2 Korente-na 3:5 - Bible azumeina

⁵ Ami ndak á lami va yam tami d’i, wani ad’eng mamid’a ti tcholï nata Alona.

2 Korente-na 3:5 ပူးပေါင်းရင်းမြစ်များ

Ad’u Tinda 41:16

Josef mi hulong dum ala: Nga ni an ndi; nAlona ba, mba mi hulong hum mba djivid’a mi ang Faron.

2 Sunda Hamuleinid’a 30:12

Alona mi le sunda ki suma Juda-na, mi hazi hur ma tuna á le sunda yam vun ma hed’a hamulîna ki ma hi mam suma nglo suma sundina d’igi Ma didina mi de na.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Wana ni Zla d’a Djivi d’a Luc mi b’irita 24:49

An mba ni sunugi he d’a hawa d’a Abun mi hle vunam kata, wani agi kagagi kur Jerusalem djang gak ad’eng nga akulod’a mba d’i mba kagiya.

Jean 15:5

An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.

Romê-na 15:18

Le an nga ni de zlad’a bei mandarâ ba ni, an nga ni de ni vama Christ mi lum ki sed’en á mba kandjaf suma dingâ á ge yazi kä ad’uma hol. Mi le na yam zla man nda ded’a ki sun man nda led’a,

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 3:10

Yam he d’a hawa d’a Alona mi handjid’a, an le wa sunda d’igi ma d’al ma gäd’u gongina na. Wani ki tchetchemba, sama dingâ nga mi min kad’u. Wani ar nge nge pî, mi gol tam djivi ki min nda mam nga mi min akulo kata.

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

2 Korente-na 12:9

Wani mi hulong dan ala: Suma manda ti ndagangû, kayam ata yima ad’engêng nga d’uo na, ad’eng manda ti ndak memet. Kayam ndata, an nga ki furî d’a ngola á subur tan yam amangeî manda, kayam ad’enga hi Christ-sa ti kak kanu.

2 Korente-na 2:16

Ir suma a nga ba woina, ami ni his ma tcho ma tchi matna. Ir suma a nga fe sutina, ami ni his ma djivi ma sut sumina. Sama ndak á le sun ndata ni nge?

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

Filip-ma 4:13

An ndak á lahlena pet yam ad’eng nga Christ mi handjid’a.

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.