2 Amuleina 5:25 - Bible azumeina

²⁵ Gehazi mi hulong gen salama Elise. Elise mi djobom ala: Ang le ni lara ge? Mi hulong dum ala: Salana, an i nga yi d’i.

2 Amuleina 5:25 ပူးပေါင်းရင်းမြစ်များ

Ad’u Tinda 16:8

Mi djobot ala: Agar, magomba hi Sarai-d’a, ndak tcholï ni lara ge? Ndak i ni lara ge? Ti hulong dum ala: An ringî abo salanda Sarai.

Ad’u Tinda 4:9

Ma didina mi djop Kain ala: Wiyengâ Abel mi nga ni lara ge? Kain mi hulong dum ala: An wum nga d’i; an ni ma ngomoma zu?

2 Amuleina 20:14

Bugola, Isai ma djok vun Alona mi mba gen amulâ Ezekiyas, mi dum ala: Sum ndazina a dangâ na ge? A tcholï ni lara ge? Ezekiyas mi hulong dum ala: Azi tcholï ni yam andaga d’a Babilon-nda dei.

2 Amuleina 5:22

Gehazi mi hulong dum ala: An mba ni hawa ko. Salana mi sununï ala an dangû, suma mbà aduk adesâ hi suma djok vun Alonina a tcholï yam ambas sa Efraim-mba, a mba nga avo hatamu. Mi tcheneng ala: Ang humza kawei ma hapma kilona dok hindi ki baru ma lü vun tilâ mbà mi aziya.

2 Sunda Hamuleinid’a 26:19

Kid’a Oziyas mi nga tchola ki vama ngal dubang ma mi his djivid’ina abomba, mi mbut ayîna. Ata yima hurum zal yam suma ngat buzunina, libina mi buzuk kei avorom kä ir suma ngat buzuna kur gong nga kud’ora hi Ma didinid’a go ki yima ngal dubang ma his djivid’ina.

Zla d’a d’ogolâ 30:20

Wani ni lovota hatcha d’a mizeunid’a: Nga d’i le mizeuna, nga d’i mbus tat teyo, nga d’i dala: An le nga tcho d’i.

Ezekiyel 33:31

Azi mba tok geveng ablaud’a. Sum mana a mba kak kä avorongû. Azi mba hum zla manga, wani azi mba le sunda kat ti, kayam azi nga de zla d’a djivid’a ni ki vunazi abua, wani huruzi ni tinda yam fe mazid’a.

Matiye 26:21

Kid’a a nga avun tenid’a, Jesus mi dazi ala: Gagazi, an nga ni dagiya, sana tu adigagi mba mi han abo suma.

Jean 13:2

Avok tena, Diable mi kal wa zlad’a kur Judas Iskariyot Simon goroma á he Jesus abo suma. Kid’a azi nga avun tena tua d’a,

1 Samuel 10:14

Abum wiyema mi wum kazong mama, mi djobom ala: Agi igi ni lara ge? Saul mi hulong dum ala: Ami ei ni hal korod’a, wani ami fat nga d’i. Ami i djobomi Samuel.