2 Korente-na 1:17 - Bible azumeina

¹⁷ Ata yima an djib’er hina na, an mbut ni sama mbàmbàd’a zu? D’oze vama an nga hurun kama, an nga hurun ni yam hliuna zu? An dala: Â, Â! ki Hawa, Hawa! ata yima tuna zu?

2 Korente-na 1:17 ပူးပေါင်းရင်းမြစ်များ

Jeremi 23:32

An nga ni ngop suma djok vun suma a nga djok vun adï d’a ka zlad’a mi suma suma a nga vit sum mana woi ki zla mazi d’a kad’a ki lop ir mazid’ina. Wani an sunuzi nga d’i, ni hazi nga vun ndi, azi ndak á le vama djivi yam sum mana tu d’i. An Ma didina ni de na!

Sofoni 3:4

Mam suma djok vuna a ni suma tit mazid’a nga ata yat tuo na, a ni suma mbut ira mi. Mam suma ngat buzuna a nga mbut ahle suma a tinizi irazi vazina ndjendjed’a, a nga tchila yam gata mi.

Matiye 1:19

Ndjuvut Josef ni sama d’ingêrâ, mi min ala mi mbud’ut zulona d’i, mi djib’er kurum ala mi bud’ut ni ki ngeid’a.

Matiye 5:37

Ar zla magid’a ti ka’î Â ni ni Â, d’oze Hawa ni ni Hawa mi. Sama le de kal yam zla ndata ni, ti tcholï nata Ma lemba.

Jean 8:15

Agi kagi sariyad’a ni yam minda hi sumid’a, an nga ni ka sariyad’a yam sa d’i.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 11:18

Kayam suma ablaud’a a nga subur tazi yam ahle suma kur duniyad’ina, an mba ni subur tan d’igi azi na mi.

Galat-na 1:16

Kid’a mi nga hurum á tagan Goroma kayam an tchi wal Zla d’a Djivi mamba mandjuf suma dingâ d’a, ata yi máma, an hal nga wad’ud’a hi sa d’i.

Galat-na 2:2

An iya, kayam Alona tagan ala an iya. An vazi ad’u Zla d’a Djivi d’a an tchat walat aduk andjaf suma dingîd’a. Wani an väd’u zla ndata ni mi suma avorozina woi vaziya, kayam sun man nda avoka ki d’a tchetchemba a mbut vama hawana d’i.

1 Tasaloni’â 2:18

ami minimi á iza hatagiya. An Paul, an kuk á iza hatagi yan tcha, wani Seitan mi d’elemi lovota.

Jacques 5:12

B’oziyona, kal pet, ar agi gunugi tagi kakulod’a d’oze kandagad’a d’oze ki vama ding ngi. Wani ar agi dagi ni ala Â! ni Â, Hawa! ni Hawa mi, kayam agi kalagi kur sariyad’a hAlonid’a d’i.

Suma ka sariyad’a 9:4

Azi hum bege d’a hap pa a yod’ï kur gong nga kud’ora hi Bäl-Berit-ta. Mi wurak ki suma hawa ya’â ki suma bei wäd’u zlad’a ba na; a i ad’umu.