2 Korente-na 5:8 - Bible azumeina

⁸ Kayam ndata, ami nga vami tamiya, ami minimi á wal ki hliu tad’a á i kagami ki Salad’a, djivid’a kala.

2 Korente-na 5:8 ပူးပေါင်းရင်းမြစ်များ

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Matiye 25:21

Salama mi dum ala: Djivi heî, ang azong ma djivi ma d’engzengâ. Ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Matiye 25:23

Salama mi dum ala: Djivi heî, ang azong ma djivi ma d’engzengâ, ang le d’engzeng kahle suma akid’eina, an mba ni tining yam ahlena ablaud’a. Ang mbeï le furîd’a ki sed’enu.

Wana ni Zla d’a Djivi d’a Luc mi b’irita 2:29

Ki tchetchemba, Salad’a, ar an azong mangâ ni mit ki b’leng nga halasa d’igi ang de na.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 14:3

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Sunda hi suma a sunuzinid’a 21:13

Ata yi máma, Paul mi hulong dami ala: Ni kayam me ba, agi tchigi á pad’an vunadigan na ge? Kayam an min tan ná djinda hol li, wani á mit sä Jerusalem yam simiyê Salad’a Jesus.

2 Korente-na 5:6

Kayam ndata, ami nga vami tami teteu. Ami wami ala ata yima ami nga kaka kur hliuna tua na, ami ni woi dei ki Salad’a.

2 Korente-na 5:9

Kayam ndata, le ami nga kur hliu tad’a, d’oze ami walami ki hliu tad’a pî, ami minimi á lum tam djivid’a yam ahlena pet.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Vama ndum mbeina 22:3

A mba fe vama Alona mi gum vunina kua d’i. Zlam mba amula hAlona d’a hi Gor timinid’a ti mba d’i kak kua, azungeîna hAlonina a mba kud’uromu.