2 Amuleina 5:13 - Bible azumeina

¹³ Wani azungeî mama a hut gevem go, ma dingâ tu mi dum ala: Abunu, ladjï ma djok vun Alona mi dangî vama ad’engâ pî ni, ang mba lum mbuo zu? Ni kayam me ba, ang aram bei led’a ge? Tala ang ge tang aduk mbina go ba ang yak keyo d’a.

2 Amuleina 5:13 ပူးပေါင်းရင်းမြစ်များ

Ad’u Tinda 41:43

Faron mi tinim kur pusâ hakulumei mam ma mbàna, suma a nga ring avoroma a nga er ad’uzi akulo ala: Agi aragi lovota! Agi aragi lovota! Ni hina ba, Faron mi tin Josef ngola yam ambas sa Ezipte-d’a pet.

1 Amuleina 20:23

Wani suma sunda hamul ma Siri-na a de mi salazina ala: Alona hi Israel-lîna nalo ma ahinad’a. Ni kayam ndata ba, azi kalei kad’enga wana, wani le ei duruzi woi pid’agi ni, gagazi, ei mba kalazi kad’enga.

1 Amuleina 20:31

Azungeî mama a dum ala: Ang huma! Ami humumi ala amulei suma Israel-lâ namulei suma a we hohowa sumina. Ami i tchugumi baru d’a dodora atamiya, ami tchugumi ziyona kelemi d’igi suma dangeina na mi, ami i fami amul ma Israel-lâ. Hina wani, mam mba mi tchang nguo kla!

2 Amuleina 13:14

Kid’a Elise mi ve tugud’eid’a á matnid’a, Jowas amul ma Israel-lâ mi i gevemu, mi hud’o kä kamu, mi nde tchina ala: Iba! Iba! Pusâ hi Israel-lîna ki suma djangâma!

2 Amuleina 2:12

Ata yima Elise mi we hina na, mi er ad’um akulo ala: Iba! Iba! Pusâ hi Israel-lîna ki suma djangâma! Bugola, mi we Elie d’uo d’a. Kayam ndata, mi ve baru mamba, mi hawât tei aduk mbà.

2 Amuleina 5:10

Elise mi sun sana mi dum ala: Ang i mbus tang kä kur alum ma Jurdê-na mbumbus yang kid’iziya, ang mba yak kei yuyung.

2 Amuleina 5:3

Bur tu ti de mi salata ala: Ladjï salana mi i ta’î tam mi ma djok vun Alona ma nga kur azì ma Samari-na ni, mam mba mi yagam libi mama woi atogo hina zak.

2 Amuleina 6:21

Ata yima amul ma Israel-lâ mi we azigar ndazina petna, mi djop Elise ala: Abunu, an tchazi woi zu?

2 Amuleina 8:9

Hazayel mi i ki he d’a hawa d’a djivi d’a kal tegles sa yam ambas sa Damas-sid’a ndak ir aneka hi djambala d’a zid’a dok fid’i á hat mi Elise. Kid’a mi mbaza avok ma djok vuna Elise-d’a, mi dum ala: Gorongâ Ben-Hadat mi sununï ni mam ala an djobongû, na ni mam mba mi tchol akulo kur tugud’ei mam ndata ko zi ge?

Sawal la giled’a 51:2

Mi hlat ni kid’a Natan ma djok vun Alona mi i atam bugol la mi le mizeuna ki Batseba-d’a.

Sawal la giled’a 51:7

Gola! Ata yima asun van wirîna pî, an ni kur tchod’a; ata yima a vud’una pî, an ni kur tchod’a mi.

Isai 1:16

Agi mbuzugi tagi woyo, agi mbud’ugi tagi woi yed’et, agi aragi sun magi d’a asa’at ta agi lat avoronda woyo, agi aragi tcho d’a led’a woi mi.

Malatchi 1:6

Ma didin ma ad’engêm kal petna, mi de mi suma ngat buzuna ala: Gorâ nga mi hu abumu, azongâ nga mi hu salama mi. Wani le an nabugiya ni, hu manda nara mi ge? Le an ni Salagina ni, ge yam mba kä avoronda nga ni lara? Agi nga lazan simiyênu, wani agi nga dagi ala: Ami nga lazang simiyêngî ki me ge?

Matiye 23:9

Ar agi yagi sama yam andagad’a ka hina ala Abugiya d’i, kayam Abugi ni tu, ni Ma sä akulona.

Jean 13:8

Pierre mi hulong dum ala: Ang ndak á mbuzun asen ndi. Jesus mi hulong dum ala: Le an mbuzung aseng nguo ni, angî mana d’i.

Jean 9:7

mi dum ala: Ang i mbus irang kur gring ma Silowe-na. Ad’ut nala, Suna. Kayam ndata, sama duka i mbus iramu, mi hulongî, nga mi we yina.

Sunda hi suma a sunuzinid’a 22:16

Ki tchetchemba, ang djup mi me d’ei ge? Ang tchol akulo, ang le batemba, ang yi simiyê Salad’a, mi mbuzung tcho manga woyo.

1 Korente-na 1:21

Suma duniyad’a yam ne mazid’a a we nga Alona d’i. Kayam ndata, Alona kur ne mamba mi nga hurum á sut suma a he gagazid’a yam wal mami d’a tchi d’a lilid’ina.

1 Korente-na 1:27

Wani Alona mi man ni suma suma kur duniyad’a a nga golozi ala ni suma lilid’a na á mbut suma ned’a zulona. Mi man suma suma kur duniyad’a a nga golozi ala ni suma amangeîna na á mbut suma ad’engâ zulona mi.

1 Korente-na 4:15

Kayam le agi nga ki suma a nga had’agi yam Christ-sâ dudubud’a dogo pî, abugi ni tu. Kayam kak magi d’a zlapa tu ki Christ-sa, an mbut nabugi ma mbagi ki Zla d’a Djivid’ina.

Wana ni mbaktum mba Paul mi b’irit mi Tit-ta 3:5

mi sud’i ni yam sun nda d’ingêr ra ei lata d’i, wani ni yam we hohou mamba. Mi sud’i woi ki mbusa ata yima Muzuk ma bei tchod’a ba na mi vud’i vut ta awilid’ina, mi hei ari d’a awilid’a mi.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.

1 Samuel 24:11

Ki tchetchemba, ang we ki irang ala Ma didina mi hang ini abon kur zul ahinad’a. A dan ala an tchangû, wani an arangû, an dazi ala: An min tin abon ata salana d’i, kayam mam mi ma Ma didina mi tinim amulina.

1 Samuel 28:23

Wani mi noyâ, mi dala: An min te tena d’i. Azungeî mama azi katcha ndata a tezemu; mi hum zla mazid’a, mi tchol lei akulo aduk andagad’a, mi kak yam azangâ.

1 Samuel 9:10

Saul mi dum ala: Djiviya! Ang mbei ïya! Azi i avo hur azina ata yima sana hAlonina mi nga kuana.