2 Korente-na 11:23 - Bible azumeina

²³ Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

2 Korente-na 11:23 ပူးပေါင်းရင်းမြစ်များ

Jeremi 36:5

Bugola, Jeremi mi he vuna mi Baruk ala: Gola! An ni d’ela, an ndak á i kur gong nga kud’ora hi Ma didinid’a d’i.

Sunda hi suma a sunuzinid’a 14:19

Wani Juif suma hiuna a tcholï Antiyos sa Pisidi-d’a ki Ikoniyum, a mba, a zut ablau suma a dur Paul kahinad’a. A tanam mbei kele, a djib’er ala mi mit wa.

Sunda hi suma a sunuzinid’a 20:23

Wani Muzuk ma bei tchod’a ba na mi lan glangâsâ kur azì ma ngol ma lara ge pet ala djinda ki djop vuna a nga djubunu.

Sunda hi suma a sunuzinid’a 21:11

Mi yo d’i’â hi Paul-lâ, mi djin asem kabomu. Mi dala: Muzuk ma bei tchod’a ba na mi de woi ala: Juif suma Jerusalem-ma a mba djin sala d’ik máma hina, a mba hum abo andjaf suma dingâ mi.

Sunda hi suma a sunuzinid’a 25:14

Kid’a azi le burâ ngolid’a, Festus mi de zlad’a hi Paul-la mamulâ ala: Sama dingâ nga ka hî ma Felix mi aram nga kur dangeinina.

Sunda hi suma a sunuzinid’a 27:1

Kid’a azi nga huruzi á sunumi ki batod’a á i yam andaga d’a Itali-d’id’a, a he Paul azi ki suma dangei suma dingâ abo ma ngol ma azigarâ abom kisâ, simiyêm ala Juliyus, ni ma ad’u adesâ hi Romê-na ma a yum ala Adesâ hi Sesar-râ na mi.

Sunda hi suma a sunuzinid’a 28:16

Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Sunda hi suma a sunuzinid’a 28:30

Paul mi kak bizad’a mbà kur gong nga mam nga wurak kata. Nga mi ve suma a nga mba gevema pet atamu.

Sunda hi suma a sunuzinid’a 9:16

Kayam an tanda mba ni tagam ndak ka pet ta mam mba mi fat kanda.

Romê-na 8:36

D’igi mbaktumba hAlonid’a ti de na ala: Ni kayam ang ba, a nga tchami burâ ki burâ, a nga golomi d’igi tumiyô suma a izi ata yima ngatina na.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 3:5

Apolos ni nge ge? An Paul ni nge ge? Ami nazungeîna hAlona suma agi hagi gagazid’a yam wal mazi d’a tchid’ina. Nge nge pî adigami nga mi ndak vun sun nda Salad’a mi humzi á led’id’a.

1 Korente-na 4:1

Kayam ndata, agi golomi ni d’igi azungeîna hi Christ suma Alona mi hazi zla d’a muduri d’a gagazi mamba abozina na.

1 Korente-na 4:11

Gak ini, ami nga fami ndaka abo meid’a ki vun ma sod’a. Ami nga fami baru ma tchuk ki, a nga tomiya. Aziyami nga d’i, ami nga tchami tata.

1 Korente-na 4:9

Kayam an wala ami ni suma Alona mi tinimi suma a sunuzi suma bugolâ, d’igi suma a kazi sariya d’a matna kazina na. Ami mbud’umi ni d’igi vama lasa na kur duniyad’a pet, ir malaikana, ir suma mi.

2 Korente-na 10:7

Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

2 Korente-na 11:5

An wala suma agi nga golozi ala ni suma a sunuzi suma nglona na a kalan nga ki va tu d’i.

2 Korente-na 3:6

Ni mam ma mbud’umi suma sunda yam vun ma djin ma awilina, nga ni vun ma djinda hi gatina d’i, wani ni hi Muzuk mamina. Kayam gata ti tchi ni sana woyo, wani Muzu’â hAlonina mi he ni arid’a mi sana.

2 Korente-na 4:11

Kur kak mamid’a, ami navun matna yam Jesus, kayam ami tagami ari mamba woi ata hliwimi ma matna.

2 Korente-na 6:9

Ami ni d’igi suma bei suma a wazina na, wani suma a wami pet. Ami ni d’igi suma a nga bona na, wani d’igi agi wagi na, ami nga karid’a. Azi nga golomi ni d’igi suma a tozi na, wani ami bomi nga d’i.

Galat-na 6:17

Ki tchetchemba, ar sa kawan ndi, kayam an nga ki ahura hi Jesus-d’a atan á tak kei ala an ni magoma hi Jesus-na.

Efes-sâ 3:1

Kayam ndata, an Paul ma dangei ma yam Jesus Christ yam agi andjaf suma dingîna, an nga ni tchen Alona kagiya.

Efes-sâ 4:1

Kayam ndata, an ma dangei ma yam Salad’ina nga ni tchenegi ki so tad’a, ar agi tid’igi ndak yam yi d’a Alona mi yagid’a

Efes-sâ 6:20

Kayam Zla d’a Djivid’a, an vrak blangâm kur dangeina. Agi tchenegi Alona kan á de zlad’a bei mandarâ ba, tala ndak á ded’a d’a.

Filip-ma 1:13

gak azigar suma avo hAmul ma ngolîna pet ki suma dingâ pet a wala a van dangeina ni yam sunda hi Christ-sa.

Filip-ma 2:17

Wani le a ngad’an yam sunda hi he gagazi magid’a d’igi vama ngat buzuna na pî, an nga ki furîd’a, an mba ni le furîd’a zlapa ki sed’egi mi.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Kolos-sâ 1:29

Kayam ndata, an nga ni le sunda, an nga ni dur ayîna kad’eng nga Christ mi handjid’a, nad’eng nga nga d’i le sun nda kurunda.

1 Tasaloni’â 3:2

Ni kayam ndata ba, ami sunugi sä wiyeina Timote ma sunda hAlona ma yam Zla d’a Djivid’a hi Christ-sina á siragiya, á gigid’egi kur he gagazi magid’a mi,

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

2 Timote 1:16

Salad’a mi we hohowa suma avo hi Onesifor-râ, kayam mi b’lengên hurun yam ablaud’a, mi le nga zulona yam dangei mana d’i.

2 Timote 1:8

Kayam ndata, ang le zulona á le glangâsâ yam Saleina d’i, yam an ma dangei mama d’uo mi. Wani ang fe ndaka zlapa ki sed’en yam Zla d’a Djivid’a yam ad’eng nga Alona mi hangzid’a.

2 Timote 2:9

Kayam zla ndata, an nga ni fe ndaka gak a djinin ki kindjingâ d’igi sama sulu’â na. Wani zlad’a hAlonid’a a djinit nga d’i.

2 Timote 3:11

djop vun mana, ndak manda mi. Ang wahle suma a mba kan avo Antiyos ki Ikoniyum ki Listre-na. An ve tan ad’enga kur ahle ndazina pet, wani Salad’a mi pad’an ndei kuruzi mi.

Filemon 1:9

Wani kal pet, an nga ni tcheneng ki od’a. An Paul ma mamarâ ki tchetchemba ni ma dangeina yam Jesus Christ-sâ,

Hebre-na 10:34

Kayam agi wagi hohowa suma dangeina. Ata yima suma a hurum ahle maginina, agi lagi furîd’a, kayam agi wagi ala agi nga kahle suma djivi suma kal tegles suma gak didina.