2 Korente-na 1:18 - Bible azumeina

¹⁸ D’igi Alona ni Ma d’engzengâ na, zla d’a ami dagizid’a nga ni  ki Hawa d’i.

2 Korente-na 1:18 ပူးပေါင်းရင်းမြစ်များ

Jean 7:28

Ata yi máma, Jesus nga mi hat suma kur gong nga kud’ora hAlonid’a, mi de ki delem akulo ala: Agi wan gagazi, agi wagi yima an tcholï kuana gagazi mi! Wani an mba ni yam tan ndi. Mam ma sununïna ni Ma gagazina, wani agi wum nga d’i.

Jean 8:26

An nga ki zla d’a ngola kagi á ded’a, á ka sariyad’a kagi mi. Wani mam ma sununïna, ni Ma gagazina. An nga ni de mi suma yam andagad’ina vama an humumï avunama.

1 Korente-na 1:9

Alona ni Ma d’engzeng ma yam vun mam ma hled’ina, ni ma yagi á kagagi zlapa tu ki Goroma Jesus Christ Saleinina.

2 Korente-na 1:23

An ka ni zlad’a d’i, Alona ni ma glangâs mana mi. An ar bei hulong iza hatagi Korente kayam an min zalagi hurugi d’i.

2 Korente-na 11:31

Alona Abu Salad’a Jesus ma suma a nga suburum simiyêm gak didina, mi wala an nga ni ka zla d’i.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 6:8

A nga suburumiya, a nga mbud’umi zulona mi; a nga dami zlami tchod’a, a nga dami zlami djivid’a mi. Azi nga golomi ni d’igi suma ka zlad’a na, wani ami dami ni zla d’a gagazid’a hol.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: