2 Korente-na 4:13 - Bible azumeina

¹³ Mbaktumba hAlonid’a ti dala: An he wa gagazid’a. Kayam ndata, an de. Ami mi, ami hami gagazid’a d’igi mam na mi. Kayam ndata, yam he gagazi mamid’a, ami nga damiya.

2 Korente-na 4:13 ပူးပေါင်းရင်းမြစ်များ

Sawal la giled’a 116:10

Ata yima an nga ni dala: An nga kur ndaka heyû na pî, an nga ki hur ma tinda.

Zla d’a d’ogolâ 21:28

Sama glangâs ma aboina mba mi ba woyo, wani sama mi humut ad’ut djivid’a tretna, mi ndak á de zlad’a bei ara ba.

Sunda hi suma a sunuzinid’a 15:11

Wani ei hei gagazid’a ala ni kur sumad’a hi Salad’a Jesus-d’a ba, ei feigi ki suta d’igi azi na mi.

Romê-na 1:12

An min heî á kak adigagiya, kayam ei wuli tei akulo kur he gagazi meid’a, nala, he gagazi magid’a ki manda mi.

1 Korente-na 12:9

Ni Muzuk ma tu máma ba, nga mi he mi sama dingâ gagazi d’a hed’a, nga mi he mi sama dingâ á sut suma tugud’eid’a teteng.

2 Korente-na 3:12

Kayam ndata, ami nga ki hur ma tinda, ami nga dami zlad’a bei mandarâ ba mi.

2 Korente-na 4:12

Kayam ndata, ami nga kur matna, wani agi nga kur arid’a.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.