2 Amuleina 8:18 - Bible azumeina

¹⁸ Mi le sun nda tchod’a d’igi amulei suma Israel-lâ na, d’igi suma hi Ahap-ma na mi, kayam mi ve Ahap goromba atchad’a, mi le sun nda tchod’a avok Ma didina mi.

2 Amuleina 8:18 ပူးပေါင်းရင်းမြစ်များ

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

1 Amuleina 22:44

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’a kuana kä woi d’i.

2 Amuleina 16:3

Mi tit ni kur lovota hamulei suma Israel-lîd’a, mi i gak mi ngal goroma woi kakud’a d’igi vama ngat buzu ma ngala na. Ni sun nda ndjendje d’a andjaf suma Ma didina mi digizi woi adjeu avok Israel-lîna a lata.

2 Amuleina 21:13

An mba ni b’lak Jerusalem mbei d’igi an b’lak Samari ki suma avo hi Ahap-ma woi na, an mba ni set Jerusalem mbei d’igi sana mi set hur tazana mi hulong mi kulubum kä na mi.

2 Amuleina 21:3

Mi hulong mi min yima nding ma teteng ma kud’or filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yuma ala Bäl-lâ, mi pagu ma murgulina malo d’a a yat ala Asera-d’a d’igi Ahap amul ma Israel-lâ mi ladjeu na, mi nga mi grif kä avok ahle suma akulona, nga mi kud’urozi mi.

2 Amuleina 8:26

Kid’a mi kak amulid’a, bizamî dok mbà yam mbà, mi tamula avo Jerusalem bizad’a tu. Asum a yat ala Atali Omri amul ma Israel-lâ goromba.

2 Amuleina 8:27

Ahaziya mi tit kur lovot ta tchod’a d’igi suma hi Ahap-ma na. Mi le sun nda tchod’a avok Ma didina d’igi andjafâ hi Ahap-ma na, kayam mi ve Ahap goromba atchad’a.

2 Sunda Hamuleinid’a 17:4

Wani mi halî Alona habum ngolona, mi tit ni yam vun mam ma hed’a, mi le nga sun nda Israel suma abo ma norâ a lata d’i.

2 Sunda Hamuleinid’a 18:1

Josafat mi mbut sama ndjondjoîna, suma a nga suburum heî mi. Mi zlap ki Ahap amul ma Israel-lâ kur lovot ta tela.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

2 Sunda Hamuleinid’a 21:13

wani ang tit ni kur lovota hamulei suma Israel-lîd’a. Ang tan suma Juda-na ki suma Jerusalem-ma á le gaulangâ d’igi suma hi Ahap-ma na, ang tchi b’oziyong suma habung suma a kalang ki djivid’ina woi mi.

2 Sunda Hamuleinid’a 21:6

Mi le sun nda tchod’a d’igi amulei suma Israel-lâ na, d’igi suma hi Ahap-ma na mi, kayam mi ve Ahap goromba atchad’a, mi le sun nda tchod’a avok Ma didina mi.

Mise 6:16

Agi hlagi ni zlad’a hamulâ Omri-d’a ki zlad’a hi suma hi Ahap-mid’a, agi tid’igi ni yam d’al mazina. Ni kayam ndata ba, an nga ni mba ki b’laka yam azì magi ma ngolâ, an mba ni mbud’ugi agi suma kuruma vama lasa, agi mba zigi zulona hi sum manina mi.