2 Korente-na 11:13 - Bible azumeina

¹³ Kayam azi ni suma a sunuzi suma ka zlad’a, ni suma lop suma, azi mbut tazi d’igi azi ni suma a sunuzi suma hi Christ-sâ na.

2 Korente-na 11:13 ပူးပေါင်းရင်းမြစ်များ

Jeremi 23:16

Ma didin ma ad’engêm kal petna mi dala: Ar agi humugi zla d’a suma djok vun ndazina a nga djogogizid’a d’i. Azi dagi ni zla d’a hawa yaka, azi dagi ni vama nde tam mbei irazi kur djib’er mazid’ina, nga ni zla d’a ndeï avunan an-nda d’i.

Jeremi 27:14

Ar agi humugi zla d’a suma djok vun suma a nga dagi ala: Agi mba lagi sunda mamul ma Babilon-na d’uo na d’i, kayam vun ma azi nga djogogizina ni zla d’a kad’a.

Matiye 25:24

Ma ve talanda tuna mi mba, mi dum ala: Salana, an wala angî sama ad’engâ, ang nga dut ata yima ang yak nga kua d’uo na, ang nga tok ata yima ang zar nga kua d’uo na mi.

Sunda hi suma a sunuzinid’a 15:1

Suma dingâ a tcholï Jude, a mba Antiyos, a hat b’oziyoina ala: Le agi ngad’agi nga bayâd’a d’igi gata hi Moise-sa he vuna na d’uo ni, agi ndak á fagi suta d’i.

Sunda hi suma a sunuzinid’a 15:24

Ami humumi zlad’a hi suma ding suma a tchol ka hî adigami a iza a hlagi djib’er magid’a akulo ki zla mazi d’a ded’ina. Ami hazi nga vuna ni ami d’i.

Sunda hi suma a sunuzinid’a 20:30

Suma a mba tchol nadigagi á hat hat ta tchod’a á tan suma a he gagazid’ina ad’uziya.

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

2 Korente-na 11:15

Kayam ndata, le azungeî mama a mbut tazi d’igi azungeî suma d’ingêrâ hina pî, nga ni vama ngol li. Dabi mazid’a mba d’i nda’î yam sun mazi d’a azi lata.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

Galat-na 1:7

Gagazi, Zla d’a Djivi d’a ding nga d’i, wani an nga ni dagi hina kayam suma dingâ a nga b’lagagi djib’er magid’a, a min mbut Zla d’a Djivid’a hi Christ-sa yat kä.

Galat-na 2:4

wani b’oziyoi suma ka zla suma a kal adigamina, a min ngad’am bayâd’a. Ni suma a nga kal kur ades meina gumun á gol mbut mei d’a ei mbud’i gro vuta zlapa tu ki Jesus Christ-sa. Azi min ei hulongeî kur magomba.

Galat-na 4:17

Suma a tchagi wal Zla d’a Djivi d’a dinga ndazina a nga halagi ki hat hurâ ngola, wani nga ni hat hur ma iratna d’i. Azi min á walagi woi ki sed’emi kayam agi hurugi hat kazi mi.

Galat-na 6:12

Suma pet suma a min tak djivi mazid’a woi yam minda hi sa mazi ma adjeunid’a, ni azi ba, a nga lagi kad’enga á ngad’agi bayâd’a, kayam azi min fe ndaka yam agu ma b’ala hi Christ-sâ d’i.

Efes-sâ 4:14

Kayam ndata, ar ei kagei d’igi kem suma simet ma lara ge pet nga mi tchazi tata kur hata hi suma kur lop ira ki lem mba vitina na d’uo d’a.

Filip-ma 3:18

Kayam suma dingâ ablaud’a a nga tid’a, ni suma an nga ni dagi zla mazid’a teteuna. Ki tchetchemba, an nga ni dagi kua ki simina iranu: Sum ndazina ni suma a kak djangûna ki matna hi Christ ma mi mit ata agu ma b’alina.

Filip-ma 3:2

Agi gologi tagi djivi kadureina; azi ni suma le sun nda tchod’a, azi ni suma ngat bayâ suma ka zlad’a.

Kolos-sâ 2:4

An nga ni dagi hina, kayam sa mi lobogi ki lem mamba d’i.

Kolos-sâ 2:8

Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i.

1 Jean 2:18

Grona, ad’u dabid’a ar go. Agi humugi adjeu ala Ma djangûna hi Christ-sâ nga mi mba; ki tchetchemba, suma djangûna hi Christ-sâ ablaud’a a mba wa da’. Ni na ba, ei wei ala ad’u dabid’a mba wa go.

1 Jean 4:1

Buniyôn suma od’a, ar agi hagi gagazid’a yam suma a nga dala azi nga ki Muzu’â na pet ti, wani agi kugugiziya, agi wagazi na ni muzuk máma tcholï ni gen Alona zu? Kayam suma djok vun suma lop ira ablaud’a a b’rau wa woi kur duniyad’a.

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 2:2

An wahlena pet suma ang lazina, an we sun mang nga kaud’a. Ang nga ve tang ki suma tchona d’i, ang kuk wa suma a yi tazi ala azi ni suma a sunuzina na, wani azi ni suma a sunuzi d’uo na, ang vazi ad’uzi woi ala azi ni suma ka zlad’a.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.