2 Amuleina 3:25 - Bible azumeina

²⁵ Azi b’lak azì ma nglona kä woyo, a dur ahuniyôna kur asine ma azi nga zumuma gak ahinad’a oî woi hur asinena, a tos ir mbiyo ma laud’a woi pet, a ka agu ma vuta woi pet mi. Wani azì ma Kir-Hares-sâ mi arî mam hol, wani azigar suma dur ahinad’a a mba nguyum a durumu.

2 Amuleina 3:25 ပူးပေါင်းရင်းမြစ်များ

Ad’u Tinda 26:15

Golongeî suma azungeîna habum Abraham-ma a kazi kur atchogoi mambina, suma Filistê-na a tozozi woi pet.

Ad’u Tinda 26:18

Mi yo golongeîna habum Abraham-ma woyo, kayam bugol matna habuma, suma Filistê-na a tozozi woyo. Ni golongeî suma a kazi kur atchogoid’a habumbina. Mi yazi ni ki simi ma abum yazi ki na.

2 Samuel 8:2

David mi dur ayîna ki suma Mowap-ma, mi kus kaziya, mi ndjarazi burâ kä andaga, mi ngazi ki ziyona nga nga hindi, mi tchi suma kur ziyo ma mbànina woyo, mi ar suma kur ziyo ma hindinina bei tchid’a; a hum tara.

2 Amuleina 3:19

Agi mba togi azì ma nglo ma ad’eng ma ngunguna kä woi pet kazì ma nglo ma djif ma kalâ kä woi pet, agi mba kagi agu ma vuta kä woyo, agi mba tozogi ir mbiyo ma laud’a woyo, agi mba b’lagagi asine ma suma a nga zumuma woi kahinad’a pet mi.

2 Amuleina 3:24

Wani kid’a azi mba go ki kangâ hi Israel-lîd’a, azigar suma Israel-lâ a nde atazi durâ. Wani azigar suma Mowap-ma a wet ringâ, Israel-lâ a zirik kazi mi, gak a tchuk kur ambas sa Mowap-pa ki ringâ, a tchaziya.

2 Amuleina 3:26

Ata yima amul ma Mowap-ma mi wala ayî máma kal kamu d’a, mi tok azigar suma a dur ki mbigeu d’a fiyakina kikis kid’iziya á ge lovota á famul ma Edom-ma, wani azi ndak ki.

2 Sunda Hamuleinid’a 32:4

Suma ablaud’a a tok tazi á tos mbiyo ma lau ma tetengâ ki ir mbiyo ma nga mi djangî kä avona woyo, a dala: Ni kayam me ba, amulei suma Asiri-na a mba fe mbina ngola ge?

Isai 15:1

Wana ni zla d’a a dat yam suma Mowap-mid’a: Gagazi, kur andjege d’a tud’a a b’lak azì ma Ar ma Mowap-ma woyo, mi mbut vama hawana; gagazi, kur andjege d’a tud’a a b’lak azì ma ngol ma Kir ma Mowap-ma woyo, mi mbut vama hawana mi.

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Isai 16:7

Suma Mowap-ma a nga tchi yam taziya, nge nge pî nga mi tchi tchi ma hohoud’a, a nga tchi yam fangasuna hades guguzlu ma a lum avo Kir-Hares-sâ, a nga tchi ki hur ma hata ngola.

Jeremi 48:31

Ni kayam ndata ba, an nga ni tchi yam azì ma Mowap-ma, an nga ni tchi yam azì ma Mowap-ma ki zla tam pet, an nga ni tchi yam suma Kir-Heres-sâ.

Jeremi 48:36

Ni kayam ndata ba, an nga ni tchi kurun krovo yam suma Mowap-ma d’igi taulâd’a ti tchi na, an nga mi tchi kurun krovo yam suma Kir-Heres-sâ d’igi taulâd’a ti tchi na mi, kayam ndjondjoî d’a azi togota, ti b’lak wa woyo.

Gat ta a hat á mbàd’id’a 2:9

Ma didina mi dan ala: Ang nde suma Mowap-ma ayîna d’i, ang duruzi d’uo mi, kayam an mba ni hagi va yam ambas mazid’a d’i. Ni Lot groma ba, an hazi ambas sa Ar-ra djona.

Suma ka sariyad’a 9:45

Abimelek mi dur suma hur azina ki falei ndata baba, mi hlazina, mi tchi suma kurâ, mi to azina kä woyo, mi yak ndjuvuna kam mi.