2 Korente-na 13:5 - Bible azumeina

⁵ Kayam ndata, ar agi gologi tagi djiviya, na ni agi nga hagi gagazid’a gagazi zu? Ar agi kugugi tagiya. Agi wagiya, na ni Christ nga kurugi gagazi zu? D’oze agi mba kid’agagi woi zu?

2 Korente-na 13:5 ပူးပေါင်းရင်းမြစ်များ

Sawal la giled’a 119:59

An djib’er yam tit manda, an hulongî á tit yam vun mang ma hed’a.

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Sawal la giled’a 26:2

Ma didina, ang kugunu, ang golon djiviya, ang halan hurun yam min manda ki djib’er manda mi.

Jeremi 6:30

Suma a mba yazi ala Kawei ma hap ma a golom isâ, kayam Ma didina mi noyôzi woyo.

Hor ma tchina 3:40

Ar ei kugi tit meid’a, ei halat ad’ud’u, ei hulongeî gen Ma didina.

Ezekiyel 18:28

Le mi we tcho mam mba mi lata, mi djok tit mamba ni, gagazi, mba mi kak karid’a, mba mi mit ti.

Wana ni mbaktumba hi Aze-d’a 1:5

Ki tchetchemba, Ma didin ma ad’engêm kal petna mi de kua ala: Agi djib’eregi yam tit magid’a.

Wana ni mbaktumba hi Aze-d’a 1:7

Ma didin ma ad’engêm kal petna mi de kua ala: Agi djib’eregi yam tit magid’a.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 15:4

Kagagi zlapa tu ki sed’enu, an mba kak kurugi mi. Abo guguzlud’a ndak á vut yam tat ti, mbeî nata abuwad’u. Hina mi, agi le kagagi zlapa tu ki sed’en nduo ni, agi ndak á vud’ugi d’uo mi.

Jean 17:23

An nga kuruziya, ang nga kurun mi, kayam azi kak tu ndak memet. Hina wani, suma duniyad’a a mba wala ni ang ba sununïya, ang nga le kazi d’igi ang nga le kan na mi.

Jean 17:26

An tagizi simiyêngû, an mba tagazizi kua, kayam o d’a ang lat kanda, ti kak kuruziya, an kak kuruzi mi.

Jean 6:56

Sama mi tan hliwin mi tchan buzuwan mi na, mi nga karid’a zlapa ki sed’enu, an nga karid’a kurum mi.

Jean 6:6

Mi dum hina ná kugumu, kayam mam tamba mi we vama mam mba mi luma.

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Romê-na 8:10

Le Christ mi nga kurugiya ni, hliwigi mi mit wa woi ata tchod’a, wani muzugagi nga karid’a, kayam Alona mi mbud’ugi suma d’ingêrâ avoromu.

1 Korente-na 11:28

Hina wani, ar nge nge pî mi hal hurum tua ba, mi tavungôna, mi tche kop máma.

1 Korente-na 11:31

Wani le ei nga kei sariyad’a yam teya ni, sariyad’a hAlonid’a mba d’i vei d’i.

1 Korente-na 3:16

Agi wagi nga d’ala agi ni gong nga kud’ora hAlona d’a Muzuk mama nga kaka kuruta d’uo zu?

1 Korente-na 6:15

Agi wagi ala hliu tagi ni ir hliu tad’a hi Christ-sa. An ndak á hle ir hliu tad’a hi Christ á mbud’ut ir hliu tad’a hatcha d’a gaulangâ zu? Nga na d’i!

1 Korente-na 6:19

Agi wagi nga d’ala hliu tagi ni gong nga kud’ora hAlona d’a Muzuk mam ma bei tchod’a ba ma mi hagizi nga kurugina d’uo zu? Agi nga ni yam tagi d’i.

1 Korente-na 6:2

Agi wagi nga d’ala suma hAlonina a mba ka sariyad’a yam suma kur duniyad’ina d’uo zu? Le agi mba kagi sariyad’a yam suma duniyad’a ni, agi ndagagi á kagi sariya d’a ngiyeû d’a wanda d’uo zu?

