2 Korente-na 13:11 - Bible azumeina

¹¹ B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

2 Korente-na 13:11 ပူးပေါင်းရင်းမြစ်များ

Ad’u Tinda 37:4

Kid’a b’oziyoma a we d’ala abuzi mi le kam kalazi ped’u d’a, a vum kuruziya, a nga dum zla d’a djivi d’i.

Ad’u Tinda 45:24

Bugola, mi de mi b’oziyoma ala: Ar agi yalagi tagi glovot tuö wö, mi arazi a iya.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Matiye 5:48

Kayam ndata, ar agi lagi ahlena memet d’igi Abugi ma sä akulona nga mi lahlena memet na mi.

Marik 10:49

Jesus mi tchola, mi dazi ala: Agi yumïya. Azi yi ma duka, a dum ala: Ang ve tangû, ang fagakulo, nga mi yangû.

Marik 9:50

Ndjuvuna ni vama djivina, wani le ayâm mi pat teyo ni, ni ki me ba, a mba minim ki blangâma kamas ke? Agi mbud’ugi ni d’igi ndjuvuna na, agi kagagi ki halasa aduk tagiya.

Wana ni Zla d’a Djivi d’a Luc mi b’irita 9:61

Sama dingâ mi dum ala: Salana, an min tit ad’ungû, wani ang aran an i ge suma avo hatana depa tua.

Jean 17:23

An nga kuruziya, ang nga kurun mi, kayam azi kak tu ndak memet. Hina wani, suma duniyad’a a mba wala ni ang ba sununïya, ang nga le kazi d’igi ang nga le kan na mi.

Sunda hi suma a sunuzinid’a 15:29

Agi tagi ahle suma a ngad’azi á tuwal fileinina d’i, agi tagi buzuna d’i, agi tagi vama guluta d’i, agi gologi tagi djivi ki mizeuna. Le agi walagi tagi woi kahle ndazina hina ped’u ni, agi mba kagagi ki lafiya d’a. Ar Alona mi ndjunugiya.

Sunda hi suma a sunuzinid’a 18:21

Wani mi gazi depa, mi dazi ala: Alona le mi mina ni, an mba hulongî gevegiya. Mi djak kur batod’a avo Efes, mi i Sesare.

Sunda hi suma a sunuzinid’a 23:30

Kid’a a dan ala a min nga tazi gumun á tchumu d’a, an sunungzi sä atogo zak wana. An de mi suma kal kama ala azi i kal sä kam sä avorongû.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Romê-na 12:18

Le agi ndagagiya ni, agi kagagi ki b’leng nga halasa ki suma pet.

Romê-na 14:19

Kayam ndata, ar ei halei ahle suma a nga mba ki b’leng nga halasa suma a nga minï akulo kur he gagazid’ina.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 15:33

Ar Alo ma hei b’leng nga halasina, mi kak ki sed’egi pet. Amin!

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

1 Korente-na 1:10

B’oziyona, an nga ni tchenegi ki simiyê Saleina Jesus Christ, ar agi kagagi ki vun ma tuna, ar wala ti kak adigagi d’i, ar agi kagagi zlapa tu ki djib’er ra tud’a ki zla d’a tud’a mi.

2 Korente-na 1:4

Nga mi b’lengêmi hurumi kur ndak mamid’a pet, kayam ami fami ad’enga á b’lengêmi hur suma a nga kur ndak ka lara ge pet ki b’leng hur ma Alona tamba nga mi b’lengêmi ki hurumina.

2 Korente-na 13:9

Le ami namangeîd’a, le agi nga kad’enga ni, ami nga lami furîd’a kayam ndata. Ami nga tchenemi Alona kagi ala agi ndagagi memet.

Efes-sâ 4:12

Mi le na á mbut suma hAlonina memet á le sunda, á wul hliu tad’a hi Christ-sa akulo kur he gagazid’a,

Efes-sâ 4:3

Yam Muzuk mam ma mi hagizina, agi b’ad’agi tagi á kagagi zlapa tu ki b’leng nga halasa aduk tagiya.

Efes-sâ 6:23

Alona Abui ki Salad’a Jesus Christ a he b’leng nga halasa mi b’oziyoina ki od’a ki he gagazid’a mi.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Filip-ma 3:16

Wani ata yima ei mbeï kuana, ei tid’i kua abo tei tu á i irei avogovogo.

Filip-ma 4:2

An nga ni tchen Evodi ki Sintik, ar azi kak ki djib’er ra tud’a yam Salad’a.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Filip-ma 4:9

Ahle suma agi had’agizina kahle suma agi vagizina kahle suma agi humugizina kahle suma agi wazi atana, ar agi laziya. Hina wani, Alo ma b’leng nga halasa mba mi kak ki sed’egiya.

1 Tasaloni’â 3:10

Ami nga tchenemi Alona kagi andjege ki falei ki so tad’a á wagi iragi á hagi ahle suma kid’agagi yam he gagazi magid’ina mi.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

1 Tasaloni’â 4:18

Kayam ndata, ar agi b’lengêgi hur tagi ki zla ndata.

1 Tasaloni’â 5:13

Ar agi hazi ngola, ar agi lagi od’a kazi yam sun mazi d’a azi nga lata, agi kagagi ki b’leng nga halasa aduk tagi mi.

1 Tasaloni’â 5:16

Agi kagagi ki furîd’a teteu.

1 Tasaloni’â 5:23

Ar Alo ma b’leng nga halasa mi tinigi iragi vagi mi mam tamba memet. Mi ngomogi muzugagi ki tagi ki hliwigi pet bei zlad’a kagi ba fat ta mbad’a hi Saleina Jesus Christ-sa.

2 Tasaloni’â 2:16

Ar Saleina Jesus Christ tamba kAbui Alo ma mi le keina, mi b’lengeî huri b’leng nga didinda yam suma mamba ki tin hur ma djivina,

2 Tasaloni’â 3:1

B’oziyomina, vama arâ, agi tchenegi Alona kami kayam zlad’a hi Salad’id’a ti zul avogovogo, ar suma a suburut d’igi agi suburut na mi.

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Hebre-na 13:20

Alo ma b’leng nga halasa mi tchol Saleina Jesus ma ngol ma pol tumiyôna akulo aduk suma matna ni yam buzuna hi vun ma djin ma didina.

Jacques 1:4

Ar ve ta magid’a ti le sun nda djivid’a pet, kayam agi ndagagi memet yam ahlena pet, ar va kid’agagi d’uo mi.

1 Pierre 3:11

Ar mi wal lei ki tchod’a, mi le ni djivid’a. Mi hal b’leng nga halasa, mi tit blogot mi.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

Vama ndum mbeina 22:21

Ar Salad’a Jesus mi vagi sumad’a pet. Amin!