2 Amuleina 8:5 - Bible azumeina

⁵ Ata yima Gehazi nga mi väd’u zlad’a hi gor ma Elise mi zlid’im akulo ata yima matnina, gol wani, gor máma asum mbi mba, ti nde d’i tchen amulâ yam aziyat kasine matna. Ata yi máma Gehazi mi de mamulâ ala: Salana, ang gol atchad’a ki gorot ma Elise zlid’im akulo ata yima matnina wana!

2 Amuleina 8:5 ပူးပေါင်းရင်းမြစ်များ

1 Amuleina 20:1

Ben-Hadat amul ma Siri-na mi tok azigar mama pet, mi yo amuleina ad’um dok hindi yam mbà kakulumeina ki pus ma dur ayîna teteng, mi i ngui azì ma ngol ma Samari-na á durâ.

2 Amuleina 4:12

Mi de mazong mama Gehazi ala: Ang i halï atchad’azina. Gehazi mi yad’ïya; ti mba d’i tchol avoromu.

2 Amuleina 4:35

Elise mi hulong tchol akulo, mi ngui tita hur gonga hina ndjö, mi hulong mat tam kä woi yam gorâ kua. Atogo hina zak gorâ mi ereseu yam kid’iziya, mi mal iram mbeyo.

2 Amuleina 6:12

Ma dingâ tu aduk azigar mam suma nglona mi hulong dum ala: Salana, sama adigei ma mi hle zla mei d’a gumunda mi it mamul ma Israel-lîna nga d’i. Ni Elise ma djok vun Alona ma nga avo Israel-lâ ba, mi ndak á de zla d’a ang dat kur gong mang nga burîd’a woi mamul mama!

2 Amuleina 6:26

Bur tu amul ma Israel-lâ nga mi kal yam gulumuna, atchad’a tu ti er ad’ut akulo ala: Salana amul mana, ang sud’unu!

2 Amuleina 8:6

Ata yi máma amulâ mi djop atchad’a. Ti vum ad’u ahlena pet. Ata yi máma na wat, amulâ mi he vuna mi sa mama ala: Ang i katcha ndata. An min ala a hulongôt ahle matna pet kawu ma azi tinim zuma kur asinet kur biza d’a ndat ti mbera dei gak inina pet mi.

Ester 5:14

Ata yi máma amamba Zeres ki buniyôma pet a dum ala: Ang min aguna fiyagam mba akulod’a metred’a dok mbà yam vahl. Ndjivin yorogo ang djop amulâ kayambala ang gap Mardose akulo kua d’a. Hina wani, ang mba i ata yima te ma luna kamulâ ki furîd’a. Zla ndata le Haman tam djivid’a, mi min aguna mi.

Sawal la giled’a 145:1

Ni sawal la gile d’a David mi hlata. Alo mana, amul mana, an mba ni hang ngola, an mba ni gileng simiyêng teteu gak didin.

Zla d’a d’ogolâ 16:9

Sana nga mi nga hurum yam tit mamba, wani ni Ma didina ba, nga mi tagam yima tita.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Wana ni mbaktum mba a b’irit yam Rut-ta 2:3

Rut ti iya, nga d’i tchi helena bugol suma zawuna, ti nde ni kur asinena hi Bowas ma ad’u andjafâ hi Elimele’îna.

1 Samuel 26:17

Saul mi hum del David, mi dum ala: Ni deleng ang gorona David ko zu? David mi hulong dum ala: Salana amul mana, ni delen anu.