2 Korente-na 1:12 - Bible azumeina

¹² Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Korente-na 1:12 ပူးပေါင်းရင်းမြစ်များ

2 Samuel 22:22

Kayam an nga ni tit kur lovota hi Ma didinid’a an le nga asa’ata avok Alo mana d’i.

Wana ni mbaktumba hi Job-pa 13:15

Le mi min á tchan pî, an nga ni ar hur man ma tin ma kama woi d’i, wani an mba ni väd’u zla manda woi avoromu.

Isai 38:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

Sunda hi suma a sunuzinid’a 23:1

Ata yi máma, Paul mi so iram ata suma b’ak zlad’a, mi dazi ala: B’oziyona, an nga avok Alona ki hur ma tuna gak ini.

Sunda hi suma a sunuzinid’a 24:16

Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Romê-na 9:1

An sana hi Christ-sâ nga ni de zla d’a gagazid’a, bei ka zla d’a ba d’a. Djib’er man nda krovod’a nga d’i le glangâsâ kan yam ad’enga hi Muzuk ma bei tchod’a ba nid’a ala ni gagazi.

1 Korente-na 1:17

Wani Christ mi sunun ná le suma batem mbi, wani mi sunun ná tchi wal Zla d’a Djivid’a. An tchat ni ki ned’a hi sa d’i, kayam matna hi Christ ma ata agu ma b’alina mi mbut vama hawana d’i.

1 Korente-na 12:8

Muzu’â hAlonina nga mi he sana tu á de zlad’a ki ned’a. Ni Muzuk ma tu máma ba, nga mi he mi sama dingâ á de zlad’a ki wad’ud’a mi.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

1 Korente-na 2:13

Wani ami nga dagiya, ami nga had’agi ni ki ned’a hi sanid’a d’i, wani ami nga had’agi ni ki hata hi Muzu’â hAloninid’a. Hina wani, ami nga vami ad’u zla d’a gagazid’a hAlonid’a mi suma a nga ki Muzuk mamina.

1 Korente-na 4:4

Kayam an we tetet ala zla nga kan ndi, wani ni kayam ndata ba, an ni ma bei zlad’a kana d’i. Salad’a ni sama kan sariya kana.

1 Korente-na 5:8

Kayam ndata, ar ei lei vun til meina ni kavungô ma bei anguf fa adjeud’a, bei anguf fa tchod’a, bei mizeuna mi, wani ei lumî kavungô ma bei angufa kavungô ma yed’et ma gagazina.

2 Korente-na 1:17

Ata yima an djib’er hina na, an mbut ni sama mbàmbàd’a zu? D’oze vama an nga hurun kama, an nga hurun ni yam hliuna zu? An dala: Â, Â! ki Hawa, Hawa! ata yima tuna zu?

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

2 Korente-na 8:8

An de hina, an hagi ni vuna d’i, wani an de ni yam zlezleûd’a hi suma dingîd’a. An min kuk o magid’a, na ni ni o d’a gagazid’a ko zu?

Galat-na 6:4

Ar nge nge pî mi kuk sun mamba ki yamu. Le mi ndaga ni, mi subur tamî yam sun mamba tata, nga ni yam sunda hi sama ding ngi.

Efes-sâ 6:14

Agi minigi tagiya. Agi siragi ngingring kur gagazid’a d’igi sana mi djin d’i’â furum na. Agi tchugugi d’ingêra atagi d’igi kongrongâ na.

Filip-ma 1:10

kayam agi walagi ir ahle suma djivina. Hina, agi mba kagagi yed’et bei zlad’a kagi ba kur bur ma mbad’a hi Christ-sâ.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Timote 1:5

Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

Wana ni mbaktum mba Paul mi b’irit mi Tit-ta 2:7

Kur ahlena pet ang mbut ni vama taka kur sun nda djivid’a. Ang hat ni hat ta d’ingêra irang sik.

Hebre-na 13:18

Agi tchenegi kamiya, kayam ami wami tetet, djib’er mami d’a kurumid’a ni djivid’a. Ami min á lami ahlena pet ata yaziya.

Jacques 4:6

Wani nga mi vei suma d’a kala, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.