1 Korente-na 9:24

Agi wagi tetet ala suma a nga ringâ pet ata yima a tok á ringîna a ringî á ve va, wani sana tu mi fe ni mamu. Agi ringîgi hina mi á fagi wuraka.

1 Korente-na 9:27

Wani an nga ni d’el tanu, nga ni le tan magomba kayambala bugol an tchi wala mi suma hiunid’a, an tanda ni mbut ni vama ara woina d’i.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Galat-na 4:19

Grona, vut ta an vud’ugi kur ndakid’a, hulong nga d’i tan d’igi atchad’a ti vut gorâ na, gak Christ mi kak kurugiya.

Galat-na 6:4

Ar nge nge pî mi kuk sun mamba ki yamu. Le mi ndaga ni, mi subur tamî yam sun mamba tata, nga ni yam sunda hi sama ding ngi.

Efes-sâ 3:17

Ar Christ mi kak kurugi yam he gagazi magid’a. Ar sideyegi mi sir kä, ad’ugi ti pe kä kur od’a

Kolos-sâ 1:23

Wani mbeî agi kagagi ngingring kur he gagazid’a, bei gigeta ba yam hur magi ma tinda yam Zla d’a Djivi d’a agi humuta. Ni Zla d’a Djivi d’a tchat walat tei yam andagad’a peta. Kayam ndata, an Paul ni mbut azong ma sunda kad’u.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 2:19

kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.

Kolos-sâ 2:7

Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.

1 Timote 2:15

Wani le d’i nga kaka kur he gagazid’a ki od’a ki yed’eta ki ned’a ni, mba d’i fe suta yam gro suma vuta.

2 Timote 3:8

Azi ni d’igi Janes azi ki Jambres suma a tchol djangûna ki Moise adjeuna na; sum ndazina a nga tchol djangûna ki gagazid’a mi. Ni suma djib’er mazid’a b’lak keina, he gagazi mazid’a ndak nga d’i.

Wana ni mbaktum mba Paul mi b’irit mi Tit-ta 1:13

Glangâs mama ni gagazi. Kayam ndata, ar ang ngobozi ad’enga, kayam azi mbut ni suma d’ingêrâ kur he gagazid’a.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.

Wana ni mbaktum mba Paul mi b’irit mi Tit-ta 2:2

Ang de mandjuvei momorogeina a kak ki ndjola, a ge yazi kä, a kak irazi sik, a kak ngingring kur he gagazid’a ki od’a ki ve tad’a.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Hebre-na 4:1

Kayam ndata, ei golei tei djivi yam vun ma hle ma Alona mi hleizi yam yima tuk ta mamina. Ar sa adigagi mi kid’ak kei ata yima tuk ta mama d’i.

Hebre-na 6:8

Wani le andagad’a nga d’i deî awei-avirina ki himbirâ ni, zlat nga d’i. Ar go Alona mba mi gat vuna, dabi mata ni ngala mi.

Jacques 4:4

Agi suma bei d’engzengâ, agi wagi nga d’ala le yam duniyad’a ka’î djangûna kAlona d’uo zu? Wani sama min á le banad’a ki duniyad’ina, mi mbut ni sama djangûna hAlonina.

1 Pierre 5:9

Agi siragi kur he gagazi magid’a, agi tchologi ngingring á d’elem mi, kayam agi wagi ndak ka hina d’a nga d’i le b’oziyogi suma a b’rau woi kur duniyad’a petna mi.

Vama ndum mbeina 2:5

An nga ni dangû, ar ang djib’er yam yima ang puk kuana, ang mbut hurung yam tcho manga, ang le sunda d’igi ang lat avok na. Le ang mbut nga hurung yam tcho manga d’uo ni, an nga ni mba ni hle agu ma tin lalam manga woi ata yamu.