2 Amuleina 24:14 - Bible azumeina

¹⁴ Mi yo suma avo Jerusalem-ma magomba, nala, suma nglo suma sunda pet ki suma gangrangâ pet ablawazi ni 10.000 zlapa ki suma d’alâ ki suma tchafa, mi arî suma hohou mazid’a kal lei ndena hol.

2 Amuleina 24:14 ပူးပေါင်းရင်းမြစ်များ

2 Amuleina 24:16

Mi i ki suma gangrang suma durâ ablawazi pet ni 7000 zlapa ki suma d’alâ ki suma tchafa ablawazi ni 1000 mi. Azi pet ni suma gangrang suma ndak á dur ayînina. Amul ma Babilon-na mi izi magomba Babilon.

2 Amuleina 25:12

Wani mi he lovota mi suma hou suma aduk suma kur ambasina á ngom guguzlud’a, á zuma mi.

1 Sunda Hamuleinid’a 9:1

Israel-lâ pet a ndumuzi ad’u andjavazi ad’u andjavaziya, a b’irizi kä kur mbaktumba hamuleinid’a. Suma hi Juda-na a yozi a izi magomba avo Babilon, kayam tcho mazid’a.

Esdras 2:1

Wana ni suma a tcholï yam ambas sa Babilon-nda a mbana; ni suma Nebukanezar amul ma Babilon-na mi yozi adjeu avo Jerusalem mi izi sä Babilon-na; ni azi ba, a hulongî avo Jerusalem, yam ambas sa Juda d’a teteng mi, nge nge pî mi i kur azì mama:

Nehemi 1:2

Wiyen ma dingâ tu a yum ala Hanani zlapa ki suma dingâ a tcholï yam andaga d’a Juda-d’a, a mba. An djobozi yam Juif suma a tcholza kur magomba a mbazina, yam Jerusalem mi.

Ester 2:6

Ni ma Nebukanezar amul ma Babilon-na mi vumî Jerusalem zlapa ki ndroma ki Jekoniya amul ma Juda-nina.

Isai 3:2

Mba mi hle grangâ ki ma we durîna woyo, mba mi hle ma ka sariyad’a ki ma djok vuna ki ma wahle suma a nga mbana ki ma bizeina woi mi.

Jeremi 27:20

Nahle suma Nebukanezar amul ma Babilon-na mi yozi nga d’uo kid’a mi ve Jekoniya Jojakim goroma amul ma Juda-na ki suma nglo suma Juda-na pet avo Jerusalem mi izi magomba Babilon-nda.

Jeremi 28:4

Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.

Jeremi 29:2

Mi sun mbaktum ndata ni bugol la amulâ Jekoniya kasum ki suma sunda ki suma nglo suma Juda-na ki suma Jerusalem-ma ki suma d’alâ ki suma tchafa a ar Jerusalem dad’a.

Jeremi 39:10

Wani suma kid’ak suma aduk suma suma va mazi nga d’uo na, Nebuzaradan ma ngolâ hi suma a ngom yinina, mi hazi lovota á kak kur ambas sa Juda-d’a, mi he vuna kur bur máma á hazi asine ma guguzlud’a kasine ma dingâ mi.

Jeremi 40:7

Suma nglona hi azigar suma sä woi abageina ki sum mazina a hum ala: Amul ma Babilon-na mi tin wa Gedaliya Ahikam goroma á te yam ambasa, mi hum wa andjofâ karopma ki gugureina ki suma kid’ak suma yam ambasa suma a izi nga Babilon nduo na abomu.

Jeremi 52:16

Wani mi he lovota mi suma hou suma aduk suma kur ambasina á ngom guguzlud’a, á zuma mi.

Jeremi 52:28

Wana ni ndumba hi suma Juda suma Nebukanezar mi yozi magombina: Kur biza d’a kid’iziyad’a a ni 3023.

Ezekiyel 17:14

kayambala suma kur leu ndatina a hulong yazi kä, a hle yazi akulo d’uo, a ngom vun mam ma djinda ki d’engzenga d’a.

Ezekiyel 17:3

Ang dazi ala: Salad’a Ma didina mi dala: B’aru ma ngol ma gigingâm fiyaka ma hlimid’im fuyogeid’a d’udjod’a tetengâ, mi pir gak mi i Liban, mi ka yam agu sedrena.

Matiye 1:11

Josiyas mi vut Jekoniya azi ki b’oziyoma. Ni kur atchogoi d’a a i ki sed’ezi magomba Babilon-nda.

Matiye 1:12

Kid’a a yozi magomba Babilon-nda, Jekoniya mi vut Salatiyel, Salatiyel mi vut Zorobabel,

Matiye 1:17

Tcholï ata Abraham dei gak mba ata David, ad’u andjafâ pet ni dogo yam fid’i; tcholï ata David dei gak mba kur bur ma a yozi magomba Babilon-na, ad’u andjafâ pet ni dogo yam fid’i; tcholï ata bur ma a yozi magomba Babilon-na dei gak mba ata Mesi, ad’u andjafâ ni dogo yam fid’i mi.

Gat ta a hat á mbàd’id’a 28:36

Ma didina mba mi igi kamul ma agi mba tinigizi kagina aduk andjaf suma agi d’oze abuyogi ngolo a wazi nga yazi tu d’uo na. Ata yi máma agi mba kud’urogi alo ma ding ma ahinad’a ki ma aguna.

1 Samuel 13:19

Kur biza ndata kur ambas sa Israel-la pet, sama tchaf nga kua d’i, kayam Filistê-na a min ala Hebre-na a zle mbigeu d’a fiyak koze asapa d’i.