2 Amuleina 24:20 - Bible azumeina

²⁰ Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

2 Amuleina 24:20 ပူးပေါင်းရင်းမြစ်များ

Ad’u Tinda 4:16

Kain mi wal lei dei ki Ma didina, mi i kak sä yam andaga d’a Not-ta, abo ma yorogona hi Eden-na.

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

2 Amuleina 24:1

Kur atchogoi mamba, Nebukanezar amul ma Babilon-na mi mba á dur ayîna kandaga d’a Juda-d’a. Jojakim mi ge yam kä ad’um gak biza d’a hindi. Bugola, mi tchol huneîd’a ki sed’emu.

2 Amuleina 24:3

Ahle ndazina a mba hina ni yam vun ma hed’a hi Ma didinina tamba. Mi min dik suma Juda-na woi avoromu, yam tcho d’a pet ta Manase mi lata,

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Sawal la giled’a 51:11

Ang hle irang ngei yam tcho manda, ang has tchila manda woi mi.

Jeremi 37:2

Wani Sedekiyas soze azungeî mama d’oze suma yam ambasina a hum nga zla d’a Ma didina mi dat avun ma djogom vunama Jeremi-d’a d’i.

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

Ezekiyel 17:12

Ang de mandjaf ma bei hum vuna ba na ala: Agi wagi nga ad’u zla ndata d’uo zu? Ang dazi ala: Gola! Amul ma Babilon-na mi i wa Jerusalem, mi ve wa amulâ ki mam suma nglona, mi i wa ki sed’ezi avo Babilon.

Ezekiyel 19:14

Akud’a ti foï ata abod’u, ti ngalat abot tei ki vud’ud’u. Abot mi nga ad’enga á ka totogo d’a tamula d’uo d’a. Ti arî sawal la yor tad’a, ti arî á yor tad’a.

1 Korente-na 1:20

Ki tchetchemba, sama ned’a mi nga ni lara ge? Sama hat suma mi nga ni lara ge? Sama tchi tuguyo ma kur atchogoi d’a wandina mi nga ni lara ge? Alona mi tagei nga ala ned’a hi duniya d’a wanda ni lilid’a d’uo zu?

Gat ta a hat á mbàd’id’a 2:30

Wani Sihon amul ma Hesbon-na, mi arei nga á kala kur ambas mamba d’i, kayam Ma didina Alo magina mi b’alam hurum ad’enga ngingi, kayambala mi hagizi abogi ini d’igi agi tagi wagi na d’a.

Gat ta a hat á mbàd’id’a 29:27

Ni kayam ndata ba, Ma didina hurum mi zal ki ngola yam suma kur ambas ndatina wana, mi gazi vun ma ge ma pet ma a b’irim zlam kur mbaktum mba wandina wana.

Gat ta a hat á mbàd’id’a 4:24

Kayam Ma didina Alo magina naku d’a ti ngal yinid’a, nAlo ma yungôrâ mi.