2 Amuleina 5:7 - Bible azumeina

⁷ Ata yima amul ma Israel-lâ mi dap mbaktum ndata ndumba dapma, mi haû baru mama woyo, mi er ad’um akulo ala: An nAlona ba, ni tchi sana kat mi, ni hulong zlid’im mi zu? Gola! Amul ma Siri-na mi sununï sana ka wana ala an yagam libi mama woyo! Agi wagi zla d’a sa máma mi halan ki sed’eta.

2 Amuleina 5:7 ပူးပေါင်းရင်းမြစ်များ

Ad’u Tinda 30:2

Jakob hurum zal ata Rachel ngola, mi dat ala: An mbut nAlona ba, ni d’elek bei vuta zu?

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

Ad’u Tinda 50:19

Wani Josef mi hulong dazi ala: Agi lagi mandar ri; an mbut nAlona zu?

2 Samuel 1:11

David mi haû baru mam ma atama woyo. Suma ki sed’ema pet a haû baru ma atazina woi mi.

1 Amuleina 20:7

Ata yi máma amul ma Israel-lâ mi yï suma nglo suma yam ambasina pet, mi dazi ala: Agi wagi tetet ala sa máma mi min lei ni tchod’a, kayam mam tchugï sunda ala an hum arubuyon ki grona ki kawei man ma hapma ki lor manda. Wani an d’elem nga d’uo mi!

2 Amuleina 11:14

Ti gola, ti wamulâ mi nga tchola ata yima ndingâ d’igi azi nga le na. Suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina a nga buzi mi. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!

2 Amuleina 18:37

Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulîna ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

2 Amuleina 5:6

Mi mbaza, mi he mbaktum mba amul ma Siri-na mi humzid’a mamul ma Israel-lâ. Mi de kur ala: An sunungza ma ngolâ hi azigar manina Näman ki mbaktumba wana, kayam ang yagam libi mama woyo.

Jeremi 36:24

Amulâ kazungeî mama pet a hum ad’u zla ndata pet, wani a le nga mandar roze a haû nga baru mazi ma atazina woi d’uo mi.

Daniel 2:11

Amulâ, zla d’a ang djobomi kata, tad’enga heî. Sama ndak á hulongông humba katna nga d’i. Nalo ma yam ma kaka nga aduk suma yam andagad’a ka hî d’uo na ba, mi ndak á hulongông humba ni mamu.

Wana ni mbaktumba hi Oze-d’a 6:1

Agi mba dagi ala: Agi mbeyegïya, ei hulongeî gen Ma didina. Mam ma kizagei mbuleinina, mba mi tchiliya, mam ma toina, mba mi djini mbiliya.

Ndumba 14:6

Josue Nun goroma ki Kalep Jefune goroma suma aduk suma a i d’uï ambasina, a haû baru mazina woyo,

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Wana ni Zla d’a Djivi d’a Luc mi b’irita 11:54

Azi hal lovota á fe zla d’a dinga avunamu.

Sunda hi suma a sunuzinid’a 14:14

Wani ata yima suma a sunuzina Barnabas azi ki Paul a hum hina na, a haû baru mazina woyo, a ring a kal aduk ablau suma,

Gat ta a hat á mbàd’id’a 32:29

Ladjï azi ni suma ned’a ni, a mba wäd’u ahle ndazina, a mba djib’er yam ahle suma a mba mba kazina.

Gat ta a hat á mbàd’id’a 32:39

Ki tchetchemba, agi wagi woi ala ni an tu ba nAlona. Alo ma ding nga ki sed’en ndi. Ni an ba ni tchi sana; ni an ba ni ar sana karid’a; ni an ba ni ka sana mbilâ; ni an ba ni tchilim mbilim mi. Sama ndak á prut sana woi abona nga d’i.

1 Samuel 2:6

Ma didina nga mi tchi sana, nga mi mbud’um arid’a, nga mi im azuleyo, nga mi hulongôm akulo mi.