2 Korente-na 5:18 - Bible azumeina

¹⁸ Ahle ndazina pet a tcholï nata Alona, mam ma mi zlabei darigïd’a ki mam yam Christ-sâ, mi hami sunda á zlap suma dingâ darigïd’a ki mam mi.

2 Korente-na 5:18 ပူးပေါင်းရင်းမြစ်များ

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Ezekiyel 45:15

Le ahok magina kur kangâna ni kikis mbà ni, agi vagi aduk tu, agi hagizi he d’a hawad’a mi. Agi hagi ahle ndazina he d’a hawa d’a afuta, he d’a hawa d’a ngat buzu d’a ngala d’oze he d’a hawa d’a ngat buzu d’a zlap darigïd’a kayambala an hurun vat tei yam tcho magid’a d’a. An Salad’a Ma didina ni de na.

Daniel 9:24

A nga biza d’a kid’iziya kid’iziya dok kid’iziyad’a, ni yam sum mangâ kazì mang ma ngol ma a tinim iram vama tala a ar so vuna woyo, a ar tcho d’a led’a woyo, a fe hur ma vata yam tcho d’a led’a, a le sun nda d’ingêr ra didinda, a ndak vun vama nde tam mbei irangâ ki zla d’a djok vuna kata, a tin yima a tinim iram vam ma kal teglesâ tin nda dinga kua d’a.

Wana ni Zla d’a Djivi d’a Luc mi b’irita 10:5

Azì ma ngol ma lara ma agi kalagi kuana, agi gagi suma kur azì mámina depa ala: Ami gagi depa.

Wana ni Zla d’a Djivi d’a Luc mi b’irita 24:47

A mba tin ad’u tchi wala ki simiyêm yam zla mbut hurâ yam tchod’a á fe hur ma vata ata Alona yam tchod’a navo Jerusalem gak i ata andjaf suma pet.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

Romê-na 11:36

Kayam ahlena pet a tcholï natamu, ahlena pet a nga ata yazi ni kayam mamu, a nga ni kayam mam tamba mi. Kayam ndata, ei suburi Alona gak didin. Amin!

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

1 Korente-na 11:12

Kayam me Alona mi latchad’a nata mandjufâ, atchad’a ti vut mandjufâ ni ndat mi. Ahlena pet a tcholï nata Alona.

1 Korente-na 12:6

D’al ma le sunda teteng nga, wani Alona tu ni ma nga mi hei d’alâ á lum sundina.

1 Korente-na 3:5

Apolos ni nge ge? An Paul ni nge ge? Ami nazungeîna hAlona suma agi hagi gagazid’a yam wal mazi d’a tchid’ina. Nge nge pî adigami nga mi ndak vun sun nda Salad’a mi humzi á led’id’a.

1 Korente-na 8:6

wani yam eya, Alona ni tu, nAbuya, ni Ma ahlena pet a tcholï atama; ei ni sum mama mi. Ei wei ala Salad’a ni tu mi, ni Jesus Christ, ni Ma ahlena pet a nga kama; ei nga karid’a ni yam mam mi.

Kolos-sâ 1:22

Wani ki tchetchemba, kayam matna hi Goromina, mi zlabagi darigïd’a ki mamu, kayam agi kagagi suma yed’etna suma bei tchod’a suma bei zlad’a kagi ba na avoromu.

Hebre-na 2:17

Kayam ndata, mbeî mi mbut tamî d’igi b’oziyoma na kur ahlena pet, kayam mi mbut mazi ma ngol ma ngat buzu ma d’engzeng ma we hohowa suma kur sun mamba avok Alona, kayam Alona mi vat hurum mbei yam tchod’a hi sumid’a.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

1 Jean 2:2

Ni ma he tam mbei vama ngat buzuna kei kayambala Alona mi vat hurum mbei yam tcho meid’a d’a. Nga ni yam tcho meid’a hol li, wani ni yam tchod’a hi suma pet mi.

1 Jean 4:10

Wana ni od’a: Ni ei ba, lei yam Alona d’i, wani ni mam ba, mi le keya, mi sunï Goroma á mbut tam vama ngat buzuna kayam mam vat hurum mbei yam tcho meid’a.