2 Amuleina 9:6 - Bible azumeina

⁶ Jehu mi tchol akulo, mi i ki sed’em kur gonga. Ma djok vun Alona mi vom mbulâ kamu, mi dum ala: Gola! Ma didina Alona hi Israel-lîna mi dala: An vong mbulâ kang ni tining amula yam man suma Israel-lâ.

2 Amuleina 9:6 ပူးပေါင်းရင်းမြစ်များ

1 Amuleina 1:34

Ata yi máma Sadok ma ngat buzuna ki Natan ma djok vun Alona a vom mbulâ kamu, a tinim iram vam á kak amula yam Israel-lâ. Ata yi máma agi bugi adifa, agi eregi ad’ugi akulo ala: Amulâ Salomon, ar va mi lang ngi!

1 Amuleina 10:9

Ei gilei Ma didina Alo mang ma mi manang mi tining yam zlam mba amula á tamula yam Israel-lîna. Ma didina nga mi le kazi teteu. Kayam ndata, mi tining amula á ka sariya d’a d’ingêr ra memeta kaziya.

1 Amuleina 14:7

Ndak hulong de mi Jerobowam ala: Wana ni zla d’a Ma didina Alona hi Israel-lîna mi data: Ni an ba ni tining aduk suma, ni an ba ni tining avok man suma Israel-lâ mi.

1 Amuleina 16:2

Ni an ba ni pad’angî aduk gugud’upa handagad’id’a, ni tining yam man suma Israel-lâ. Wani ang nga tit tchod’a d’igi Jerobowam na, ang nga zut Israel-lâ á le tchod’a, a nga zalan hurun ki tcho mazi d’a led’a.

1 Amuleina 19:16

Bugola, ang i pat Jehu Nimsi goroma, ang vom mbulâ kam á tinim amula yam Israel-lâ. Ang vo mbulâ yam Elise Safat ma Abel-Mehola-na goroma mi vrak ma djogon vunana blangângû.

1 Amuleina 3:8

Ki tchetchemba, ang tinin yam suma ang manazina. Sum ndazina a kal ablaud’a heî, sana mi ndak á ndumuzi pepet ti.

2 Amuleina 9:3

ang hle gugur ra mbulâ, ang vom mbulâ kamu, ang dum ala: Gola! Ma didina mi dala: An vong mbulâ kang á tining amula yam Israel-lâ. Bugola, ang mal vun gonga woyo, ang zot ringâ, ang tchol aduk ki.

2 Amuleina 9:5

Kid’a mi mbaza d’a, mi fe azigar suma nglo suma Israel-lâ a tok nga kä á min zlad’a. Gor azong ma djok vun Alona máma mi dala: Sama ngolâ, an nga ki zlad’a á dangû. Jehu mi djobom ala: Ang min de ni mi nge adigami ge? Mi hulong dum ala: Sama ngolâ, an dangî mi ang tanga.

2 Sunda Hamuleinid’a 22:7

Kur minda hAlonid’a mi zut Ahaziya mi i á d’u Joram á bam mbeyo. Ata yima mi mbazina, a i ki Joram á ngaf ki Jehu Nimsi gorom ma Alona mi tinim iram vam á dap suma hi Ahap-ma woina.

Sawal la giled’a 2:6

Mi dala: Ni an ba ni man amul ma an tinim iram vama yam ahina man nda Siyon nda a tinit irat vata.

Sawal la giled’a 75:6

Agi hlagi yagi akulo d’i! Agi dagi zlad’a ki subur tad’a d’uo mi.

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Daniel 4:17

Nga hurâ hi malaika suma ndjola ni vun ma hed’a hi suma a tinizi irazi vazina, tala ar suma a nga ki irazi yam andagad’ina a wala Alo ma sä akulo ma kal teglesâ nga mi te yam leud’a hi suma yam andagad’ina pet, nga mi hat mi sama mam hurum minima, nga mi hle yam suma bugolâ akulo mi d’a.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

1 Samuel 10:1

Samuel mi hle gugur ra mbul la nga abomba, mi vo mbulâ yam Saul, mi vum atamu, mi dum ala: Ni Ma didina tamba ba, mi manang tining amula yam sum mama.

1 Samuel 2:7

Ma didina nga mi mbut sana houd’a, nga mi mbut sana ma beged’a mi; nga mi hulong sana yam kä, nga mi hle sana yam akulo mi.

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.