2 Amuleina 5:14 - Bible azumeina

¹⁴ Kayam ndata, Näman mi i kur alum ma Jurdê-na, mi hlup kä aduk mbina hluhlup yam kid’iziya d’igi Elise mi dum na. Mi yak kei yuyung, babagam mbut d’igi gogor ma gorâ na.

2 Amuleina 5:14 ပူးပေါင်းရင်းမြစ်များ

1 Amuleina 17:16

Afut ta kur deinid’a ti dap puo mi na, mbul ma kur gugurina mi dap puo d’igi Ma didina mi de mi Elie na.

2 Amuleina 4:35

Elise mi hulong tchol akulo, mi ngui tita hur gonga hina ndjö, mi hulong mat tam kä woi yam gorâ kua. Atogo hina zak gorâ mi ereseu yam kid’iziya, mi mal iram mbeyo.

2 Amuleina 5:10

Elise mi sun sana mi dum ala: Ang i mbus tang kä kur alum ma Jurdê-na mbumbus yang kid’iziya, ang mba yak kei yuyung.

2 Sunda Hamuleinid’a 20:20

A tchol ki yorogo tcholola, a buzuk á i irazi abo ma hur ful ma Tekowa-na. Ata yima a buzuk keina, Josafat mi tchol avoroziya, mi dazi ala: Agi suma Juda-na ki suma avo Jerusalem-ma, agi humunu! Agi vagi tagi ad’enga kur hur magi ma tinda yam Ma didina Alo magina. Hina wani, agi mba tchologi ad’enga ngingring! Agi tinigi hurugi yam mam suma djok vuna. Hina wani, agi mba kuzugi ayîna!

Wana ni mbaktumba hi Job-pa 31:13

Le an noî zlad’a hazong manid’a d’oze zlad’a hi wei mandid’a woi ata yima a nga tchi tuguyod’a ki sed’ena ni,

Wana ni mbaktumba hi Job-pa 33:25

Hliwim mi hulong kal ma hi gogorina, mi mbut ni d’igi mam tam kazongômba na.

Buzuk ka Abud’a 4:7

Mi dum kua ala: Ang tin abong didigang kua. Mi hulong mi tin abom didigamu. Bugol mi hlum mbeyo; abom hulong mbut blangâm ma adjeuna!

Zla d’a d’ogolâ 9:9

Ang hat sama ned’a, mba mi mbut sama ned’a kala; ang hat wed’a mi sama d’ingêrâ, mba mi i avogovok kur we mamba.

Sunda hi suma hi Levi-nid’a 13:58

Baruna d’oze vayirâ, d’oze baru ma aduburo’â, d’oze vama lara ma a lum ki ba’â ma a mbuzum mbei ma guvur mamba pat teina, a mbuzum mbei yang á mbàd’a; mba mi mbut yed’et mi.

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Zakari 14:8

Kur bur máma mbiyo ma he arid’ina mba mi djangî woi kur Jerusalem. Abom ma hina mba mi i iram kur apo d’a Matna abo ma yorogona, abom ma hina mba mi i iram kur alum ma ngol ma Mediterane-na abo ma fladegena mi, a mba le hina andol kawaliya.

Wana ni Zla d’a Djivi d’a Luc mi b’irita 4:27

Suma libina ablaud’a a nga yam andaga d’a Israel-la kur atchogoid’a hi ma djok vun Alona Elise-d’a, wani mi yak nga libina hi sa woi tu adigazi d’i, ni hi Näman ma Siri-na hol.

Wana ni Zla d’a Djivi d’a Luc mi b’irita 5:13

Jesus mi mat abom mi domu, mi dum ala: An mina, ar libi mangâ mi yak keyo. Ata yi máma na wat, libi mama mi yak kei mi.

Jean 2:5

Asum mbi de mi suma le sunda ala: Agi lagi ahlena pet suma mam mba dagi kazina.

Wana ni mbaktum mba Paul mi b’irit mi Tit-ta 2:14

Ni Ma he tam kei á sud’i woi kur tcho d’a lara ge pet á mbud’i mam suma yed’et suma tazi lazi zlezleû á le sun nda djivid’ina.

Josue 6:4

Suma ngat buzuna kid’iziya a yo aduvei gamlâna kid’iziya aboziya, a kal avok zandu’â. Kur bur ma kid’iziyana, agi nguyugi azina ngungui yagi kid’iziya. Ata yi máma suma ngat buzuna a bu aduveina.