2 Amuleina 9:32 - Bible azumeina

³² Jehu mi bong iram akulo ata fenetred’a, mi dala: Ni nge mi min i ad’un nge? Ni nge ge? Suma mbà d’oze hindi suma nga gol azina hamulîna a nga hiled’ï ir fenetred’a.

2 Amuleina 9:32 ပူးပေါင်းရင်းမြစ်များ

2 Amuleina 9:31

Kid’a Jehu nga mi kal avun azinid’a, ti er ad’ut akulo ala: Ang Zimri ma tchi amul mangâ woina, ang mba ni hawa ko zu?

2 Amuleina 9:33

Jehu mi dazi ala: Agi zud’ud’ï kä ir fenetred’a. A zud’ud’ï kä. Ti ndeï kä, buzuwat mi djang huyok gonga, ata akulumeina mi. Jehu mi mired’et kä kasem akulumei mama.

2 Amuleina 9:7

Ni ang ba, mba tchi andjafâ hi salang ma adjeuna Ahap-ma woyo. An mba ni sä atchugul azungeî mana pet, nala, man suma djok vuna ki suma ding suma Jezabel ti tchazina mi.

1 Sunda Hamuleinid’a 12:18

Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala: David, ami ni sum mangâ! Ami imi nad’ung ang Jesse goroma! Ar va mi lang ngi! Suma a ndjunungâ, va mi lazi d’uo mi! Kayam Alona mi ndjunung wa da’! David mi vazi atamu, mi tinizi nglod’a yam sum mama.

2 Sunda Hamuleinid’a 11:12

Kur azì ma nglo máma, ma lara pî mi nga ki mboriyo suma nglona kasubiyona kua. Ni kayam azì ma ad’eng máma ba, mam fad’enga á te yam suma hi Juda-na ki suma hi Benjamin-na mi.

Ester 1:10

Kur bur ma kid’iziyana amulâ tam mbi lum djivid’a yam süm guguzlu d’a mi tchata, mi yi azungeî mam suma kid’iziya suma a ngom aropmina, nala, Mehuman, Bista, Harbona, Bikta, Abakta, Zetar ki Karkas mi.

Ester 2:15

Kid’a Ester Abisayil ma Mardose abum wiyema gorom mba Mardose mi mbud’ut gorombid’a burut ndak á i avok amulîd’a, ti hal nga vama ding ngi; nahle suma Hege ma ngom aropma hamulîna mi hattchina hol. Ester ti le suma a nga golotna pet tazi djivid’a.

Ester 2:21

Kur biza ndata, ata yima Mardose mi nga kaka kä avun agre’â hamulîna, azungeîna hamulîna mbà suma a nga ngom vun azinina, nala, Biktan ki Teres, a ndjak vunazi á tchamulâ Asuwerus seyo.

Sawal la giled’a 118:6

Ma didina mi nga kanu; an nga ni ring mandar ri. Suma a mba lan ni me ge?

Sawal la giled’a 94:16

Ni nge ba, mba mi tchol avoron á d’el suma asa’at ndazina ge? Ni nge ba, mba mi tchol á ndjunun abo suma bei d’ingêr ndazina ge?

Buzuk ka Abud’a 32:26

Moise mi tchol avun kangâ, mi dala: Suma huruzi ve Ma didinina, a mbeï geven kä hî. Ata yi máma suma ad’u andjafâ hi Levi-na a togï gevemu.

Sunda hi suma a sunuzinid’a 12:20

Herot hurum zal yam suma Tir-râ ki suma Sidon-na. Azi tok taziya, a i gevem ki hur ma tuna. A i fe Blastus amulâ vunam ma ad’u kä na. A tchenem ala mi zlabazi darigïd’a kamulâ, kayam ambas mazid’a ti fe tena ni kur ambasa hamulîd’a.