2 Korente-na 11:9 - Bible azumeina

⁹ kayam b’oziyoi suma a tcholï Maseduwan-na a ndjunun kur kid’ak manda. Kayam ndata, an d’el tan yam ahlena pet, kayam ni tin aneka kagi d’i, an mba ni le hina teteu mi.

2 Korente-na 11:9 ပူးပေါင်းရင်းမြစ်များ

Nehemi 5:15

Wani suma a mba a te yam suma avorona a tin aneka yam suma, a nga tar avungôna ki süm guguzlud’a aboziya, burâ ki burâ a nga ve bege d’a hapa abozi dok fid’i dok fid’i; azungeî mazina pî, a nga hazi ndaka mi. Wani yam mandara Alona, an le nga hina d’i.

Sunda hi suma a sunuzinid’a 18:3

Kayam sun mazi d’a led’a ni tu, mi kak ki sed’eziya. A le sunda zlapa, kayam azi ni suma tchil tandana.

Sunda hi suma a sunuzinid’a 18:5

Kid’a Silas azi ki Timote a tcholï Maseduwan a mba fumba, Paul mi he tam ata yina pet á tchi wal zlad’a hAlonid’a. Nga mi le glangâsâ mi Juif-fâ ala Jesus ni Mesi.

Sunda hi suma a sunuzinid’a 20:33

An le nga d’od’oka yam beged’a d’oze lor roze baru hi sa d’i.

Romê-na 15:26

Kayam kretiyê suma Maseduwan-na ki suma Akai-na a nga huruzi ala azi tok he d’a hawa mazid’a yam suma hohou suma hAlona suma Jerusalem-ma.

1 Korente-na 16:17

An le furîd’a yam mbad’a hi Estefanas azi ki Fortunatus ki Akaikus-sa. Agi nga ki sed’en nduo pî, azi han vama kid’agana.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

2 Korente-na 9:12

Kayam sun nda agi nga lat ki he d’a hawa magi d’a nga d’i ndjun ni yam kid’aka hi suma hAlonid’a hol li, wani nga d’i zut suma ablaud’a á le mersi mAlona mi.

Filip-ma 2:25

An djib’er ala djivid’a an sunugi sä wiyena Epafrodit ndran ma sun ma dur ayîna hi Christ-sâ, ni ma agi sunumï kahlena abom á ndjunun kur kid’ak mandina.

1 Tasaloni’â 2:6

Ami nga halami subura hi suma atagi d’oze magid’a d’oze hi suma ding nguo mi. Ami ni suma a sunumina hi Christ-sâ, ami ndak á vami ahlena abogiya.

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

Hebre-na 11:37

A dur suma dingâ kahinad’a, a kuguziya, a ngad’azi ki sï ma kaweina aduk mbàmbà, a tchazi ki mbigeu d’a fiyaka, a tchuguzi bak tumiyôna ki bak b’ogeina ataziya, a nga tchazi irazi tata, a mbud’uzi suma talala, a djobozi vunaziya, a lazi tchod’a heî mi.