2 Amuleina 4:38 - Bible azumeina

³⁸ Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

2 Amuleina 4:38 ပူးပေါင်းရင်းမြစ်များ

Ad’u Tinda 25:29

Wani bur tu, ata yima Jakob nga mi min te ma djivinina, Esau mi tcholï abagei ata yima nduwanda, mi seî heî,

2 Samuel 21:1

Kur atchogoid’a hi David-ta, baktara ti nde, ti le bizad’a hindi. Wani David mi tchen Ma didina. Ma didina mi hulong dum ala: Ni yam Saul ki mam suma a tchi suma woina, kayam mi tchi suma Gabawon-na woyo.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

2 Amuleina 2:1

Ata yima Ma didina mi min á hle Elie akulo ki mbirlimbina, wana nahle suma a lena: Elie azi ki Elise a tcholï Gilgal ad’u tazi djak.

2 Amuleina 2:3

Adesâ hi suma djok vun suma a nga kaka Betel-lâ, a mba, a de mi Elise ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

2 Amuleina 4:1

Bur tu atchad’a hi ma dingâ aduk adesâ hi suma a djok vun Alonina, ti mba fe Elise, ti tchenem ala: Salana, ang we azong mangâ ndjuvun ni sama kud’or Ma didinina. Ki tchetchemba, mi mit wa, wani sama ami hlami beged’a balâ aboma, mi mba á yo gron suma mbàna á mbud’uzi magumei mama.

2 Amuleina 4:39

Ata yi máma ma dingâ aduk adesâ hi suma djok vun Alonina, mi i abagei á hal hum azlema, mi fe kurdu vira, mi dud’ut vud’ut mi oî baru mamba mbeï, mi mba avo, mi tchalat aduk aku kur deina, wani sa wat nga ala ni va hî d’i.

2 Amuleina 8:1

Bur tu Elise mi de matcha d’a mam zlid’it gorotna akulo ata yima matnid’a ala: Ndak tchol ki suma avo hata’â, agi i kagagi ata yima ndak iragi á kakina, kayam Ma didina nga mi mba ki baktarad’a yam andaga d’a Israel-lâ, baktara ndata mba d’i le ni bizad’a kid’iziya mi.

Wana ni mbaktumba hi Job-pa 30:4

Azi nga dut hum aguna aduk azlupa, a te ni sidei agu zenetna.

Zla d’a d’ogolâ 8:34

Sama nga mi humuna ma nga tchola avun agrek mana burâ ki burâ ma nga tchola ndjola avun aziyana, mi le furîd’a.

Ezekiyel 11:3

A nga dala: Nga ni yima min gongîyona d’uo tua, azì ma ngol ma wana ni deina, ei teid’a ni hliu ma kurâ.

Ezekiyel 11:7

Ni kayam ndata ba, an Salad’a Ma didina nga ni dagiya: Mat ma agi samam kä hur azinina ni hliuna, azì ma ngolâ ni deina mi. Wani agiya, an mba ni buzugugï woi kur azì máma.

Ezekiyel 14:13

Ang gor sana, le suma kur ambasa a le tchod’a avoronu, le a he tazi á le sun nda batranga, le an zi abon kazi akulo, le an yo te mazina woyo, le an sun baktarad’a kaziya, le an tchi suma woi ki d’uwarâ adigaziya,

Ezekiyel 24:3

Ang de zla d’a d’ogol la wanda mandjaf ma bei hum vunina, ang dazi ala: Salad’a Ma didina nga mi dagiya: Agi tinigi deina akua, agi vogi mbina kurumu,

Sunda hi suma hi Levi-nid’a 26:26

Ata yima an mba ni d’el avungô maginina, aropma dogo a mba gavungôna kur für ma tuna, a mba ngagizi ni ngä; agi mba tumu, wani mba mi hobogi d’i.

