2 Korente-na 13:7 - Bible azumeina

⁷ Wani ami nga tchenemi Alona kagi ala ar agi lagi tchod’a d’i. Nga ni kayambala ami ndagamiya d’a d’i, wani le ami ndagami nga d’uo pî, ar agi lagi nahle suma djivina.

2 Korente-na 13:7 ပူးပေါင်းရင်းမြစ်များ

1 Sunda Hamuleinid’a 4:10

Jabes mi tchen Alona hi Israel-lîna ala: Le ang b’e vunang kanu, le ang mbud’un yi mana bubud’a, le ang ngomon kur ndaka tala an fe kid’eî ira d’uo d’a ni! ... Alona mi humum yam ahle suma mi djobozina mi.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Jean 17:15

An nga ni tcheneng ala: Ang yozi woi kur duniyad’a na d’i, wani, Ang ngomozi abo Ma tchona.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 12:17

Le sana mi lagi tchod’a ni, agi hulong lum tchod’a d’i. Ar agi halagi á lahle suma djivina avok suma pet.

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

Romê-na 16:10

Agi gagi Apeles ma a kugum yam Christ-sâ depa. Agi gagi suma avo hi Aristobul-lâ depa.

1 Korente-na 11:19

Djivid’a wala mba adigagi hina á we suma gagazi suma adigagina.

2 Korente-na 10:10

Kayam suma dingâ a nga dala: Mbaktum mamba taneka, tad’enga mi, wani le mam tamba nga adigeya ni, mam mi amangeîd’a, zla mam mba ded’a a golot is mi.

2 Korente-na 10:18

Kayam sama nga subur tam vama, mi ndak nga d’i, wani sama Ma didina nga mi suburuma ni ma nda’â.

2 Korente-na 13:6

An min agi wagi ala ami ndagami yam kuk ndata.

2 Korente-na 13:8

Kayam ami ndak á lami vama tchila yam zla d’a gagazid’a hAlonid’ina d’i, wani ami lami ahlena pet ni yam zla d’a gagazid’a.

2 Korente-na 13:9

Le ami namangeîd’a, le agi nga kad’enga ni, ami nga lami furîd’a kayam ndata. Ami nga tchenemi Alona kagi ala agi ndagagi memet.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

2 Korente-na 8:21

Kayam ami min á lami ahle suma djivina navok Salad’a go d’i, wani avok suma mi.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

1 Timote 2:2

yam amuleina, yam suma te yamba pet mi, kayam ei kagei tchugot ki b’leng nga halasa á le mandar Alona, á tid’i memet á gei yei kä avorom mi.

2 Timote 2:15

Ang he tang mAlona d’igi sama ndak avorom ma le sunda bei zulona ba ma väd’u zla d’a gagazid’a ata yat d’ingêrâ na.

2 Timote 4:18

Salad’a mba mi pad’an ndei kur sun nda tcho d’a lara ge pet, mba mi sud’un á kalan kur leu mam mba akulod’a. Ni mam ma subura ni mamba gak didina. Amin!

Jacques 1:12

Sama ve tam ad’enga kur kukina, mi le furîd’a ata yima mi ve tam ad’enga kur kuk mambina, mba mi fe avaval la bei b’lak ka Salad’a mi hle vunam kat mi suma a nga le kamid’a.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.