2 Amuleina 9:27 - Bible azumeina

²⁷ Kid’a Ahaziya amul ma Juda-na mi we hina d’a, mi zot ringâ, mi i iram abo ma Bet-Hagan-na, wani Jehu nga mi digimu, mi he vuna mi ndrom azigarâ ala a tchum mi. Azi a yed’em kur pus mama ata yima mam nga mi djaka akulo aduk ahina d’a Gur ra go kazì ma Jibleyam-mid’a. Mam ring gak mbaza Megido, mi mit sä kua.

2 Amuleina 9:27 ပူးပေါင်းရင်းမြစ်များ

1 Amuleina 21:2

Ahap mi de mi Nabot ala: Ang han asine mang ma guguzlud’a, an mbud’um asine ma zar ahle suma amblad’a, kayam mi go kaziyanu. Le ná mbuta ni, an hang asine ma guguzlu ma djivi ma kalâ. D’oze, le ang mina ni, an wuragang beged’a.

1 Amuleina 4:12

Bäna Ahilut goroma ni ma nga yam ambas sa Tänak-kina ki Megido kandaga d’a Bet-Seyan nda pet ta go ki Sartan avok Jisreyel la kä d’a; abot ni ndjaka ki Bet-Seyan ki Abel-Mehola gak ti i avun Jokmeyam;

2 Amuleina 10:4

Wani a le mandarâ ngolâ, a de tazi ala: Amulei suma mbàna a tchol nga avorom mbuo d’uo d’a; ei ndak á tcholï avorom zu?

2 Amuleina 11:1

Ata yima Atali Ahaziya asum mbi hum ala gorotna mi mit wa na, ti tchola, ti tchi andjaf ma amula woi pet.

2 Amuleina 12:1

Kur bizad’a kid’iziya d’a Jehu nga mi tamula yam Israel-lîd’a, Jowas mi kak amula yam suma Juda-na avo Jerusalem. Mi tamula bizad’a dok fid’i. Asum a yat ala Sibiya d’a Berseba-d’a.

2 Amuleina 14:19

Ata yi máma suma Jerusalem-ma a ndjak vunazi yam Amasiya avo Jerusalem. Mi ring Lakis, wani a digim ad’um gak a mbaza Lakis, a tchum sä kua kolâ.

2 Amuleina 21:23

Azungeîna hi Amon-na a ndjak vunazi kamu, a tchum kur aziyamu.

2 Amuleina 8:29

Mi hulong avo Jisreyel á tchil mbilim ma suma Siri-na a gumzi avo Rama ata yima dur ayîna ki Hazayel amul ma Siri-nina. Ata yi máma Ahaziya Joram gorom ma amul ma Juda-na, mi i á d’u Joram Ahap goroma avo Jisreyel, kayam mam nga tugud’eid’a ngola heî.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Ndumba 16:26

Mi de mablaud’a ala: Agi walagi tagi woi dei kazina hi suma tcho ndazinina, agi tinigi abogi ata va mazi d’i, tala agi bogi woi zlapa tu ki sed’ezi yam tcho mazid’a d’a d’i.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Josue 17:11

Andjafâ hi Manase-na mi nga kazì ma dingâ yam ambasa hi Isakar-ra ki d’a hi Aser-ra mi, nala, Bet-Seyan kazì ma nguyutna, Jibleyam kazì ma nguyutna, ki suma a nga kaka Dor-râ kazì ma nguyuzina zlapa ki suma a nga kaka En-Dor-râ kazì ma nguyuzina, suma a nga kaka Täna’â kazì ma nguyuzina, ki suma a nga kaka Megido-na kazì ma nguyuzina, kazì ma ding ma akulo yam yima ndingîna kua hindi mi.

Suma ka sariyad’a 1:27

Suma hi Manase-na a dik nga suma a nga kaka Bet-Seyan-na kazì ma nguyuzina, suma Täna’â kazì ma nguyuzina, suma Dor-râ kazì ma nguyuzina, suma Jibleyam-ma kazì ma nguyuzina, suma Megido-na kazì ma nguyuzina woi d’uo mi. Suma Kanan-na a min kak kur ambas ndata mi.

Suma ka sariyad’a 5:19

Amuleina a mba, a dura. Amulei suma Kanan-na a dur suma Täna’â avun mbiyo ma Megido-na. Wani a fe nga va d’oze bege kur ayî mazi ma dur máma d’i.