2 Amuleina 9:18 - Bible azumeina

¹⁸ Sama djang akulum máma mi iya, mi ngaf sum ndazina, mi dazi ala: Amulâ mi dala: Agi mbagi ni hawa ko zi ge? Jehu mi dum ala: Vama ndolong kua ni me ge? Ang kal lei blogomiya! Ata yi máma ma ndjol vun azina mi dala: Sama sunda mi i fe sum ndazina, wani mi hulongî nga d’i.

2 Amuleina 9:18 ပူးပေါင်းရင်းမြစ်များ

2 Amuleina 9:17

Ma ndjol ma nga kaka akulo kur gong nga ndjola avun azì ma Jisreyel-lîna mi we Jehu nga mi djï ki suma ablaud’a ad’umu. Mi de mamulâ ala: An we suma ablaud’a a nga djïya. Joram mi he vuna ala: Ang sun sama djang akuluma tu mi i ngavaziya, mi djobozi ala azi mba ni hawa ko zi ge?

2 Amuleina 9:19

Wani Joram mi hulong sun sama djang akulum ma dingâ kua, mi mbaza gevezi mi dazi ala: Amulâ mi dala: Agi mbagi ni hawa ko zi ge? Jehu mi hulong dum ala: Vama ndolong kua ni me ge? Ang kal lei blogomiya!

2 Amuleina 9:22

Kid’a Joram mi mba go avok Jehu-d’a, mi djobom ala: Jehu, ang mba ni hawa ko zi ge? Jehu mi hulong dum ala: Ni kayam me ba, ang djobon hina ge? Ang we tetet ala nasung Jezabel ba, nga d’i i avogovok á kud’or alo ma teteng ma hawa ya’â ki kuma matna mi d’uo zu?

2 Amuleina 9:31

Kid’a Jehu nga mi kal avun azinid’a, ti er ad’ut akulo ala: Ang Zimri ma tchi amul mangâ woina, ang mba ni hawa ko zu?

Isai 48:22

Ma didina mi dala: B’leng nga halasa ti nga ni yam suma asa’atna d’i.

Isai 59:8

Agi wagi nga lovot ta halasa d’i, agi nga tid’igi kur lovot ta gagazid’a d’i, agi tid’igi ni kur lovot ta gunda. Sama nga mi tit kuana nga mi we halasa d’uo mi.

Jeremi 16:5

Ma didina mi dan kua ala: Ar ang kal kur azì ma a tchi matna kuana d’i, ar ang i tchi matna d’i, ar ang tchi horâ ki sed’ezi d’uo mi. Kayam an hle wa b’leng man nda halasa woi yam sum ndazina. Djivi manda ki we hohou manda pî, an yozi wa woi kaziya. An Ma didina ni de na.

Romê-na 3:17

a we nga lovot ta halasa d’i,