2 Amuleina 24:2 - Bible azumeina

² Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

2 Amuleina 24:2 ပူးပေါင်းရင်းမြစ်များ

2 Amuleina 20:17

Mi dala: Bur tu ahle suma a nga kur aziyang ma amulina pet kahlena pet suma abuyong ngolo a togozi gak inina, a mba yozi izi Babilon pepet. Va mba ar ka hî d’i.

2 Amuleina 22:16

Mi dala: Gola! An Ma didina mba ni mba ki ndaka yam yima wana ki suma a nga kaka kuruma d’igi zla d’a amul ma Juda-na mi ndumut kur mbaktumbid’a na.

2 Amuleina 23:27

Ma didina mi dala: An mba ni dik suma Juda-na woi avoron d’igi an dik Israel-lâ woi avoron na mi. An mba ni ge Jerusalem azì ma an manama ki gong nga ngol la an djin vunan kat ala: Ni kua ba, an mba ni tak simiyên ndeyo d’a woyo.

2 Amuleina 6:23

Amul ma Israel-lâ mi lazi te ma ngolâ. Bugol la azi te a tche d’a, mi arazi a hulong gen salazina. Ki dedei ndata azigar suma Siri-na a hulongî nga yam andaga d’a Israel-la á hurum ahlena d’uo d’a.

2 Sunda Hamuleinid’a 33:11

Ata yi máma Ma didina mi mba ki azigar suma nglo suma hamul ma Asiri-na atam á durâ. A vumu, a tchom atchinam ki kawei ma vunam gundina, a djinim ki kindjing ma hleuna, a mbam avo Babilon.

Wana ni mbaktumba hi Job-pa 1:17

Kid’a ma sun ma mbàna nga mi de zlad’a tua d’a, ma sun ma dingâ mi mba, mi de mi Job ala: Suma Kalde-na a wal tazi kä ad’u adesâ hindi, a nde yam djambala, a yod’u, a tchi azungeîna woi ki mbigeu d’a fiyaka. Ni an tu ba, ni sud’a, ni mba á dang wana!

Isai 13:5

Azi tcholï ni yam ambas sa deid’a, a tcholï navun dabid’a handagad’id’a. Ma didina ki mam suma dur ayîna yam hur mam ma zalina a mba b’lak ambas ndata woi pet.

Isai 28:19

Yorogo d’a lara ge andjege ki faleya, ata yima lara ma ti mba d’i kalâ, mba d’i vagiya. Ni siwel mata go ba, mba d’i mbud’ugi mandarâ!

Isai 7:17

Ma didina mba mi mba ki ndaka kang ang ki sum mangâ kandjaf habung ngolona. Tinï ad’ud’a kur bur ma suma Efraim-ma a wal lei ki suma Juda-na dei gak ini, ndak ka hina d’a ti le nga yat tu d’i. Zla ndata ni ngad’a yam mbad’a hamul ma Asiri-nid’a.

Jeremi 12:9

Sumala ni mana na, a mbut ni d’igi alei ma te hliu ma ndala ki buzuna ma aluwei suma te hliuna a nguyuma na kan ndju? Agi i togogï amburei suma abageina pet, agi mbeyezï ata yima tena!

Jeremi 25:1

Ma didina mi de zlad’a mi Jeremi yam suma Juda-na pet. Ni kur biza d’a fid’i d’a Jojakim Josiyas goroma amul ma Juda-na nga mi tamulid’a, ni kur biza d’a avok ka Nebukanezar amul ma Babilon-na nga mi tamulid’a mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 26:20

Kur atchogoi ndata, ma djok vuna hi Ma didinina mi nga, a yum ala Uriya ni Semaya goroma, ni ma Kiriyat-Jarim-ma. Nga mi djok vun ma tchona yam azì ma ngol máma yam ambas ndata dedege d’igi zla d’a Jeremi nga mi data na mi.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 32:28

Kayam ndata, an Ma didina ni dala: Gola! An nga ni hazì ma ngol ma wana abo suma Babilon-na, abo Nebukanezar amul ma Babilon-na. Mam mba mi hlumu.

Jeremi 35:11

Kid’a Nebukanezar amul ma Babilon-na mi mba á dur ambas sa wandid’a, ami dami ala: Ei i Jerusalem ei ringî abo azigar suma Babilon-na ki azigar suma Siri-na. Ni hina ba, ami mba kagami kur Jerusalem wana.

Jeremi 52:28

Wana ni ndumba hi suma Juda suma Nebukanezar mi yozi magombina: Kur biza d’a kid’iziyad’a a ni 3023.

Hor ma tchina 1:17

Siyon ti mat abod’u, wani sama mi b’lengêt hurutna nga d’i. Ma didina mi he vuna mi suma a ngui suma hi Jakob-mina, a kak djangûna ki sed’eziya. Jerusalem ti mbut ni vama ndjendjed’a adigaziya.

Ezekiyel 19:8

Andjaf suma ding suma a nguyuma ki suma yam andaga d’a dinga tetengâ a tok tazi á durumu, a gun abei mazid’a kä avoromu, a vum kabei mazid’a.

Ezekiyel 23:23

Suma Babilon-na, suma Kalde-na pet, suma Pekot-na, suma Sowa-na ki suma Kowa-na zlapa ki suma Asiri suma ki sed’ezina pet, azi nazungeî suma djifâ, suma te yamba, amuleina, suma simiyêzi mi nde yinina, azi pet ni suma djang akulumeina heîna.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Habakuk 1:6

Gola! An nga ni yï suma Babilon-na á te yam suma; ni suma asa’at suma lahlena bei djib’era ba na, ni suma a nga bine abozi yam ambasa á yo ambas sa nga ni mazid’a d’uo d’a.