2 Amuleina 9:17 - Bible azumeina

¹⁷ Ma ndjol ma nga kaka akulo kur gong nga ndjola avun azì ma Jisreyel-lîna mi we Jehu nga mi djï ki suma ablaud’a ad’umu. Mi de mamulâ ala: An we suma ablaud’a a nga djïya. Joram mi he vuna ala: Ang sun sama djang akuluma tu mi i ngavaziya, mi djobozi ala azi mba ni hawa ko zi ge?

2 Amuleina 9:17 ပူးပေါင်းရင်းမြစ်များ

2 Samuel 13:34

Wani Apsalom mi ringâ. Gor azong ma a tinim á ndjolina, mi bong iram akulo, mi gol yina. Gol wani, suma ablaud’a nunuk a nga djï kur lovot ta Horonayim-mba gen ahinad’a.

2 Samuel 18:24

David mi nga kaka kä avun agre’â kur djola avun azina. Sama ndjola mi djak akulo yam gong nga a minit akulo yam gulumuna avun agre’â á ndjolid’a, mi bong iram mi gol yina. Gol wani, sana nga mi djï ringâ vam tu.

1 Amuleina 2:15

Mi dat ala: Ndak wala amula nabonu, wani Israel-lâ pet a nga djup ala ni an ba ni vrak tamula balum abunu. Wani ahlena a mbud’a. Salomon wiyena mi kak wa amula, kayam Ma didina mi min na.

2 Amuleina 7:14

Kayam ndata, azi man pus ma dur ayîna mbà kakulumeina. Amulâ mi sun suma á i bugol azigar suma Siri-na á we vama lena.

2 Amuleina 9:11

Jehu mi ndabua, mi hulong gen ndrom azigar suma nglona hamulîna. Azi djobom ala: Nana ge? Ma lili máma mi mba geveng nana ge? Jehu mi hulong dazi ala: Mi mba ni hawa ko. Agi wagi ma djok vun máma ki zla mam mba ded’a tetet.

2 Amuleina 9:16

Bugola, Jehu mi ful kur pus mam ma dur ayîna á i Jisreyel ata yima Joram mi nga ged’a kuana. Ni yima Ahaziya amul ma Juda-na mi mba á d’um kuana.

2 Amuleina 9:18

Sama djang akulum máma mi iya, mi ngaf sum ndazina, mi dazi ala: Amulâ mi dala: Agi mbagi ni hawa ko zi ge? Jehu mi dum ala: Vama ndolong kua ni me ge? Ang kal lei blogomiya! Ata yi máma ma ndjol vun azina mi dala: Sama sunda mi i fe sum ndazina, wani mi hulongî nga d’i.

2 Amuleina 9:19

Wani Joram mi hulong sun sama djang akulum ma dingâ kua, mi mbaza gevezi mi dazi ala: Amulâ mi dala: Agi mbagi ni hawa ko zi ge? Jehu mi hulong dum ala: Vama ndolong kua ni me ge? Ang kal lei blogomiya!

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

Isai 62:6

Ndak Jerusalem, an tin wa suma ndjola yam gulumun ma’â. Azi mba ba vunazi falei d’oze andjege d’i; agi suma nga gagi hum Ma didina yam ahle suma a le ki Jerusalem-mina, agi tugugi tagi d’i.

1 Samuel 16:4

Samuel mi le d’igi Ma didina mi dum na. Kid’a mi i Betelehem-mba, suma nglo suma kur azinina a d’ugulomu, a nga ki mandarâ, a djobom ala: Ang mba ni hawa ko zu?

1 Samuel 17:22

David mi ar ahle mama abo sama ngom ahlena, mi ring atogo zak ata yima azigarâ a nga kuana, mi fe b’oziyoma, mi djobozi ala azi ni hawa ko zu?