2 Korente-na 11:26 - Bible azumeina

²⁶ Kur tit manda yan ablaud’a an ar go á bad’a aduk mbina, suma tchigeta a lan á tchid’a, andjavan Juif-fâ a lan á tchid’a, andjaf suma dingâ a lan á tchid’a. Suma a lan á tchid’a hur azina, a lan á tchid’a hur fulâ, a lan á tchid’a hur alum ma ngolâ. B’oziyoi suma ka zlad’a a lan á tchid’a mi.

2 Korente-na 11:26 ပူးပေါင်းရင်းမြစ်များ

Sunda hi suma a sunuzinid’a 13:45

Wani kid’a Juif-fâ a wablau sumid’a, a le yungôra, a nga tchi tuguyod’a ki zla d’a Paul mi data, a nga lazad’u.

Sunda hi suma a sunuzinid’a 13:50

Wani Juif-fâ a zut arop suma nglo suma a nga kud’or Alonina ki suma nglo suma kur azì ma ngol mámina á zut suma ala a tchol huneîd’a ki Paul azi ki Barnabas, a digizi woi yam andaga mazid’a mi.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 14:5

Kid’a andjaf suma dingâ ki Juif-fâ zlapa ki mazi suma nglona a ndjak vunazi á lazi ahle suma tchona á tchazi kahinad’id’a,

Sunda hi suma a sunuzinid’a 15:40

Wani Paul mi man Silas. Kid’a b’oziyoina a tchen Salad’a kazi tchenda, a arazi a iya.

Sunda hi suma a sunuzinid’a 17:13

Wani kid’a Juif suma Tasaloni’â a hum ala Paul nga mi tchi wal zlad’a hAlonid’a mi suma Bere-na mi d’a, a mbaza kua, a nga zut ablau suma ala a tchol ki huneîd’a.

Sunda hi suma a sunuzinid’a 17:5

Wani Juif-fâ a nde le yungôra. A tok suma ding suma azi fazi ir palumba hawa ya’â, a tok ablau suma, a tchol ki yalâ gandjau kur azì ma ngolâ. A ngui azina hi Jason-na, azi nga hal Paul azi ki Silas á mba ki sed’ezi abu avok suma.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 19:1

Kid’a Apolos nga kur Korente tua d’a, Paul nga mi tit yam yima akulona handaga ndatina. Mi mba kur Efes, mi fe suma hat suma dingâ a nga kua.

Sunda hi suma a sunuzinid’a 19:23

Kur bur máma tuguyo d’a ngola tchol yam lovota hi Salad’id’a.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Sunda hi suma a sunuzinid’a 20:3

Bugola, mi i yam ambas sa Gres-sa, mi kak sä kua tilâ hindi. Kid’a mi min á djak kur batod’a á i Siri-d’a, Juif-fâ a ndjak vunazi á vumu. Kayam ndata, mi nga hurum á hulong ki lovot ta Maseduwan-nda.

Sunda hi suma a sunuzinid’a 23:10

Ata yima tuguyo mazid’a nga d’i i avogovo’â, ma ngolâ hi azigarîna mi le mandarâ, kayam dam azi mba pau ini Paul leyo. Kayam ndata, mi he vuna mi azigarâ á surop kä á vumî kad’enga adigaziya, a mba ki sed’em hur gegerâ.

Sunda hi suma a sunuzinid’a 25:3

mi lazi djivid’a, mi ge sunda á mba ki Paul Jerusalem. Azi gun wa tazi á tchum glovod’o.

Sunda hi suma a sunuzinid’a 27:42

Azigarâ a ndjak vunazi á tchi suma dangeina woyo, kayam sa adigazi mi nus á sut tam mbi.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

Romê-na 8:35

Sama ndak á walei woi ki od’a hi Christ-sa ni nge ge? Ndaka, d’oze kid’eî ira, d’oze djop vuna, d’oze meid’a, d’oze hohoud’a, d’oze bad’a, d’oze matna zu?

1 Korente-na 15:30

Ni kayam me ba, ami nga hami tami avun matna teteu ge?

1 Korente-na 15:32

Wani le an ndjiget kambureina avo Efes ni yam d’alâ hi sana ni, mbiyo ma an fuma ni me ge? Le suma matna a mba tchol akulo d’uo ni, ar ei teya, ar ei tcheya, kayam avin ei boya, d’igi zla d’a d’ogola ti de na.

2 Korente-na 11:32

Kid’a an sä Damas-sa, ma te yam ma ad’u amulâ Aretas-sâ, mi tin suma ndjola avun azina á vanu.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.