2 Korente-na 5:15 - Bible azumeina

¹⁵ Mi mit ni yam suma pet, kayam suma a nga kaka karid’ina a nga kaka karid’a ni yam tazi d’i, wani ni yam mam ma mi mit mi tchol akulo kazina.

2 Korente-na 5:15 ပူးပေါင်းရင်းမြစ်များ

2 Amuleina 5:17

Näman mi dum ala: Salana, kayamba ang ve nga he d’a hawad’a d’uo d’a, an nga ni tchenengû, ang aran an azong mangâ lovota nde á yo andaga manga ir anek ka zid’a hi koronid’a mbà, kayam an min he vama ngat buzu ma ngala d’oze vama ngat buzu ma zlap darigïd’a malo ma ding ngi, an he ni mi Ma didina Alona hi Israel-lîna tu go.

Ezekiyel 16:6

An kal gevegu, an golok ndak nga bulula kä aduk buzuwagu, an dak ala: Ndak nga bulul kä aduk buzuwak wan pî, ar va mi lak ki.

Ezekiyel 37:14

An mba ni fo Muzuk mana kurugiya, agi mba kagagi karid’a. An mba ni siragi sideyegi kä yam andaga magid’a, agi mba wagi ala an Ma didina ni de zlad’a, ni le sunda kat mi! An Ma didina ni de na.

Ezekiyel 37:9

Bugola, Ma didina mi dan ala: Ang gor sana, ang djok vuna mi Muzu’â, ang dum ala: Salad’a Ma didina mi dang ala: Ang Muzu’â, ang tcholï abo yima fid’ina, ang mbeï fo yam mad’a sum ndazina kayam a zlit akulo.

Habakuk 2:4

Zla d’a a b’irita ba wana: Sama subur tama mba mi kak karid’a tatâ d’i, wani sama d’ingêrâ mba mi kak karid’a, kayam mi he gagazid’a mAlona.

Zakari 10:9

An mba ni ndjoyôzi woi aduk andjaf suma. Sä ata yima deina azi mba djib’er kanu, a mba kak ki grozina, a mba hulongî mi.

Wana ni Zla d’a Djivi d’a Luc mi b’irita 1:74

á pad’ei woi ad’u ad’enga hi mei suma djangûna, kayam ei lum sunda bei mandarâ ba,

Jean 5:24

Gagazi, an nga ni dagiya, sama le mi hum zla manda, le mi he gagazid’a yam Ma sununïna ni, mi nga kari d’a didinda. Sariyad’a mba d’i vum mbi, wani mi nde woi kur matna, mi i kur arid’a.

Jean 6:57

D’igi Abun ma arina mi sununï an nga karid’a yam Abun mi na, sama tana mba mi kak karid’a kan an mi.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.

Romê-na 6:2

Nga na d’i! Ei suma boi woi ata tchod’ina, ei dok i avogovok kur tchod’a d’ei zu?

Romê-na 6:6

Kayam ei wei ala sa mei ma adjeuna a b’alam wa akulo ata aguna zlapa ki Christ á b’lak ad’enga hi hliwi ma tchona woyo. Hina, ei lei magomba mi tchod’a d’uo d’a.

Romê-na 8:10

Le Christ mi nga kurugiya ni, hliwigi mi mit wa woi ata tchod’a, wani muzugagi nga karid’a, kayam Alona mi mbud’ugi suma d’ingêrâ avoromu.

Romê-na 8:2

Kayam gata hi Muzu’â hAlonina d’a nga d’i he arid’a mi suma a zlap tu ki Jesus Christ-sîd’a, ti bud’un ndei kur gata hi tchod’id’a ki gata hi matnid’a mi.

Romê-na 8:6

Suma a nga tit yam minda hi sa mazi ma adjeunid’ina a mba bo woyo, wani suma a nga tit yam minda hi Muzu’â hAlonina a mba kak karid’a ki b’leng nga halasa mi.

1 Korente-na 10:33

Ar agi lagi d’igi an na. An lahlena pet ná le suma tazi djivid’a. An nga ni hal vama lan an tanda djivid’ina d’i, wani vama le suma ablaud’a ngola tazi djivid’ina, kayam azi fe suta.

2 Korente-na 12:10

Kayam ndata, an nga ki furîd’a ata yima ad’engên nga d’uo na, ata yima suma a nga kragan ngulina, d’oze kur kid’aka d’oze kur djop vuna d’oze kur a’alîd’a yam Christ. Wani ata yima ad’engên nga d’uo na, an nga kad’enga.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

Galat-na 5:25

Le ei nga karid’a yam Muzu’â hAlonina ni, mbeî ei tid’i yam minda hi Muzu’â hAlonina mi.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Kolos-sâ 2:12

Kayam a tozogi zlapa tu ki Christ kur batemba, kurut a tchologi zlapa tu ki mam mi, kayam agi hagi gagazid’a yam ad’eng nga Alona mi tagat tei ata yima mi tcholom akulo aduk suma matnina.

Kolos-sâ 3:1

Alona mi tchologi akulo á kak karid’a zlapa tu ki Christ. Kayam ndata, ar agi halagi nahle suma sä akulona, ata yima Christ mi nga kaka kua ata Alona bigam mba ndjufina.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

Kolos-sâ 3:23

Sun nda lara ge pet ta agi nga lata, agi lagizi ni ki hur ma tuna yam Salad’a, nga ni yam suma d’i.

1 Tasaloni’â 5:10

ma mit keina. Kayam ndata, le ei nga ki irei d’oze le ei boi pî, ei mba kagei karid’a zlapa ki mamu.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

1 Pierre 4:6

Kayam ndata, a tchi wa wal Zla d’a Djivid’a mi suma matna mi, kayam le a kazi sariyad’a kazi d’igi suma kur hliunina na pî, azi mba kak karid’a kur muzugazi d’igi Alona na mi.

1 Jean 4:9

Wana ni od’a hAlona d’a mi tageizi woid’a: Alona mi sunï Gorom ma tu gid’engâ kur duniyad’a, kayam ei kagei karid’a kamu.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.