2 Amuleina 4:1 - Bible azumeina

¹ Bur tu atchad’a hi ma dingâ aduk adesâ hi suma a djok vun Alonina, ti mba fe Elise, ti tchenem ala: Salana, ang we azong mangâ ndjuvun ni sama kud’or Ma didinina. Ki tchetchemba, mi mit wa, wani sama ami hlami beged’a balâ aboma, mi mba á yo gron suma mbàna á mbud’uzi magumei mama.

2 Amuleina 4:1 ပူးပေါင်းရင်းမြစ်များ

Ad’u Tinda 22:12

Malaikana mi hulong dum kua ala: Ang tin abong ata gorongâ d’i, ang lum va d’uo mi. Ki tchetchemba, an wala ang nga le mandara Alona, kayam ang d’elen nga gorong ma tu gid’engâ bei hed’a d’i.

1 Amuleina 18:3

Ahap mi yi Obadiya ma ngol ma yam azì ma amulina. Obadiya ni sama d’engzeng ma kud’or Ma didinina.

1 Amuleina 20:35

Ata yi máma na wat, Ma didina mi he vuna mi ma dingâ tu aduk suma a djogom vunama. Kayam ndata, mi de mi ndrama ala: Ang kanu. Wani ndrama mi min ndi.

2 Amuleina 2:15

Adesâ hi suma djok vun suma a nga kaka Jeriko-na, a nga tchola sä woi hina dei, a nga gol vama Elise mi luma, a nga dala: Muzuk ma kak yam Elie-na, ki tchetchemba, mi djok wa yam Elise. A mba d’ugulomu, a grif kä avoromu,

2 Amuleina 2:3

Adesâ hi suma djok vun suma a nga kaka Betel-lâ, a mba, a de mi Elise ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

2 Amuleina 2:5

Wani adesâ hi suma djok vun suma a nga kaka Jeriko-na, a hut gen Elise, a dum ala: Ang wala Ma didina mba mi hle ini salangâ akulo zu? Elise mi hulong dazi ala: Â, an we ko. Agi bagiya!

2 Amuleina 2:7

Suma djok vuna dok vahl a mba, wani a tchol sä woi hina dei ki Elie azi ki Elise suma a nga tchola avun alum ma Jurdê-nina.

2 Amuleina 4:38

Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

2 Amuleina 6:9

Wani Elise mi de mamul ma Israel-lâ ala: Ang gol tang djiviya; ang hle yi máma d’i, kayam azigar suma Siri-na a nga i kua.

Nehemi 10:31

Ami hlami vunami kua ala le andjaf suma yam andaga d’a wandina a mbami ni ki vama gus soze vama tena á guzum mbei kur bur ma sabatna d’oze kur bur ma luna ni, ami mba guzum abozi d’i. Ami hlami vunami kua ala ami mba arami asinemi gumur kä bizad’a kid’iziya, ami mba tezemi sa á wuragami bal luo mi.

Nehemi 7:2

An he vuna mi wiyena Hanani azi ki Hananiya ma ngolâ hi gong nga ndjol la Jerusalem-mbina, ni sama d’engzeng ma le mandara Alona kal suma dingîna mi.

Sawal la giled’a 103:11

O mam mba didinda kal lei akulo yam suma a nga lum mandarama, d’igi akulod’a ti kal lei akulo yam andagad’a na mi.

Sawal la giled’a 103:17

Wani od’a hi Ma didinid’a ti nga ni yam suma a nga ringîm mandarama hina gak didin; d’ingêr mamba ti nga yam grozina ki grozi ngolona,

Sawal la giled’a 115:13

mba mi b’e vunam yam suma a ringîm mandaram suma gureina ki suma nglona mi.

Sawal la giled’a 147:11

Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Zla d’a d’ogolâ 22:7

Ma ndjondjoîna nga mi te yam suma houd’a. Sama mi nde balîna, mi ni magoma hi sama mam nde balâ aboma.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Ma tchi wala 8:12

An we le ma le tchod’a, mi le tchod’a yam kis, nga mi te ngola tatâ yam andagad’a pî, an wala suma a nga le mandara Alonina a mba kak ki halasa kayam azi nga le mandarâ avoromu.

Isai 50:1

Ma didina mi dala: Mbaktum mba an dik kasugid’a ti nga ni lara ge? D’oze sama an nde balâ abom ni guzugi ki woina ni nge ge? Gola! Ni yam tchila magid’a ba, an guzugi ki woyo, ni yam tcho magid’a ba, an dik kasugi woi mi.

Jeremi 34:14

Bugol dabid’a hi biza d’a kid’iziyad’a, nge nge pî adigagi ar mi ge wiyem ma Hebre ma mi gus tam mbei aboma akulo. Mi lum sunda bizad’a karagaya. Bugola, mi gum akulo woi avo hatamu. Wani abuyogi ngolo a humun nga d’i, a tin nga humazi yam zla manda d’uo mi.

Sunda hi suma hi Levi-nid’a 25:48

lovota nga á mbud’um bugol la mi gus tam mbei dad’a. Wiyem ma dingâ mi ndak á mbud’umu.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

Matiye 18:25

Wani mi nga ki vama wurak ki. Salama mi he vuna ala a guzum mbei kamamba ki groma kahligiyem pet á wurak ki bal mama.

Matiye 18:30

Wani mi min ndi, mi i mi gum dangeina gak mi wurak bal mama.

Matiye 18:35

Jesus mi de kua ala: Le nge nge pî adigagi mi vat nga hurum mbei yam wiyema d’uo ni, Abun ma sä akulona mba mi vat hurum mbei kam mbuo mi.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 19:5

An hum dela ti tcholï ata yima zlam mba amula, ti dala: Agi azungeî mama pet suma lum mandaram suma nglona ki gugureina, agi gilegi Alo meina.

Wana ni mbaktum mba a b’irit yam Rut-ta 1:3

Elimelek mi mid’a, wani amamba Naomi ti ar kaka ki grot suma mbàna.

1 Samuel 22:2

Suma pet suma nga kur ndakina ki suma a nga ki balâ kazina d’oze suma tazi nga lazi zlezleû d’uo na, a tok gevemu; mam mbut ma ngol mazina. Suma ki sed’ema a ni go ki kikis fid’i.