2 Korente-na 3:3 - Bible azumeina

³ Wani suma a wagi woi tetet ala agi ni mbaktum mba Christ mi b’irit ta ami djogot teid’a. Mi b’irit nga ni ki engkrana d’i, wani ni ki Muzu’â hAlo ma arina. Mi b’irit nga ni kur tablo ma ahina d’a bebed’e d’a tcheta d’i, wani ni kur suma.

2 Korente-na 3:3 ပူးပေါင်းရင်းမြစ်များ

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Sawal la giled’a 84:2

Ma didin ma ad’engêng kal petna, gong manga djivi mata kal tegles.

Buzuk ka Abud’a 24:12

Ma didina mi de mi Moise ala: Ang djagï akulo geven ka hî yam ahinad’a, ang kak kua. An mba ni hang ahina d’a bebed’e d’a tchet ta an b’ir gata ki vun ma hed’a kuad’a, kayam ang had’aziziya.

Buzuk ka Abud’a 31:18

Ata yima Ma didina mi dap zla d’a ded’a mi Moise yam ahina d’a Sinai-d’a guna, mi hum ahina d’a bebed’e d’a tchet ta mbà d’a mam tam Alona mi b’ir vun ma hed’a kua ki tchitchid’amba.

Buzuk ka Abud’a 32:15

Moise mi tchola, mi tchugï asem kä woi yam ahinad’a kahina d’a bebed’e d’a tcheta abom mbà b’ira abo hî abo hî mi.

Buzuk ka Abud’a 34:1

Ma didina mi de mi Moise ala: Ang tchet ahina d’a bebed’e d’a dinga mbà d’igi d’a avoka na. An mba ni b’ir zla d’a an dangzi avok kur ra ang tot teid’a kua.

Zla d’a d’ogolâ 3:3

Ar ang wal lei ki djivid’a ki gagazid’a d’i. Ang djinizi kelengû, ang b’irizi kä kurung mi.

Zla d’a d’ogolâ 7:3

Ang tchuguzi abong ngangam ngangami, ang b’irizi kä kurung mi.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 17:1

Tchilad’a hi suma Juda-nid’a, a b’irit ni ki plim ma kawei ma ahina d’a a yat ala diyamanda ti nga nika avunama, a b’irit ni kur tablo ma kuruzi krovona, ata adif yi mazi ma ngal ahle suma ngat buzuna teteng mi.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Ezekiyel 11:19

An mba ni hagi hur ma tuna, an mba ni hagi muzuk ma awilina kurugiya, an mba ni pat hurâ hahinad’a ma kurugina woyo, an mba ni hagi hurâ hi sanina kurugi

Daniel 6:26

An he vuna kur leu manda pet ala: Ar nge nge pî mi le mandara Alona hi Daniel-lâ. Ar mi ge yam kä avorom mi, kayam mam mi Alo ma bei matna ba na. Ni ma nga kaka gak didina, leu mamba nga d’i b’lak kei d’i. Ni ma nga mi te leud’a gak dabid’a hatchogoid’ina.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

1 Korente-na 3:5

Apolos ni nge ge? An Paul ni nge ge? Ami nazungeîna hAlona suma agi hagi gagazid’a yam wal mazi d’a tchid’ina. Nge nge pî adigami nga mi ndak vun sun nda Salad’a mi humzi á led’id’a.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

2 Korente-na 3:7

Gat ta a b’irit ni kur tablo ma ahina d’a bebed’e d’a tchetid’a, subura hAlonid’a nga d’i b’o kua gak Israel-lâ a ndak á gol ir Moise abo wile d’a iramba d’i. Wani wile ndata nga d’i kal leyo. Le gat ta sun mata i sana kur matnid’a nde ki subura na ni,

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

Hebre-na 10:16

Ma didina mi dala: Wana ni vun ma djin ma an mba ni djinim ki sed’ezi bugol bur mámina: An mba ni tin gat manda kuruziya, an mba ni b’irit kur djib’er mazi d’a kuruzi krovod’a mi.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Josue 3:10

Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

Vama ndum mbeina 2:12

Ang b’ir mbaktumba mi malaika ma nga yam Tok ka Pergam-mbina. Wana nahle suma Ma nga ki mbigeu d’a fiyak ka te d’a siyat mbàd’a mi dazina:

Vama ndum mbeina 2:18

Ang b’ir mbaktumba mi malaika ma nga yam Tok ka Tiyatir-rina. Wana nahle suma Alona Gorom ma iram mba gola d’igi sin akud’a na ma asem mi wile d’igi kawei ma hleu ma a gum aduk aku d’a tchafa na na mi dazina:

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

Vama ndum mbeina 3:1

Ang b’ir mbaktumba mi malaika ma nga yam Tok ka Sardes-sina. Wana nahle suma ma nga ki muzu’â hAlonina kid’iziya ki tchitchiud’a kid’iziya aboma mi dazina: An wahlena pet suma ang nga lazina, an we simiyêng nga mi yi d’igi sama arina na, wani angî matna.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Vama ndum mbeina 3:22

Sama nga ki humbina, ar mi hum vama Muzu’â hAlonina nga mi dum mi Tokina.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?