2 Amuleina 4:43 - Bible azumeina

⁴³ Wani azong mama mi dum ala: Te ma wana an humî suma kisâ ni nana ge? Elise mi hulong dum ala: Ang b’rawam mi suma pet, kayam Ma didina mi dala: Nge nge pî mi mba te mi hoba, ad’um mba d’i ara.

2 Amuleina 4:43 ပူးပေါင်းရင်းမြစ်များ

Ndumba 11:13

An mba ni fe hliuna ni lara ba, ni hum mi sum ndazina hina pet ke? Kayam a nga tchi kan ala: Ang hami hliu ma mutna.

Ndumba 11:23

Ma didina mi hulong de mi Moise ala: Na ni an kid’ak su? Ki tchetchemba, ang mba we zla d’a an data mba d’i le d’oze mba d’i le d’uo, ang mba we.

Matiye 14:20

Azi pet a te, a hoba. Mam suma hata a tar avungôna ad’um mba ara, ti oî gumud’a dogo yam mbà.

Matiye 15:37

Azi pet a te, a hoba. Suma hata a tar avungôna ad’um mba ara, ti oî gumud’a kid’iziya.

Marik 8:20

Mi djobozi kua ala: kid’a an mbruk avungô ma kid’iziyana mi suma dudubud’a fid’id’a, agi taragi ad’um mba ara ti oî gumud’a ni ga ge? Azi dum ala: Kid’iziya.

Marik 8:4

Mam suma hata a hulong dum ala: Ei mba fei avungôna ni lara abagei ka hî á hop sum ndazina ge?

Wana ni Zla d’a Djivi d’a Luc mi b’irita 9:13

Mi hulong dazi ala: Agi tagid’a ba, hazi tena. Azi dum ala: Ami nga kavungôna vahl ki kulufâ mbà. Na ni ang min ala ami i guzumi tena mablau sum ndazina pet tchu?

Wana ni Zla d’a Djivi d’a Luc mi b’irita 9:17

Azi pet a te, a hoba. Mam suma hata a tar avungôna ad’um mba ara, ti oî gumud’a dogo yam mbà.

Jean 6:9

Gogorâ nga ka hî kavungô orsâ vahl ki kulufâ mbà abomu, wanda mi ndak ablau suma tchotcho ndazina d’ang zu?