona, a nga gilem ki sawala. Suma dangeina a nga humuziya.

Sunda hi suma a sunuzinid’a 3:6

Wani Pierre mi dum ala: An nga ki bege d’a hapa d’oze lora d’i, wani vama an nga ki na, an nga ni hangziya. Nala, ki simiyê Jesus Christ ma Nazarat-na, ang fagakulo, ang tid’a!

Sunda hi suma a sunuzinid’a 5:41

Hina, suma a sunuzina a buzuk kei ata yima b’ak zlad’a, a nga le furîd’a kayam azi ndak á fe djop vuna yam simiyê Jesus.

Romê-na 11:12

Le tchilad’a hi Juif-fîd’a ti mbut suma kur duniyad’a suma ndjondjoîna, le puk mazid’a ti mbut andjaf suma dingâ suma ndjondjoîna mi ni, hulong mazi d’a yam suta hAlonid’a, Alona mba mi b’e vunam yam suma kur duniyad’a ngola kal luo zu?

Romê-na 12:15

Ar agi lagi furîd’a ki suma a nga le furîd’ina. Ar agi tchigi ki suma a nga tchina mi.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 8:32

Mam ma mi d’el nga Goroma bei hed’a d’i, wani mi hum mbei á matna kei pet, ni nana ba, mi mba mi hei ahlena pet zlapa ki Goroma d’uo ge?

Romê-na 9:2

An nga ni djib’er ngola, hurun nga mi hat teteu mi.

1 Korente-na 1:5

Kayam mi mbud’ugi wa suma ndjondjoîna kur ahlena pet zlapa tu ki Christ, nala, zla d’a de d’a lara ge pet ki wad’ud’a.

2 Korente-na 2:4

Kayam an b’irigi mbaktum ndata ni kur ndaka ki hur ma hata ki simina iran ná zalagi hurugi d’i, wani kayam agi wagi ala an nga ni le kagi heî.

2 Korente-na 4:15

Ahle ndazina pet a le ni kagiya, tala Alona mi ve suma sumad’a avogovok kayam suma a le mersi yam subura hAlonid’a kam kua kam kua d’a.

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

1 Tasaloni’â 1:6

Agi tid’igi balum asemiya, balum asem Salad’a mi, kayam agi vagi zlad’a hAlonid’a ni ki djop vuna ngola, ni ki furî d’a Muzuk ma bei tchod’a ba na mi hagizid’a mi.

1 Tasaloni’â 5:16

Agi kagagi ki furîd’a teteu.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Hebre-na 10:34

Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Pierre 4:13

Wani le agi nga zlapa ki Christ kur ndak mamba ni, agi lagi furîd’a, kayam fata mam mba mi nde woi kur subur mambid’a, agi mba lagi furî d’a ngol la kala.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.