2 Korente-na 10:10 - Bible azumeina

¹⁰ Kayam suma dingâ a nga dala: Mbaktum mamba taneka, tad’enga mi, wani le mam tamba nga adigeya ni, mam mi amangeîd’a, zla mam mba ded’a a golot is mi.

2 Korente-na 10:10 ပူးပေါင်းရင်းမြစ်များ

Buzuk ka Abud’a 4:10

Moise mi de mi Ma didina ala: Salad’a, an ndak ki! An ni sama nga ni de zlad’a atogo tchatchap puo na. Ad’u tinda ni kama d’oze ni kama hid’a d’oze nadjï dei d’a ang nga dan an azong mangâ zlad’id’a d’uo mi. Kayam vunan ki sinan a aneka á de zlad’a nadjeu dei.

Jeremi 1:6

An hulong dum ala: Salad’a, Ma didina, an ni gogorâ tua, an ndak nga á de zlad’a aduk suma d’i.

1 Korente-na 1:17

Wani Christ mi sunun ná le suma batem mbi, wani mi sunun ná tchi wal Zla d’a Djivid’a. An tchat ni ki ned’a hi sa d’i, kayam matna hi Christ ma ata agu ma b’alina mi mbut vama hawana d’i.

1 Korente-na 1:21

Suma duniyad’a yam ne mazid’a a we nga Alona d’i. Kayam ndata, Alona kur ne mamba mi nga hurum á sut suma a he gagazid’a yam wal mami d’a tchi d’a lilid’ina.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

2 Korente-na 10:11

Djivid’a sama nga mi de hina na mi wala, zla d’a ami dagizi kur mbaktum mamid’a kid’a ami nga adigagi d’uo d’a, ami mba lami ni d’igi ami nga adigagi na da’.

2 Korente-na 10:9

An min ala agi golon d’igi sama mi mbud’ugi mandarâ ki mbaktum mambina na d’i.

2 Korente-na 11:21

An nga ni dagiya: An nga ki zulona kayam ad’engêmi ndak á le hina d’i. Wani le sama ding nga subur tam yam va ni, an nga ni de d’igi sama lilid’a na, an ndak á subur tan mi.

2 Korente-na 11:6

Wani le an de zla d’a aneka pî, wed’a ti kid’agan nga d’i. Kayam ndata, kid’a ami nga adigagid’a, ami tagagi ad’u ahlena pet ata lovot ta lara ge pet mi.

2 Korente-na 13:3

Kayam agi min á we zla d’a ded’a hi Christ sa an nga ni data, agi mba wad’u. Ni Christ ma nga amangeîd’a adigagi d’uo na, nga mi tak ad’eng mamba woi adigagi mi.