Amos 7:14

Amos mi hulong de mi Amasiya ala: An nga ni ma djok vun Alona d’oze ma djok vun gorom mbuo ko. Wani an ni ma pol d’uwarâ, an ni ma ngom diyagad’a mi.

Marik 6:37

Jesus mi hulong dazi ala: Agi tagid’a ba, hazi tena. Wani azi dum ala: Ami i guzumi tena ir bege d’a hapa kikis mbà á hazi á te zu?

Wana ni Zla d’a Djivi d’a Luc mi b’irita 10:39

Wiyeta nga, simiyêt ala Marie. Marie ti kak kä asem Salad’a á hum zla mamba.

Wana ni Zla d’a Djivi d’a Luc mi b’irita 2:46

Bugol bur ma hindina, a fum kur gong nga kud’ora hAlonid’a. Mi nga kak kä aduk suma hat suma, nga mi humuziya, nga mi djobozi mi.

Wana ni Zla d’a Djivi d’a Luc mi b’irita 4:25

Wani gagazi, an nga ni dagiya, adjeu arop suma modonod’a ablaud’a a nga yam andaga d’a Israel-la kur atchogoid’a Elie-d’a, kid’a alona se d’uo bizad’a hindi ki tilâ karagayad’a. Baktara d’a ngola nde yam andagad’a pet.

Wana ni Zla d’a Djivi d’a Luc mi b’irita 8:35

Suma a buzuk kei abu á we vama lena. Azi mbeï gen Jesus, a fe sama muzuk ma tchona mi buzuk kei kuruma, mi nga kaka kä avok Jesus ki baruna atamu, iram sik mi. Azi le mandarâ.

Wana ni Zla d’a Djivi d’a Luc mi b’irita 8:38

Wani sama muzuk ma tchona buzuk kei kuruma, mi tchen Jesus ala aram mi i ki sed’emu. Wani Jesus mi sunum mi dum ala:

Wana ni Zla d’a Djivi d’a Luc mi b’irita 9:13

Mi hulong dazi ala: Agi tagid’a ba, hazi tena. Azi dum ala: Ami nga kavungôna vahl ki kulufâ mbà. Na ni ang min ala ami i guzumi tena mablau sum ndazina pet tchu?

Jean 21:5

Kayam ndata, Jesus mi dazi ala: Grona, agi nga ki kuluf fuo zu? A hulong dum ala: Va nga d’i.

Jean 21:9

Kid’a a djak kei del gongôd’id’id’a, a wakud’a nga ved’a ki kiwilâ kä, kulufâ nga tchuka kad’u, kavungôna mi.

Sunda hi suma a sunuzinid’a 10:38

Agi wagiya, ni nana ba, Alona mi vo Muzuk mama kad’enga yam Jesus ma Nazarat-na ge? Mi i ata yina teteng á le djivid’a, á sut suma pet suma a nga ad’u ad’enga hi Diable-d’ina, kayam Alona mi nga ki sed’emu.

Sunda hi suma a sunuzinid’a 15:36

Bugol burâ tcha, Paul mi de mi Barnabas ala: Ar ei hulongeî d’ui b’oziyoi suma ei tchazi wal zlad’a hi Salad’id’a kur azì ma nglo ma tetengâ á wei na ni azi nga ni nana ge.

Sunda hi suma a sunuzinid’a 22:3

An ni ma Juif-fâ, a vud’un ni kur Tarsis sa Silisi-d’a. Wani a wulun ni ka hî kur Jerusalem. Gamaliyel ni ma had’an ad’u gata habuyoi ngolo d’a d’ingêra. Tan nga d’i lan zlezleû yam Alona d’igi agi tagi nga d’i lagi zlezleû ini na mi.

1 Samuel 19:20

Saul mi tchuk suma á veï David. Azi wades suma djok vuna a nga djok vuna, Samuel mi nga avoroziya. Muzu’â hAlonina mi ve suma hi Saul-lâ, azi tazid’a a nde djok vun Alona mi!