2 Amuleina 5:23 - Bible azumeina

²³ Näman mi dum ala: Ang ve kawei ma hapma kilona dok karagaya! Mi tezemu, mi hum kawei ma hapma bud’omeina mbà, mi hum baru ma lü vun tilâ mbà mi, mi hum azungeî mama mbà á tinim avo.

2 Amuleina 5:23 ပူးပေါင်းရင်းမြစ်များ

Ad’u Tinda 33:11

Ang ve he d’a hawa man nda an mbangzid’a. Kayam nAlona ba, mi handjiya, an nga kahlena pet suma ndagana. Jakob mi lum baba; Esau mi vad’u.

1 Amuleina 20:7

Ata yi máma amul ma Israel-lâ mi yï suma nglo suma yam ambasina pet, mi dazi ala: Agi wagi tetet ala sa máma mi min lei ni tchod’a, kayam mam tchugï sunda ala an hum arubuyon ki grona ki kawei man ma hapma ki lor manda. Wani an d’elem nga d’uo mi!

2 Amuleina 12:10

Azi le we beged’a ti mba ngola kur zandu’â ni, a yï ma b’ir mbaktumba hamulîna ki ma ngol ma ngat buzuna mi. Azi a yoï bege ndata, a ndumud’u.

2 Amuleina 2:17

Wani azi tezem ped’et. Elise mi dazi ala: Le na ni, agi sunugiziya! Azi sun mazi suma dok vahl ndazina. Azi i hal Elie gak burâ hindi, a fum nga d’i.

2 Amuleina 5:16

Wani Elise mi dum ala: Avok Ma didina ma bei matna ma an nga ni lum sundina, an nga ni ve va abong ngi. Wani Näman atam baba, wani Elise mi ve nga d’i.

2 Amuleina 5:5

Amulâ mi dum ala: Djiviya! Ang iya. An nga ni hang mbaktumba abong mamul ma Israel-lâ. Näman mi i yo kawei ma hapma kilona kikis hindi, lora kilona dok karagaya ki baru ma lü vun tilâ dogo mi.

2 Amuleina 6:3

Wani ma dingâ tu adigazi mi dum ala: Ang i ki sed’emiya. Elise mi dum ala: Djiviya! An iya.

Isai 30:6

Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Wana ni Zla d’a Djivi d’a Luc mi b’irita 11:54

Azi hal lovota á fe zla d’a dinga avunamu.