2 Korente-na 6:1 - Bible azumeina

¹ Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

2 Korente-na 6:1 ပူးပေါင်းရင်းမြစ်များ

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

Matiye 23:37

Jesus mi de kua ala: Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Sunda hi suma a sunuzinid’a 14:3

Paul azi ki Barnabas a le burâ ngola kur Ikoniyum. A nga tchi wal zlad’a hi Salad’id’a ki hur ma ade’esâ. Salad’a tamba nga mi le glangâsâ yam zla mam mba sumad’a ala ni gagazi. Mi hazi ad’enga á lahle suma simata kahle suma ndandalâ mi.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

1 Korente-na 3:9

Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

Galat-na 2:21

An nga ni mbut sumad’a hAlonid’a vama hawana d’i. Le sana mi mbut d’ingêr avok Alona ni yam sunda hi gat ta mi lata ni, matna hi Christ-sâ ni hawa.

Galat-na 3:4

Agi fagi ndaka ni hawa nä? Le ni na ni, ni hawa mi.

1 Tasaloni’â 3:5

Wani ata yima an ndak á ve tan nduo na, an sunugi sä Timote atogo zak á wäd’u he gagazi magid’a. An le mandarâ ala dam ma lopma Seitan mi lobogi wa. Hina, sun mamid’a ami lat adigagid’a pet mba d’i mbut ni vama hawa na.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

1 Pierre 4:10

Nge nge pî adigagi mi nga ki he d’a hawad’a hAlonid’a. Kayam ndata, ar agi lagi sunda ki sed’et á ndjun suma hiuna d’igi sama d’engzeng ma yam he d’a hawa d’a teteng nga Alona mi humzid’a na.

1 Samuel 14:45

Wani azigarâ a de mi Saul ala: Jonatan ma kus ayî ma ngolâ á sut Israel-lâ wa na, mi ndak á tchid’a zu? Nga na d’i! Ki simiyê Ma didin ma bei matna, ami min tumus sa kamba tu pî ti nde kä d’i, kayam mam dur ayîna kur bur máma ni kad’enga hAlonid’a. Ni hina ba, azigarâ a prut Jonatan ndei avun matna.