2 Korente-na 4:16 - Bible azumeina

¹⁶ Kayam ndata, ami tami nga tchuk lus si. Le hliwimi nga mi b’lak kei pî, muzugami nga mi mbut awilid’a burâ ki burâ.

2 Korente-na 4:16 ပူးပေါင်းရင်းမြစ်များ

Sawal la giled’a 119:81

An kau wa abo djup pa an nga ni djup sut mangid’a, an tin hurun ni yam zla manga mi.

Sawal la giled’a 27:13

Hina pet pî, an we woi tetet ala an mba ni we djivid’a hi Ma didinid’a yam andagad’a ka hî!

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

Sawal la giled’a 73:26

Hliwin ki hurun a mbut amangeîd’a, wani ang Alona ni ma nga ndjununa, ni va man ma fe ma ki iran fafatna.

Isai 40:29

Mi nga mi had’enga mi sama kauna, nga mi had’enga mi sama ad’engêm ar go á dapina.

Isai 40:31

Wani suma a tin huruzi yam Ma didinina a nga fad’eng nga dinga kam kua, a nga pir d’igi b’aruna na, a nga ringâ, a nga seî d’i; a nga tid’a, a nga kau d’uo mi.

Jeremi 45:3

Ang dala: Ndaka nga kanu, kayam Ma didina nga mi mba ki ndak ka dinga kan yam ahle suma tan nga d’i tan abozina. An ni seî wa á muzuka, an ndak á tuk tan ndi.

Wana ni Zla d’a Djivi d’a Luc mi b’irita 11:3

Ar ang hami te mamina burâ ki burâ.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Romê-na 7:22

An tan nga ni le furîd’a kurun krovo yam gata hAlonid’a.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

2 Korente-na 12:15

An nga ki furîd’a á b’lak ahle mana woi pet, á he tan ndei kagi á ndjunugi mi. Le an nga ni le kagi ngola kal hina ni, agi mba lagi kan akid’eid’a kal zu?

2 Korente-na 4:1

Alona mi wami hohowomiya, mi hami sun ndata abomiya. Kayam ndata, ami tami nga tchuk lus kat ti.

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Efes-sâ 4:23

Kal pet, ar agi mbud’ugi ni suma awilina kur muzugagi, kur djib’er magid’a mi.

Kolos-sâ 3:10

Agi tchugugi sama awilina atagi d’igi barud’a na, ni ma nga mi mbut awilid’a á we gagazid’a dedege d’igi mam ma guma na na.

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

1 Pierre 4:14

Le suma a nga ngulugi kayam agi ni suma hata hi Christ-sâ ni, agi lagi furîd’a, kayam Muzuk ma subura hAlonina mi nga kaka kagiya.